ဒေါက်တာခင်မောင်ဝင်း (သင်္ချာ)

????????????????????????????????????????

သင်္ချာရေးရာ စာပေအမွေ ပေးဝေသူ

ခင်မောင်ဝင်း၊ ဒေါက်တာ (သင်္ချာ) (၁၉၄၀ - ၂၀၂၁)

➕ သင်္ချာပညာရှင် ပါမောက္ခ စာရေးဆရာကြီး

ဒေါက်တာခင်မောင်ဝင်းကို ၁၉၄၀ ပြည့်နှစ်၊ အောက်တိုဘာလတွင် ရန်ကုန်မြို့၌ 

အဖ ဦးခင်မောင်လတ်၊ အမိ ဒေါ်ခင်မျိုးချစ်တို့က 

ဖွားမြင်သည်။

➖ ၁၉၅၆ ခုနှစ်တွင် ကမာရွတ်မြို့နယ်၊ 

ဝဂ္ဂီကျောင်းမှ ဆယ်တန်း အောင်မြင်ပြီး 

ရန်ကုန်တက္ကသိုလ် ဆက်တက်ခဲ့သည်။

❌ ၁၉၆၀ ပြည့်နှစ်တွင် သင်္ချာအထွေထွေ

ဂုဏ်ထူးဘွဲ့ (B.A., Gen.Hons)၊ ၁၉၆၆ ခုနှစ်တွင် 

မဟာဝိဇ္ဇာ-သင်္ချာ (M.A., Maths) ကို ရရှိသည်။

➗ ၁၉၆၇ ခုနှစ်တွင် ဒေါ်ခင်ညွန့်ရီ 

(တက္ကသိုလ်ရွှေရီဝင်း) နှင့် အိမ်ထောင်ကျပြီး 

သားနှင့်သမီး အမြွှာမောင်နှမ မောင်ရစ်နှင့် 

ဂျူနီယာဝင်းတို့ကို မွေးဖွားသည်။

➕ ၁၉၆၈ ခုနှစ်တွင် ပြင်သစ်နိုင်ငံသို့ 

ပညာတော်သင် သွားပြီး ၁၉၇၀ ပြည့်နှစ်တွင် 

ကွန်းတက္ကသိုလ် (Caen) မှ ဒေါက်တာဘွဲ့ (Ph.D)

ကို ရရှိသည်။

➖ ရန်ကုန်တက္ကသိုလ်၊ စီးပွားရေးတက္ကသိုလ် 

(ရန်ကုန်)၊ ပုသိမ်ဒီဂရီကောလိပ် (ယခု ပုသိမ် တက္ကသိုလ်)၊ တက္ကသိုလ်စာပေးစာယူသင်တန်း 

ဌာန (ယခု အဝေးသင်တက္ကသိုလ်) တို့တွင် 

အမှုထမ်းခဲ့ပြီး ၁၉၉၇ ခုနှစ်တွင် ရန်ကုန်တက္ကသိုလ်၊ 

သင်္ချာဌာန ပါမောက္ခရာထူးမှ အငြိမ်းစားယူသည်။ အငြိမ်းစားယူပြီးနောက် ရန်ကုန်တက္ကသိုလ်၊ 

သင်္ချာဌာနတွင် အကြံပေးပုဂ္ဂိုလ်အဖြစ် 

ဆောင်ရွက်ပြီး သင်္ချာပါရဂူသင်တန်းများကို

ကြီးကြပ်ပေးခဲ့သည်။ 

❌ စာပေဗိမာန်က ထုတ်ဝေသော သင်္ချာသစ် 

(၁၉၈၆) မှာ ပထမဆုံးစာအုပ်ဖြစ်သည်။ 

သင်္ချာသစ်၏ အဓိပ္ပါယ်၊ သင်္ချာသစ်တည်ဆောက်ပုံ၊ သင်္ချာသစ်ဝေါဟာရများ စသည်ဖြင့် သင်္ချာသစ်အကြောင်း ဗဟုသုတဖြစ်ဖွယ် ရေးသားပြုစု

ထားသော စာအုပ်ဖြစ်သည်။ သင်္ချာဆိုင်ရာ၊ 

သိပ္ပံဆိုင်ရာ၊ ပညာရေးဆိုင်ရာ စာအုပ်စာတမ်း

များစွာကို ရေးသားပြုစုခဲ့ပြီး စာအုပ် ၅၀ ကျော် 

ထုတ်ဝေပြီးဖြစ်သည်။

➗ သင်္ချာရေးရာ စာပေအမွေ ပေးဝေသူ 

သင်္ချာပညာရှင် ပါမောက္ခ စာရေးဆရာကြီး 

ဒေါက်တာခင်မောင်ဝင်း (သင်္ချာ) သည် 

၂၀၂၁ ခုနှစ်၊ ဩဂုတ်လ ၃ ရက်၊ အင်္ဂါနေ့ 

ည ၁၁ နာရီ ၁၅ မိနစ်ခန့်တွင် ကွယ်လွန်

အနိစ္စရောက်သည်။ 

ဂါရဝဖြင့် 

????????????

ဖြိုးသီဟကျော်

၄၊ ၈၊ ၂၀၂၁