အမှတ် ၁၁၉၂၊ အောင်ဇေယျလမ်း၊ ပြင်ဈေးမြောက်ပိုင်း၊ အမှတ် ၁ ရပ်ကွက်၊ ရွှေဘိုမြို့၊ စစ်ကိုင်းတိုင်းဒေသကြီး။

၂၃ ဧပြီ၊ ၂၀၁၁ တွင် စတင်တည်ထောင်ဖွင့်လှစ်ခဲ့ရာတွင် ၂၀၁၃ အထိ အပိတ်စနစ်ကျင့်သုံးခဲ့ပြီး ထို့နောက်မှစ၍ အဖွင့်စနစ်ဖြင့် ဖွင့်လှစ်ခဲ့ပါသည်။ လက်ရှိတွင် စာအုပ်ပေါင်း ၃ထောင်ကျော်၊ အင်တာနက် အခမဲ့ ဝန်ဆောင်မှုများ ပေးလျက်ရှိပါသည်။ ထို့ပြင် နွမ်းပါးသော ကျောင်းသူ၊ ကျောင်းသား ၃၀ ကိုလည်း အလှူရှင်များ၏ ပံ့ပိုးမှုဖြင့် လစဉ် ပညာသင် ထောက်ပံ့ကြေး အစီအစဉ် လုပ်ဆောင်နေပါသည်။ 

MBAPF နှင့် INELI ကဲ့သို့သော အဖွဲ့များနှင့်ပူပေါင်း၍ ခေတ်မီနည်းပညာများကို အသင်းဝင်များသို့ ဖြန့်ဖြူးပေးနေပါသည်။ ရွှေဘိုခရိုင် အတွင်းရှိ စာကြည့်တိုက်များသို့လည်း စာကြည့်တိုက်ပညာများ လှည့်လည်သင်ကြားပေးပါသည်။ စာကြည့်တိုက်၏ အထူး အစီအစဉ်ဖြစ် ရွှေဘိုမြို့မှ ၈ မိုင်အကွာ နမောရွာရှိ နမောအောင်မြင် ဘက ကျောင်းတွင် အပတ်စဉ် တနလာ်နေ့တိုင်း ကျောင်းသူ၊ ကျောင်းသားများအား အင်တာနက်တွင် လေ့လာရှာဖွေမှုများနှင့် လူမှုမီဒီယာများ အသုံးပြုနည်း သင်ကြားနေသကဲ့သို့ ရသ အစုန်အဆန် စာပေဆွေးနွေးပွဲများ ကျင်းပလျက်ရှိပါသည်။