ဧရာဝတီတိုင်း ဟင်္သာတခရိုင်

အင်္ဂပူမြို့ အမှတ်(၃)ရပ်ကွက် ရွှေသွယ်ထွန်းလမ်း

ဦးအေးချမ်းမောင် ( or ) Maung Yoe

09-422 516 328

အလင်းခတ်သံစာပန်းဥယျာဉ် သည်

လစဉ်အလှူခံဖြတ်ပိုင်း မှ ရရှိသောအလှူငွေဖြင့် အဓိကလည်ပတ်နေခြင်းဖြစ်ပါသည်။facebook မှ မိတ်ဆွေတချို့မှလည်း စာအုပ်များပေးပို့လှူဒါန်းလေ့ရှိပါတယ် ။ ထိုသို့အလှူငွေများဖြင့် ဟင်္သာတမြို့ သို့သွားရောက်၍ စာအုပ်များရွေးချယ်ဝယ်ယူပြီး ကျေးလက်မှ မူလတန်းကျောင်းများသို့ ကလေးဖတ်စာပေများ ပေးပို့လှူဒါန်းခြင်း ဓမ္မာရုံ ဥပုသ်ဇရပ် ဘုန်းတော်ကြီးကျောင်းများသို့ ဝါတွင်းဝါပ ဥပုသ်စောင့်သူများအတွက် ဆရာတော်ကြီးများ၏ တရားခွေများနှင့် ဓမ္မစာစောင်များ စာအုပ်များအားပေးပို့လှူဒါန်းခြင်း / ကျေးရွာရပ်ကွက်များရှိ စာကြည့်တိုက်များအတွက် တစ်စုံတစ်ရာအထောက်အပံ့ရစေရန်အလို့ငှာ နိုင်သ၍ စာအုပ်စာပေများ ပေးပို့လှူဒါန်းနေခြင်းဖြစ်ပါတယ် ။ အလင်းခတ်သံ စာပန်းဥယျာဉ်သည် စာကြည့်တိုက်အဖြစ်မဆောင်ရွက်နိုင်သေးသောလည်း စာဖတ်သူများပြားလာရေးအတွက် တစ်ဖက်တစ်လမ်းမှ နိုင်သ၍ ထမ်းပိုးရွေ့လျားနေသောအဖွဲ့ငယ် တစ်ခုဖြစ်ပါသည် ။ပြီးခဲ့သော တန်ဆောင်မုန်းလပြည့်နေ့ သည် အလင်းခတ်သံ စာပန်းဥယျာဉ် ၏  ( ၁ ) နှစ်ပြည့်လည်းဖြစ်ပါသည်။ ရှေ့ဆက် စာဖတ်ရှိန်မြှင့်တင်ရေးအတွက် တစ်တပ်တအားသော်လည်းကောင်း အုတ်တစ်ချပ်သဲတစ်ပွင့် သော်လည်းကောင်း တစ်စုံတစ်ရာ အထောက်အပံ့အားဖြင့် ရွေ့လျားဆောင်ရွက်နေပါဦးမည်။ 

အလင်းခတ်သံ စာပန်းဥယျာဉ်၏ ဆောင်ပုဒ် 

#အမှောင်ကမ္ဘာကိုစာပေကပေးသောဗဟုသုတအသိပညာဉာဏ်အလင်းဖြင့်ထိခတ်တွန်းဖွင့်ငြိမ်းချမ်းစေအံ့