5.2.2004မှ စတင်၍ ပုံမှန် ဖွင့်လှစ်သည်။

နေ့စဉ် နံနက် (၉:၀၀)နာရီမှ ညနေ (၅:၀၀)နာရီအထိ မည်သူမဆို အခမဲ့ လေ့လာ ဖတ်ရှုနိုင်ပါသည်။ (လစဉ် ငွေ စာအုပ် အလှူရှင်/ စာကြည့်တိုက် အသင်းဝင် ဖြစ်ပါက စာအုပ်များကို အိမ်သို့ ငှားယူ ဖတ်ရှုနိုင်ပါသည်။)

ဥပုသ်နေ့တိုင်း စာကြည့်တိုက် ပိတ်ပါသည်။

စာဖတ်ခန်း ထားရှိပါသည်။

စာကြည့်တိုက် နှစ်ပတ်လည် အထိမ်းအမှတ် စာပေ ဟောပြောပွဲများ ၊ ကလေး ပန်းချီ စာစီစာကုံး ပြိုင်ပွဲများ၊ ယဉ်ကျေးလိမ္မာနှင့် အခြေခံ အင်္ဂလိပ်စာ သင်တန်းများကို အခါအားလျော်စွာ ကျင်းပပြုလုပ်ပေးသည်။ လက်လှမ်းမီရာ မြို့ရွာများမှ စာကြည့်တိုက်များ၊ လူမှုရေး အသင်းအဖွဲ့များနှင့် ချိတ်ဆက်၍ တရားပွဲများ၊ စာပေဟောပြောပွဲများ ကျင်းပရာတွင် ဝိုင်းဝန်း ကူညီပေးလေ့ရှိသည်

စာကြည့်တိုက် အသင်းဝင်များ/ ကော်မတီဝင်များထံမှ လစဉ်ကြေးငွေများ၊ အလှူရှင်များထံမှ လစဉ် အလှူငွေ စာအုပ်စာစောင်ဖိုးများကို စာကြည့်တိုက် ကော်မတီက လက်ခံ စုဆောင်း၍ စာကြည့်တိုက် ပုံမှန် သက်ဝင် ရှင်သန်အောင် ဆောင်ရွက်လျက် ရှိပါသည်။

ရှေ့မျှော်မှန်းချက် လုပ်ငန်းစဉ်များ

စာကြည့်တိုက် အဆောက်အဦး တိုးချဲ့နိုင်ရန်

အသိပညာပေး ဆွေးနွေးပွဲ၊ နည်းပညာ အခြေခံ အိမ်တွင်းမှု သင်တန်းများ ကျင်းပပြုလုပ်ပေးရန်

Community Centreအဖြစ် ရပ်တည် ဆောင်ရွက်နိုင်ရန်