Book Image

စာအုပ်အမည် - The Hostage
စာရေးဆရာ - James Patterson
ဘာသာပြန်စာအုပ်အမည် - ဓားစာခံ
ဘာသာပြန်စာရေးဆရာ - ကျော်စွာ (ဆေး ၂)
ထုတ်ဝေသည့်တိုက် - စံပယ်
ထုတ်ဝေသည့်ကာလ - ၂၀၁၇ မေလ
ထုတ်ဝေသည့်အကြိမ် - ပထမအကြိမ်
မျက်နှာဖုံးဒီဇိုင်း - လင်းဝဏ္ဏ
တန်ဖိုး - ၁၅၀၀ ကျပ်
စာမျက်နှာ - ၁၁၈
ဆိုဒ် - ၁၃.၅ x ၂၁ စင်တီ

ယနေ့ခေတ်နာမည်ကြီး/ဘက်ဆဲလားစာရေးဆရာကြီးတစ်ဦးဖြစ်တဲ့ ဂျိမ်းစ်ပက်တာဆန်ရဲ့ The Hostageကို ဘာသာပြန်ထားတဲ့ ကျော်စွာ (ဆေး ၂) ရဲ့ ဓားစာခံကို ဖတ်လိုက်ရတာ စာဖတ်သက်တမ်းတလျှောက် မဖတ်ဖူးတဲ့ စာအုပ်တစ်အုပ်ကို ဖတ်ရတဲ့အရသာကို ခံစားလိုက်ရတယ်။ အနီးစပ်ဆုံးပြောရရင် မင်းသိင်္ခစာအုပ် တစ်ချို့စာအုပ်တွေနဲ့ ဆင်သလိုရှိပေမယ့် လူကြမ်းကို ဇာတ်လမ်းတစ်ခုအဖြစ် ဇာတ်နာပြီး အပိုင်းတစ်ပိုင်းအဖြစ်ေ ဖာ်ပြတာမျိုး မရှိဘူး။ မင်းသိင်္ခရဲ့ ဆားပုလင်းနှင်းမောင်ဝတ္ထုတွေထမှာဆို အစပိုင်းက လူသတ်မှုဖြစ်မယ်။ ဆားပုလင်းနှင်းမောင်က ဖော်မယ်။ လူသတ်သမားက သူ့ဘဝဇာတ်ကြောင်းကို ပြန်ပြောပြရင်း ဘာအတွက် သူလူသတ်ခဲ့ပါတယ်ဆိုတာမျိုး... ဖတ်ရင်းဖတ်ရင်း လူသတ်သမားကို စာဖတ်တဲ့ပရိသတ်က အမှတ်ပေးအောင်ရေးခဲ့တာ။


ဓားစာခံမှာလည်း ဒီပုံစံမျိး ပြန်ဖတ်ရတယ်။ လူသတ်သမားက ရဲတွေရဲ ့ရှေ့ကတစ်ကွက်ကျော်ပြီး လူသတ်မှု တစ်မှုပြီး တစ်မှုကျူးလွန်သွားတယ်။ နောက်ဆုံး သူသတ်ချင်တဲ့သူ အကုန်သတ်ပြီးမှ ဇာတ်လိုက်က မိပြီိးဖမ်းခါနီးမှ ငယ်ငယ်က ခံစားခဲ့ရတဲ့အတိတ်ကြောင့် သူသတ်ခဲ့ပါတယ်လို့ဝန်ခံခဲ့တယ်။

စာအုပ်ပါးပါးလေးမှာ... non stop action ကို ေ တာက်လျှောက်ဖတ်လိုက်ရတယ်။ ဇာတ်လမ်းအစက လန်ဒန်မြို့ ကင်ဆင်တန်မှာ ကောင်လေးတစ်ယောက်ကို ညဘက်  ကောင်လေးအိပ်နေချိန် ကားနောက်ဖုံးထဲ ထည့်ပြီး ဖမ်းသွားတာကနေ ဖွင့်ထားတယ်။ နောက်တစ်ခန်းမှာတော့ ထရိုင်ဘက်ကာလက်ဇူရီ (Luxury)ဟိုတယ်လုပ်ငန်းစုရဲ့ ဥက္ကဋ္ဌ ဂျက်ဆန်ဟာလင်တန်ရဲ့  ဖိတ်စာနဲ့ စထားတယ်။ သူရဲ့ ၃၈ ခုမြောက်ဟိုတယ်အဖြစ် လန်ဒန်မြို့ မေဖဲခရိုင်မှာဖွင့်မယ့် အထပ် ၄၀ရှိ အသစ်စက်စက် ဟိုတယ်ဖွင့်ပွဲအခမ်းအနား၊ အဲ့ဒီအခန်းအနား ကျင်းပနေချိန် လူတစ်ယောက်ဟာ ဟိုတယ်ရဲ့ ၃၈ထပ်မှာ မျက်နှာဖုံးစွပ်ထားသူတစ်ဦးရဲ့ အဖမ်းခံအခြေအနေနဲ့ ကြုံတွေ့နေရတယ်။ အဖမ်းခံရသူဟာ ဖမ်းတဲ့သူကို ငွေဘယ်လောက်လိုချင် လိုချင်ပေးပါ့မယ်ပြောပေမယ့် ဖမ်းထားတဲ့သူဟာ သူလုပ်စရာရှိတာကိုပဲ ဆက်လုပ်နေလေရဲ့။ အဲ့ဒါကတော့ ၃၈ ထပ် ဟိုတယ်လသာဆောင်အထိ ဖမ်းခေါ်သွားပြီး ကြိုးနဲ့တွဲလောင်းချည်၊ ဗိုက်ကိုခွဲ အူတွေကိုဆွဲထုတ်ပြီး အလောင်းကြီးကို အောက်မှာ ဟိုတယ်ဖွင့်ပွဲစားသောက်နေသူတွေရှိတဲ့ မြက်ခင်းပြင်ပေါ် ပစ်ချထည့်လိုက်တာပါပဲ။ အဲ့လိုရက်ရက်စက်စက် အသတ်ခံရသူက ထရိုင်ဘက်ကာလက်ဇူရီဟိုတယ်လုပ်ငန်းစုရဲ့ ဥက္ကဋ္ဌ သူဌေးကြီး ဂျက်ဆန်ဟာလင်တန်ပါပဲ။ အဲ့အချိန်ကစလို့ ဒီစာအုပ်ရဲ့ မင်းသား (ဟိုတယ်လုံခြံုရေးတာဝန်ခံ) ရော့စကိုးဟာ သူ့လက်ထောက် စတန်လီ၊ ရဲအုပ်ဆာဗေ့တို့နဲ့အတူ လူသတ်တရားခံကို လိုက်ဖမ်းပေမယ့် လူသတ်မှုတွေက ဆက်ကာဆက်ကာ ဖြစ်နေခဲ့တယ်။ လူသတ်မှုတွေဟာလည်း အငြိုးတကြီးနဲ့ ရက်ရက်စက်စက် အမှုတွေချည်း ဖြစ်လာခဲ့တယ်။ လူသတသမား ဘာကြောင့် အဲ့လိုရက်ရက်စက်စက် သတ်တာလည်းဆိုတာတော့ စာအုပ်လေးဖတ်ပြီးသာ အဖြေရှာပါတော့လို့။ 

ဇာတ်လမ်းပိုင်းရော ဘာသာပြန်ရော ကောင်းပေမယ့် စာအုပ်မျက်နာဖုံးကတော့ အားမရပါဘူး။ အင်တာနက်ကနေ မူရင်းစာအုပ်ကအဖုံးပုံကို ထည့်ကူးယူထားတာတွေ့ရပါတယ်။ အဲ့အပေါ်ကမှ မြန်မာစာတွေနဲ့ ဒီဇိုင်းထပ်ထားတာပါ။ အတော့်ကိုအားမရပါဘူး။ အပေါ်မှာပါတဲ့ stories at the speed of life ကို နည်းနည်းနားလည်ပေမယ့် ဓားစာခံစာလုံးအောက်က with Robert Gold ဆိုတာ နားကို မလည်တာပါ။ ဘာသာပြန်သူရဲ့   အမှာမှာလည်းမပါပါဘူး။ ကျန်တဲ့အပိုင်းဖြစ်တဲ့ ဘာသာပြန်တာကိုတော့ ဖတ်ရအတော်သွက်တာမို့ သဘောကျပါတယ်။ 
--------------------------
ဖတ်ညွှန်းရေးသူ - မိုးသားလတ်
၂၈.၅.၂၀၁၇ (၁၅:၄၀)
ygn
မျက်နှာဖုံး ဓါတ်ပုံ Ko Kyaw Lwin


Publisher Name: စံပယ်စာအုပ်တိုက်

Publisher Address: အမှတ်(၁၁၀/၁၁၂)-၃B ၄၈လမ်း (အလယ်ဘလောက်)ဗိုလ်တစ်ထောင်မြို့နယ်။ ဖုန်း - 09 5413720

Publisher Phone Number: 09 5413720, 01 398657


Related Books