Book Image

မင်းပုန်းတောင်သိုင်းသမား

မြသန်းတင့်

မူရင်းစာအုပ်အမည် - OUTLAWS OF THE MARSH

မူရင်းစာရေးဆရာ - Shi Nai'an and Luo Guanzhong (english by Sidney Shapiro)
ဘာသာပြန်အမည် - မင်းပုန်းတောင်သိုင်းသမား
ဘာသာပြန်စာရေးဆရာ - မြသန်းတင့်
ထုတ်ဝေသည့်တိုက် - တိုးမြစ်
ထုတ်ဝေသည့်ကာလ - နိုဝင်ဘာ ၂၀၁၆
ထုတ်ဝေသည့်အကြိမ် - ပထမအကြိမ်
မျက်နှာဖုံးဒီဇိုင်း - ဇော်မောင်
တန်ဖိုး - ၁၀၀၀၀ ကျပ်
စာမျက်နှာ - ၇၄၂
ဆိုဒ် - ၁၅x၂၂.၅ စင်တီ
ဤဝတ္တုကြီးထွက်ပေါ်စ ရှေးခေတ်ဟောင်းမှသည် ယခုတိုင်စာဟော ဆရာများက ကွက်စိပ်ဟောပြီး ပြဇာတ်ဆရာများက ပြဇာတ်ကလျှက် ကာတွန်းဆရာများက ရုပ်ပြရေး၍ ရုပ်ရှင်ဆရာများက ရုပ်ပရှင်ရိုက်ကူးကာ အနုပညာပုံသဏ္ဌန်အမျိုးမျိုးဖြင့် တင်ဆက်ဖန်တီး အောင်မြင်နေဆဲ ဖြစ်သော တရုတ်ဂန္ထဝင် ဝတ္တုကြီးတစ်အုပ်

ဘာသာပြန်သူ- မြသန်းတင့်
ရောင်းဈေး- ၁၀၀၀၀ ကျပ်


"အဓိက ရာဇဝတ်ကောင်ကတော့ လွတ်ထွက်သွားပြီဗျာ။ ဒုက္ခပဲ" ဟု ရဲကြပ်သည် ညည်းလျက်ရှိ၏။ 

"ကျွန်တော်လည်း ကြိုးစားပြီးလိုက်တာပဲဗျ။ မှောင်နေတော့ ဘာမှမတတ်နိုင်ဘူး။ စစ်သားတွေကလဲ ဘာမှဟန်မကျပါဘူးဗျာ။ ဓားပြနောက်ကို မလိုက်ရဲကြဘူး။"
ရဲအုပ်သည် စစ်သားများအား လူဆိုးနောက်သို့လိုက်ရန်ပြောနေ၏။ သို့ရာတွင် စစ်သားများ စိတ်ထဲတွင်မူ 'ရဲသားတွေကလည်း ဘာမှအသုံးမကျပါဘူး၊ ဟိုပြေး ဒီပြေးနဲ့လိုက်ချင်ယောင်ဆောင်ပြီး မှောင်လို့ ဘာမှမမြင်ရဘူးလေး ဘာလေးနဲ့ အကြောင်းပြကြမှာပဲ။ တို့လိုက်နေလို့လည်း အလကားပဲ ဖြစ်မှာပဲ" ဟု တွေးမိကြ၏။
လွေ့ဟုန်သည် ချူတုံပြောသည့်အတိုင်း အရှေ့ဘက်သို့ပြေးရင်း 'အင်း၊ ချူတုံနဲ့ တိုက်သူကြီးကျောက်ခဲဟာ ငယ်ပေါင်းကြီးဖော်တွေ.. သူကများလွတ်အောင်လုပ်ပေးလိုက်သလား မသိဘူး။ အေးလေ။ ငါဆိုလဲ ဒီလိုပဲလုပ်မိမှာပဲ။ ဒီလူကိုလွတ်အောင် လုပ်ပေးမိမှာပဲ။ ငါ့စေတနာကို မပြလိုက်ရတဲ့အတွက်တော့ စိတ်မကောင်းဘူး'ဟု တစ်ယောက်တည်းတွေးလျက်ရှိ၏။
( မြသန်းတင့် မြန်မာပြန်သော မင်းပုန်းတောင်သိုင်းသမားစာအုပ်၊ စာမျက်နှာ ၂၈၁ မှ )
-------------------------------------
ကိုယ့်အမြင်အရ အထက်အရာရှိက လာဘ်ယူတာတွေ၊ သူရဲတစ္ဆေတွေပင့်ပြီး သူရဲခေါ်ခန်းတွေ၊ ရက်ရက်စက်စက်လူသတ်ခန်းတွေ၊ အိမ်ထောင်ရေးဖောက်ပြန်ခန်းတွေ၊ ရဟန်းတုတွေဖောက်ပြန်ခန်းတွထက် "ဘုရင်ကိုပုန်ကန်ဖို့ သူရဲကောင်းတွေစုစည်းပြီး အင်အားတည်ဆောက်တယ်"ဆိုတဲ့အချက်နဲ့တင် အဲ့ဒီခေတ်က ဒီစာအုပ်ကိုအဆုံးထိမရေးသေးပဲ ထုတ်ဖို့ရပ်ဆိုင်းထားတာဖြစ်နိုင်တယ်လို့ ယူဆရတယ်။ ဆရာမြဟာ ကိုယ့်အနှစ်သက်ဆုံးစာရေးဆရာတွေထဲတစ်ယောက်ပါပဲ။ ဒီဝတ္ထုကြီးဆုံးအောင်ဖတ်ပြီးသွားတော့ ဝမ်းနည်း/ဝမ်းသာဖြစ်တယ်။ ဝမ်းနည်းရတဲ့အကြောင်းကအဆုံးထိမဖတ်ရလို့ပါပဲ။ ဝမ်းသာရတာတော့ စာဖတ်ရတဲ့အရသာဆိုတာကို ပြန်လည်ရရှိခဲ့တာကြောင့်ပါပဲ။ စာတစ်မျက်နှာချင်းဖတ်နေရင်း ဖတ်နေရင်း 'ဘာသာပြန်တယ်ဆိုတာ ဒီလို' ဆိုပြီး ဘေးကနေလာပြောနေသလားမှတ်ရအောင် ချောမွေ့တဲ့ဘာသာပြန်စာအုပ်ကိုဖတ်ရင်း စာဖတ်ရတဲ့အရသာကို ခံစားမိပါတယ်။ 
ဇာတ်လမ်းနဲ့ပက်သက်လို့ ထုတ်ဝေတဲ့တိုးမြစ်ရဲ့အမှာစာမှာတော့ ဒီလိုဖော်ပြထားပါတယ်။ "ဤ မင်းပုန်းတောင်သိုင်းသမား အမည်ရှိ ဂန္တဝင်ဝတ္ထုကြီးသည် သူရဲကောင်း ၁၀၈ ယောက်၏ ဇာတ်လမ်းဖြစ်ပြီး အကျင့်ပျက်အာဏာပိုင်များနှင့် မြေရှင်တို့၏ ဖိနှိပ်မှု၊ လော်လည်ဖောက်ပြန်မှုတို့ကို သည်းမခံနိုင်၍ တုံံ့ပြန်ခုခံသည့်လယ်သမားတို့၏ ပုန်ကန်တော်လှန်သောဖြစ်စဉ်ကိုအသေးစိတ်ဖော်ကျူးထားသည်။" နည်းနည်းကွန့်ပြီးပြောရရင် အဓိကဇာတ်ကောင်တွေထဲ လယ်သမားတွေသာမက စစ်ဖက်အရာရှိတွေ၊ မြေရှင်တွေ၊ စာရေးတွေ၊လှေသမားတွေပါ ဇာတ်ကောင်စုံလှပါတယ်။ ဒါတောင် ကိုယ်တို့ဖတ်ရတဲ့အထိက ၄၅ ခန်းပဲရှိသေးတာ။ အပြည့်အစုံအခန်း ၁၀၀ အထိဆို ဘယ်လောက်ဇာတ်ကောင်တွေထပ်စုံဦးမလဲမသိဘူး။ ဇာတ်လမ်းအရှည်ကြီးကို  ဇာတ်ကောင်တွေစုံလင်စွာနဲ့ စာရေးဆရာဇာတ်လမ်းဖွဲ့ပုံက ဗီလိန်ကနေ စ ပါတယ်။ ဗီလိန်ကောက်ကျူက အစမှာ ဇာတ်နာပြီးတဖြည်းဖြည်းစစ်သူကြီးအထိ ကောင်းစားလာခဲ့တယ်။ ကောက်ကျူဘဝကောင်းစားချိန်မှာ မိမိဖခင်ရဲ့ရန်သူတော်ဟောင်းရဲ့သား သိုင်းဆရာဝမ်ကျင်းကို ပြည်နှင်ဒဏ်ပေးလိုက်တယ်။ ဝမ်ကျင်းက ထွက်ပြေးရာက ရှိကျင်းနဲ့တွေ့၊ ရှိကျင်းရဲ့ ဇာတ်လမ်းဆက်ဖြစ်၊ ရှိကျင်းကတစ်ခါ လူတ/ရှင်ညာဏနဲ့တွေ့၊ ရှင်ညာဏရဲ့ဇာတ်လမ်းဆက်၊ နောက် ကောက်ကျူရဲ့လူတစ်ယောက်ကိုသတ်ပြီးထွက်ပြေးလာတာ လူတနဲ့တွေ့ပြီးပေါင်းမိ၊ အဲ့သလိုနဲ့ တရုတ်ပြည်မှာရှိတဲ့လူစွမ်းကောင်းတွေရဲ့ ဇာတ်လမ်းရှည်ကြီးကို ဖတ်ရမှာဖြစ်တယ်။ 
မြန်မာပြန်အဆုံးထိဖတ်ပြီးတဲ့အထိမှာ ကိုယ်သဘောအကျဆုံး ဇာတ်ကောင်တွေကတော့ ရှင်ညာဏ၊ စုန်ကျန့် နဲ့ ဝုဆုံ တို့ (၃)ဦးပါပဲ။ သူတို့ရဲ့ဇာတ်လမ်းတွေက အရမ်းကိုကောင်းလွန်းပါတယ်။ ဝုဆုံရဲ့ဇာတ်လမ်းအပိုင်းအချို့ကိုယူပြီး Golden Lotus ဆိုပြီး ဇာတ်ကားထွက်ခဲ့ပါတယ်။ 
အချုပ်ဆိုရရင်ဇာတ်လမ်းကအဆုံးထိမပါပဲ ဖတ်ကောင်းနေတုန်း ဆန့်တငင်ငင်ဖြစ်သွားမှာကလွဲလို့ စာသမားတွေရဲ့စာအုပ်စင်မှာရှိသင့်တဲ့ရသစုံစာအုပ်ကောင်းတစ်အုပ်ပါပဲ။
--------------------------
ဖတ်ညွှန်းရေးသူ - မိုးသားလတ်
၃၀.၄.၂၀၁၇ (၁၈:၀၀)


Publisher Name: တိုးမြစ်စာအုပ်တိုက်

Publisher Address: အမှတ် ၉၉၅၊သုဇိတာ ဖြတ်လမ်း၊ ၂ရပ်ကွက်၊မြောက်ဥက္ကလာပ၊ရန်ကုန်မြို့။ ဖုန်း-0973045264,09450100742 Email:toemyit@gmail.com www.facebook.com/ToemyitPublishingHouse

Publisher Phone Number: 0973045264,094500100742


Related Books

Book Review Image

ကျားဖြူ

သင့်လူ
Book Review Image

ဆင်ကုန်သည်

မောင်ထွန်းသူ
Book Review Image

ရှက်ပြီးသေတဲ့သင်္ဘော

မောင်မိုးသူ
Book Review Image

ချာလီနှင့်ထူးဆန်းသောချော့ကလက်စက်ရုံကြီး

မောင်ဒေး
Book Review Image

စန်းထတဲ့မမများ

တင်မောင်မြင့်
Book Review Image

အကြမ်းပတမ်းခရီးဆန်း

တက္ကသိုလ်နေလင်းအောင်
Book Review Image

ခြေသလုံးအိမ်တိုင်ဂတ်ဂျစ်

အောင်ကျော်
Book Review Image

ပါစီဂျက်ဆန်နှင့် အိုလံပစ်နတ်ဘုရားများ - မိုးကြိုးခိုးသူ

ကောင်းမြတ်လွန်းသော် (ဆေးတက္ကသိုလ်)
Book Review Image

မိစ္ဆာ

သင့်လူ
Book Review Image

ကော်ရလိုင်းဆိုတဲ့ကောင်မလေး

မောင်ဒေး
Book Review Image

ဇရာအိုကြီး

ထွန်းမြတ်အေး
Book Review Image

သက်တံနေ့ရက်များ

တင့်ဇော်
Book Review Image

နန်​းဟာဗီး

ရန်ကုန် ဘဆွေ
Book Review Image

နှစ်​​လောကတိုက်​ပွဲ

ခင်​မျိုးချစ်​
Book Review Image

ဂေါ့ဖားသား

တက္ကသိုလ်နေဝင်း
Book Review Image

ဒါဗင်ချီကုတ်

ဉာဏ်သစ်
Book Review Image

မှောင်သောအလင်း

လင်းတင့်သီဟ
Book Review Image

တင်​တင်​၏စွန်​့စားခန်​းများ ( ဆိုဗီယက်​ )

မယ်​ကျွိ