၁၉ဝ၉ ခုနှစ်၊ မတ်လ ၂၁ ရက်နေ့တွင် အဖ ဦးတရောင်၊ အမိဒေါ်စိန်ပွင့်
တို့မှ ဧရာဝတီတိုင်း၊ လပွတ္တာမြို့၌ ဖွားမြင်သည်။ အမည်ရင်း ဦးထင်ဖတ်
ဖြစ်သည်။
၁၉၃၃ ခုနှစ်တွင် ဘီအေ(ဝိဇ္ဇာ) ဘွဲ့ ရရှိသည်။ ၁၉၃၅ ခုနှစ်တွင်
မြောင်းမြမြို့ တိုင်းရင်းသားအထက်တန်းကျောင်းတွင် အထက်တန်းပြဆရာ
လုပ်ခဲ့သည်။ ၁၉၃၆-၄၂ ခုနှစ်တွင် မြို့ပိုင်အဖြစ်လည်းကောင်း၊ ၁၉၄၃-၄၄
ခုနှစ်တွင် နိုင်ငံခြားရေးဌာန လက်ထောက်အတွင်းဝန်၊ ၁၉၄၄-၄၅ ခုနှစ် တွင်
သတင်းနှင့် ဝါဒဖြန့်ချိရေးဌာန ဒုတိယအတွင်းဝန်၊ ၁၉၄၆-၄၇ ခုနှစ်တွင် အသံလွှင့်
ဌာန ညွှန်ကြားရေးဝန်၊ ၁၉၄၇-၄၉ ခုနှစ်တွင် လူမှုဝန်ထမ်း ဝန်ကြီးဌာန (ခေတ္တ)
ရခိုင်တိုင်းမင်းကြီး၊ ၁၉၄၉ ခုနှစ်တွင် ပြန်ကြားရေးဌာန ညွှန်ကြားရေးဝန်
အဖြစ် အမှုထမ်းခဲ့ပြီး အစိုးရအမှုထမ်းဘဝမှ နှုတ်ထွက်ခဲ့သည်။
၁၉၅၀-၅၅ ခုနှစ်တွင် ရန်ကုန်သတင်းစာအုပ်ချုပ်မှု အယ်ဒီတာ၊
၁၉၅၅-၅၈ ခုနှစ်တွင် စာပေဗိမာန် စွယ်စုံကျမ်းအတိုင်ပင်ခံ၊ ၁၉၅၅-၇၇ ခုနှစ်
တွင် လန်ဒန်တိုင်း သတင်းထောက်နှင့် အလွတ်သတင်းစာဆရာအဖြစ် တာဝန်
ထမ်းဆောင်ခဲ့သည်။
၁၉၅၄ ခုနှစ်တွင် မြန်မာနိုင်ငံ စာရေးဆရာအသင်း ဥက္ကဋ္ဌအဖြစ်
လည်းကောင်း၊ ၁၉၅၉ ခုနှစ်တွင် မြန်မာနိုင်ငံ သတင်းစာဆရာအသင်း ဥက္ကဋ္ဌ
အဖြစ်လည်းကောင်း တာဝန်ယူခဲ့သည်။
မြန်မာစာအဖွဲ့တွင် အဖွဲ့ဝင်အဖြစ်လည်းကောင်း၊ ရန်ကုန်တက္ကသိုလ်
သမိုင်းဌာနတွင် သမိုင်းဖြစ်ရပ်မှန်ပြုစုရေး အဖွဲ့ဝင်အဖြစ်လည်းကောင်း တာဝန်
ထမ်းဆောင်ခဲ့သည်။
၁၉၃၃ ခုနှစ်မှစ၍ အင်္ဂလိပ်-မြန်မာ နှစ်ဘာသာဖြင့် စာအုပ်အမျိုးမျိုး
ရေးသားပြုစုခဲ့သည်။ ၁၉၄၇ ခုနှစ်တွင် “ငဘ” ဝတ္ထုကို ထုတ်ဝေခဲ့သည်။ ထိုဝတ္ထု
ကို တရုတ်၊ ရုရှား၊ အိန္ဒိယ၊ ဂျပန်ဘာသာများဖြင့် ပြန်ဆိုထုတ်ဝေခြင်းခံရသည်။
ရေးသားခဲ့သော စာအုပ်များမှာ
၁။ကိုဒေါင်း (၁၉၃၇)
၂။ဘာအရေးကြီးဆုံးလဲနှင့် အာဇာနည်မိခင်ပြဇာတ် (၁၉၄၄)
၃။ငဘ (၁၉၄၇)
၄။ယောအတွင်းဝန်ဦးဘိုးလှိုင်၏ အတ္ထုပ္ပတ္တိ (၁၉၆၀)
၅။မျိုးဖျက်ရန်သူ (၁၉၆၀)
၆။ဗမာ့နိုင်ငံရေးသုခမိန် (၁၉၆၅)
၇။မုန်တိုင်းထဲက နဖူးစာ (ဘာသာပြန်) (၁၉၆၅)
၈။မြန်မာ့လယ်ယာမြေစနစ် (၁၉၆၆)
၉။မိုပါဆွန်းဝတ္ထုတိုများ (ဘာသာပြန်) (၁၉၇၂)
၁၀။အံ့ဖွယ်ပုံပြင် ဂျပန်ဒဏ္ဍာရီများ (ဘာသာပြန်) (၁၉၇၄)
၁၁။ကမ္ဘာ့စာပေအညွှန်း (အိန္ဒိယ၊ အီရန်၊ အာရပ်) (၁၉၇၄)
၁၂။ ကမ္ဘာ့စာပေအညွှန်း (တရုတ်၊ ဂျပန်) (၁၉၇၆)
၁၃။ မြို့အုပ်ပုံပြင် (၁၉၇၆)
၁၄။ ကမ္ဘာ့စာပေအညွှန်း (ဟေဗရူး၊ ဂရိ၊ ရောမ) (၁၉၇၇)
၁၅။ အနာဂတ္တိကျမ်း (၁၉၇၇)
၁၆။ မြင်ဝါတောင် (၁၉၇၇)
၁၇။ ဂါလီဗာ၏ခရီးစဉ် (ဘာသာပြန်) (၁၉၈၁)
ကမ္ဘာ့စာပေအညွှန်း (အင်္ဂလိပ်) (၁၉၈၁)
၁၉။ ဂန္ထဝင်သံခိပ် (ဘာသာပြန်) (၁၉၉၉)
၂၀။ မြို့အုပ်မင်းဆိုဘုံရုံကဗျာများ (၂ဝဝ၁)
၂၁။အတွေးပဒေသာ (၂၀၀၂)
၂၂။ မိုးပေါ်သို့လိမ့်ကျခြင်း (ဘာသာပြန်) (၂၀၀၃)
၂၃။ စာပေရေးရာဆောင်းပါးများ (၂၀၀၄)
၂၄။ မြန်မာ့ဆယ့်နှစ်လရာသီအကြောင်း (၂၀၀၅)
၂၅။ စာအုပ်နှင့်စာ (၂၀၀၆)
၂၆။ ကမ္ဘာ့စာပေအညွှန်းပေါင်းချုပ် (၂၀၀၈)
၂၇။ ကျွန်တော်ဘာကြောင့်စာရေးရသလဲ (၂၀၀၈)
၂၈။ ပုဂ္ဂလအဘိဓာန် (၂၀၀၉)
၂၉။ ရာပြည့်မောင်ထင်အမှတ်တရစာစုများ (၂၀၀၉)
၃၀။ လူကြီးများဖတ်ဖို့ပုံပြင် (၂၀၀၉)
၏
၃၁။မောင်ထင်၏ ရုပ်ပုံလွှာ (၂၀၁၀) တို့ ဖြစ်သည်။
၃၂။ ကျွန်မဒီမိုကရေစီ(၂၀၁၇)
၁၉၈၁ ခုနှစ်အတွက် အမျိုးသားစာပေဆု(ဘာသာပြန်) ကို “ဂါလီဗာ၏
ခရီးစဉ်” ဖြင့် ရရှိခဲ့သည်။
၁၉၉၄ ခုနှစ်တွင် ပထမအကြိမ် ပခုက္ကူဦးအုန်းဖေ (တစ်သက်တာ
စာပေဆု)ကို ရရှိခဲ့သည်။
၁၉၉၆ ခုနှစ်တွင် ဒုတိယအကြိမ် မြတ်မိခင်စာပေဆိုင်ရာ ဂုဏ်ထူးဆောင်ဆုများထဲမှ မိဘမေတ္တာစာပေဂုဏ်ရည်ဆုကို ဦးအုန်းဖေ (တက်တိုး)၊
ဦးဘုန်းကျော် (နတ်မောက်ဘုန်းကျော်) တို့နှင့်အတူ ချီးမြှင့်ခံရသည်။
၂၀၀၃ ခုနှစ်အတွက် အမျိုးသားစာပေ တစ်သက်တာစာပေ
ဆု(ဝိဇ္ဇာ)ဘာသာရပ်ကို ရရှိခဲ့သည်။
၂၀၀၆ ခုနှစ်၊ ဇန်နဝါရီလ ၂၉ ရက်၊ နံနက် (၈းဝဝ) နာရီတွင်
အင်းစိန်မြို့နယ်၊ မြို့သစ် (က+ခ) ရပ်ကွက်၊ က-၄ လမ်း၊ အမှတ် (၂၄၈) နေအိမ်တွင် ကွယ်လွန်သည်။
