မဒမ်ဗိုဗာရီ ( ပ+ ဒု )

( Madame Bovary By Gustave Flaubert ) 

ဘာသာပြန်သူ _ ကျော်လှိုင်ဦး

အားမာန်သစ်စာပေ ပထမအကြိမ် ၁၉၈၉ သြဂုတ်လ

အုပ်ရေ ၁ဝဝဝ တန်ဖိုး ၃၂ ကျပ်စီ 

စာမျက်နှာ ၃၇၈ ( ပတွဲ )

စာမျက်နှာ ၃၈၇ မှ ရ၂၉ ( ဒုတွဲ )

မျက်နှာဖုံးပန်းချီ စံတိုး

ဆမ္မားဆက်မွန်ရဲ့ ဂန္တဝင် ၁၀ ထဲက Flaubert ရဲ့ မဒမ်ဗိုဗာရီကို မြည်းစမ်းကြည့်တဲ့အခါ ...................

ဆရာဝန်တစ်ယောက်ဖြစ်တဲ့ချားဗိုဗာရီဟာ အိမ်က ပေးစားတဲ့ မုဆဆိုးမတစ်ယောက်နဲ့ အိမ်ထောင်ပြုတယ်..ဒါပေမဲ့ ဇနီးသည်က ရုပ်ဆိုးတဲ့အပြင် သဘောထားပါဆိုးပြီး ချား ကိုပါ အရမ်းချုပ်ချုပ်ချယ်ချယ်ရှိတယ်..ဒီတော့ အိမ်ထောင်သည်ဘဝမှာ သူမပျော်ရှာဘူး.. ဒီအတောအတွင်းမှာ ယာသမားတစ်ယောက်အိမ်ကို ဆေးကုသွားရင်း ယာသမားလေးရဲ့သမီး အမ်မာဆိုတဲ့အချောအလှလေးကို စိတ်ဝင်စားမိတယ်.. ဇနီးဖြစ်သူက ဖြောင်းဖျတားပေမယ့် မရဘူး.. အမ်မာတို့အိမ်ကို ချောင်းပေါက်တယ်..နောက်ပိုင်း ဇနီးသည် ရုတ်တရက်ဆုံးတော့ အမ်မာကို လက်ထပ်ယူလိုက်တဲ့အခါဘအမ်မာဟာ အမ်မာဗိုဗာရီ တဖြစ်လဲ မဒမ်ဗိုဗာရီ ဖြစ်လာတယ်..

လှတဲ့အပြင် သွက်လက်ထက်မြက်တဲ့အမ်မာဟာ အိမ်ထောင်သည်ဘဝမှာ အိမ်ထောင်ရှင်မကောင်းပီသအောင် ကြိုးစားတယ်..ဒါပေမဲ့ ချားဗိုဗာရီ ဟာ အေးတိအေးစက်နိုင်တယ်..ထုံတီးထုံအနိုင်တယ်.. ဒီတော့ အမ်မာဟာ သူဖတ်ဖူးကြားဖူးတဲ့ အချစ်ဇာတ်လမ်းတွေလို ရင်သိမ့်ကြည်နူးစရာတွေ မကြုံရှာလေတော့ အိမ်ထောင်သည်ဘဝကြီးကို ငြီးငွေ့လာတယ်... ချား အပေါ်မှာလည်း စိတ်ကုန်လာတယ်.. ကြာတော့ စိတ်ဝေဒနာလိုလို ဘာလ်ိုလိုဖြစ်တဲ့အထိ အခြေအနေဆိုးလာတယ်..ဒါနဲ့ ချား တစ်ယောက်လည်း ရေပြောင်းမြေပြောင်းလုပ်လိုက်ရင်တော့ သူ့ဇနီးဝေဒနာသက်သာကောင်းရဲ့ဆိုပြီး မဒမ်ဗိုဗာရီ ကိုယ်ဝန်ရှိတဲ့အခါမှာ တော့စတီးကနေ ယွန်ဗီးကို ပြောင်းရွှေ့ခဲ့ကြတော့တယ်...

ယွန်ဗီးရောက်တော့ မိတ်ဆွေအသစ်တွေနဲ့တွေ့ရတယ်..အဲ့ဒီအထဲမှာမှ အမ်မာဟာ ကဗျာစာဝါသနာပါတာချင်းတူတဲ့ လီယွန်နဲ့ ပိုသံယောဇဉ်တွယ်မိတယ်.... ဒီကြားထဲ အမ်မာဟာ သမီးတစ်ယောက်မွေးတယ်...သူလိုချင်တာက သားကလေး.. နဂိုတည်းက အိမ်ထောင်ရေးကိုငြီးငွေ့တဲ့အခံရယ်ကြောင့် သမီးလေးအပေါ်မခင်တွယ်တော့ဘူး...ကလေးထိန်းအိမ်ပို့ထားလိုက်တယ်.. လီယွန်နဲ့လည်း ချိတ်တိတ်တိတ်ဖောက်ပြန်ချင်တယ်.. လီယွန်က သတ္တိနည်းနေတော့ ရှေ့တိုးရမလို နောက်ဆုတ်ရမလို အီလည်လည်ဖြစ်နေတဲ့ တိတ်တိတ်ပုန်းအချစ်ဇာတ်လမ်းဟာ လီယွန်တစ်ယောက် ပါရီကို ပညာသင်သွားတဲ့အခါမှာ အဆုံးသတ်သွားတော့တယ်... အမ်မာဗိုဗာရီရဲ့ စိတ်အခြေအနေက ပိုဆိုးပြီး ကျန်ခဲ့တယ်.. သူ့စိ်တ်တွေဟာ အလှအပ အဝတ်အစားဖက်ကို စိတ်ရောက်သွားပြန်တယ်.. အကျီအဝတ်အစားတွေ အိမ်ထောင်ပစ္စည်းကောင်းပေ့ဆိုတာတွေ အကြွေးဝယ်တယ်... ရူးဒေါ့ဆိ်ုတဲ့ သူဌေးသား လူပျိုနဲ့တွေ့တယ်.. ရူးဒေါ့ရဲ့အငယ်အနှောင်းဘဝမှာ အမ်မာတစ်ယောက် ရမ္မက်အပျော်ကြူးတယ်.. အကြွေးတွေပိုတင်လာတယ်.. သူ့ယောကျာ်းဖြစ်တဲ့ ချားဗိုဗာရီကို စိတ်ထဲကို မရှိတော့တဲ့သဘော... အကြွေးပင်လယ်ဝေတဲ့အပြင် သူတို့ရဲ့တိတ်တိတ်ပုန်းအချစ်ဇာတ်ကို လူပြောသူပြောများလာတော့ ရူးဒေါ့ကို သူနဲ့ အတူထွက်ပြေးဖို့ တိုက်တွန်းတယ်..ဒါပေမဲ့ ရူးဒေါ့ဟာ သူတစ်ယောက်တည်း ကိုယ်လွတ်ရုန်းပြေးသွားလေတယ်.. အမ်မာဗိုဗာရီဟာ စိတ်ထောင်းကိုယ်ကြေလို့ အိပ်ယာထဲ ဗုန်းဗုန်းလဲတော့တယ်..

ခင်ပွန်းသည်ဆရာဝန်ချားရဲ့ အပြုအစုတွေနဲ့ နလန်ပြန်ထူလာခဲ့တဲ့အခါ

အမ်မာဟာ စိတ်ပြေလက်ပျောက်အော်ပရာပွဲသွားရင်း အဆက်ဟောင်း လီယွန်နဲ့ ပြန်ဆုံတယ်..အရင်က မဝံ့မရဲဖြစ်ခဲ့တဲလီယွန်ဟာ ဒီတစ်ခေါက်ပြန်ရတဲ့အခွင့်အရေးကို လက်လွတ်မခံတော့ဘူး... ဖောက်ပြန်ကြပါလေရော... ဒါပေမဲ့ ကြာတော့ လီယွန်ဟာလည်း အမေဖြစ်သူက တားတာရယ်.. အကြွေးလည်ပင်းနစ်နေတဲ့ အမ်မာကို ငြီးငွေ့လာတာရယ်ကြောင့်စွန့်ခွာသွားလေတော့တယ်...ဆင်တောင်အကြွေးရရင်ဝယ်မယ်ဆိုတဲ့လူစားမျိုး အမ်မာဟာလည်း အကြွေးပေါင်းစုံထဲ မျောသထက်မျော.. ကဲ ဘဝတစ်လျှောက်လုံး စိတ်ပေါက်ပေါက်နဲ့ ထင်တိုင်းကြဲလာတဲ့အမ်မာဗိုဗာရီ..နေ့ချင်းညချင်းဆပ်ရမယ့်အကြွေးတွေအတွက် ဘယ်ကအကူအညီတောင်းရပ့.. အချစ်ဟောင်း ရူးဒေါ့ကလည်း မကူညီနိုင်ဘူး..ရိုးလွန်း အလွန်းတဲ့ သူ့ခင်ပွန်း ချားကလည်း ဘယ်လိုကယ်နိုင်မှာလဲ.. အကြွေးရှင်တွေကလည်း အိမ်ထောင်ပစ္စည်းတွေ ပိုင်ဆိုင်မှုတွေကို သိမ်းပါမယ်ဆိုလာပြီ.. ဒီတော့ သောကအပေါင်း ပေါင်းစုလာတဲ့ အမ်မာဗိုဗာရီအတွက် ထွက်ပေါက်က ဘယ်မှာလဲ....

ပြီးတော့ ကျနော် သနားမိတာက သူ့ခင်ပွန်းဖြစ်တဲ့ ဒေါက်တာ ချားဗိုဗာရီ .. သူ့ဇနီးသည်ကို သံသယအလျှင်းမရှိ ..တစ်ချိန်လုံး ယုံယုံကြည်ကြည်နဲ့ ချစ်လာခဲ့တယ်... ဝတ္ထုတစ်ပုဒ်လုံးမှာ သူ့အခန်းကဏ္ဍနည်းပေမယ့် မဒမ်ဗိုဗာရီကွယ်လွန်ပြီးတဲ့အခါ သူ့ရဲ့ရုပ်လုံးက ပိုကြွလာပါတယ်...ရင်ကွဲနာကျတယ်ဆိုမလား နောက်ဆုံး သူပါ လွမ်းလွမ်းဆွေးဆွေးနဲ့ စိတ်ညစ်ကြေကွဲပြီး သေရွာကို လိုက်သွားခဲ့တဲ့အထိပါပဲ.. ဒါပေမဲ့ အားမရတဲ့အပိုင်းတွေလည်းရှိနေသေးတယ်..လင်ယောကျ်ားနဲ့ 

သမီးအပေါ်လည်း သံယောဇဉ်မရှိ..အိမ်ထောင်မှုကိစ္စတွေကိုလည်း လျစ်လျူရှူလို့ ဒီလောက် မူပျက်နေတဲ့ ဇနီးသည်ကို ဘလိုင်းကြီး လွှတ်ထားနိုင်လောက်အောင် ချား ဟာ အ လွန်းခဲ့ပြန်တယ်..

ဘာသာပြန်သူရဲ့အမှာစာမှာ စာရေးဆရာကြီး ဆမ္မားဆက်မွန်က မဒမ်ဗိုဗာရီကို ကံဆိုးရှာတဲ့မိန်းကလေးဝတ္ထုလို့ဆိုခဲ့ပါတယ်တဲ့.. ဘာသာပြန်သူ ဆရာကျော်လှိုင်ဦးကတော့ ပြောင်းလဲလာတဲ့လူ့အဖွဲ့အစည်းရဲ့ ဒဏ်ကို ခံသွားရတဲ့လူတွေရဲ့အကြောင်းလို့ သုံးသပ်ထားပါတယ်.. စာဖတ်သူ ကျနော်ကတော့ ဒီဝတ္ထုလေးကို ဖတ်ပြီးသွားတဲ့အခါ " မည်သူမပြုမိမိမှု " ဆိုတာလေးရယ်.." သဗ္ဗေသတ္တာ ကမ္မသကာ " ဆိုတာလေးရယ်ကိုပဲ နှလုံးသွင်းမိကြောင်းပါ...

ဇိ ( 19.7.18 )

@ စာသမားများ