လူသာမန်

၂၀၁၆၊ ဖေဖော်ဝါရီ၊ ပထမအကြိမ်

အုပ်ရေ - ၁၀၀၀

၁၈၀၀ ကျပ်

စံပယ်စာအုပ်တိုက်

09 5413720, 01 398657

● ရပ်လိုက်။ ညှို့ဓာတ်ပြင်းလွန်းတဲ့အတွက် မင်းကို ဖမ်းလိုက်ပြီ။ မင်းရဲ့ပြစ်ဒဏ်ကတော့ ကိုယ့်နှလုံးသားထဲမှာ ထာဝရတာ။

● မနက်ပိုင်းမှာ ကိုယ် မစားနိုင်ဘူး။ မင်းအကြောင်းကိုပဲ တွေးနေမိတယ်။ ညနေပိုင်းမှာလည်း မစားနိုင်ဘူး။ မင်းအကြောင်းကိုပဲ တွေးနေမိတယ်။ ညဘက်ကျတော့လည်း ကိုယ် မအိပ်စက်နိုင်ပြန်ဘူး။ သိပ်ပြီးဆာလောင်မွတ်သိပ်နေပြီလေ။

● အမှောင်ထဲက ကလေးတွေဟာ မတော်တဆမှုတွေကို ဖြစ်ပေါ်စေတယ်။ ဒါပေမဲ့ အမှောင်ထဲက မတော်တဆမှုတွေကတော့ ကလေးတွေကို ဖြစ်ပေါ်စေတယ်။

● လူတွေဟာ သူတို့ကိရိယာတွေရဲ့ကိရိယာတွေ ဖြစ်နေကြပြီ။

● ပညာသင်ယူမှုက ဈေးကြီးတယ်လို့ထင်ရင် ပညာမဲ့မှုကို ခင်ဗျား မြည်းကြည့်လိုက်။

● ဈာပနကို မတက်ရောက်ဖြစ်ခဲ့ဘူး။ နို့ပေတဲ့ ဈာပနကို သဘောကျထောက်ခံကြောင်းပြောထားတဲ့ စာကောင်းကောင်းတစ်စောင်ကို ကျုပ် ပို့ခဲ့တယ်လေဗျာ။

● လူတစ်ယောက်မှ ကျုပ် မသတ်ဖူးခဲ့ဘူး။ ဒါပေတဲ့ နာရေးသတင်းပေါင်းများစွာကိုတော့ ကြီးစွာသော ပျော်ရွှင်ကျေနပ်မှုနဲ့ ဖတ်ခဲ့ဖူးတယ်။

● တခြားလူတွေရဲ့ဈာပနတွေကို အမြဲတမ်း သွားပါ။ တစ်နည်းအားဖြင့် ခင်ဗျားရဲ့ဈာပနကို သူတို့ မလာနိုင်တော့ဘူးပေါ့။

● အဆိုးမြင်သမားဆိုတာ ပန်းတွေရဲ့ရနံ့ရတဲ့အခါ ခေါင်းတလားကို လိုက်ရှာတဲ့လူ။

● ကျုပ်မှာ သူငယ်ချင်းတစ်ယောက်မှ မရှိဘူး။ အဲ . . . ရှေ့နေတွေတော့ ရှိတာပေါ့လေ။

● ဘာဥပဒေလဲဆိုတာ ကျုပ် မသိချင်ဘူး။ ဘယ်တရားသူကြီးလဲဆိုတာပဲ သိချင်တယ်။

● ရှေ့နေတစ်ယောက်ဟာ အမှုနိုင်ဖို့အတွက်ဆို ဘာမဆိုလုပ်တာပဲ။ တစ်ခါတစ်ရံ အမှန်တရားကိုတောင် ထုတ်ပြောတတ်တဲ့အထိ။

● ကားမောင်းနေစဉ်မှာ ဘီယာမသောက်ပါနဲ့။ ဖိတ်ကျလိမ့်မယ်။

● အလုပ်ဆိုတာ အသောက်သမားလူတန်းစားတွေရဲ့ ကျိန်စာသင့်မှုပါ။

● မနေ့ညက မိန်းကလေးတစ်ယောက်ကို တိုက်ခိုက်ခံရမှုတစ်ခုဆီကနေ ကယ်တင်ပေးနိုင်ခဲ့တယ်။ ကျုပ်ကိုယ်ကျုပ် ထိန်းချုပ်နိုင်ခဲ့တယ်လေ။

● နေ့စဉ်နေ့တိုင်း အိပ်ရာက ထပြီး အမေရိကမှာရှိတဲ့အချမ်းသာဆုံးလူစာရင်းကို ဖော်ပြထားတဲ့ ဖော်ဘီးစ်မဂ္ဂဇင်းကို လှန်လှောကြည့်ရတယ်။ အဲဒီစာရင်းမှာ ကျုပ်မပါရင် အလုပ်ကို သွားတယ်လေ။

● အရက်သောက်တာရဲ့မကောင်းကြောင်းတွေကို ဖတ်လိုက်ရတဲ့အခါမှာ စာဖတ်တာကို ကျုပ် စွန့်လွှတ်ခဲ့တာ။

● အရက်က လူသားရဲ့အဆိုးဆုံးရန်သူ ဖြစ်နိုင်ပါတယ်။ ဒါပေမဲ့ သမ္မာကျမ်းစာထဲမှာ ရန်သူကို မေတ္တာထားရမယ်လို့ ဆိုထားတယ်လေ။

● သတင်းထောက်တွေထဲက တစ်ယောက်ဟာ လိုရင်းကိုတန်းရောက်တဲ့မေးခွန်းတစ်ခုကို မေးခဲ့မိတာကြောင့် သတင်းစာပညာကျောင်းကနေ ထုတ်ခံခဲ့ရတယ်။

● ပုံနှိပ်လွတ်လပ်ခွင့်ဟာ အဲဒါကိုပိုင်ဆိုင်ထားတဲ့လူတွေဆီမှာ ကန့်သတ်ခံထားရတယ်။

● လူတစ်ယောက်က ခင်ဗျားရဲ့မိန်းမကို ခိုးသွားတဲ့အခါ ခင်ဗျားမိန်းမကို သူနဲ့အတူထားပေးလိုက်တာထက် ပိုကောင်းတဲ့ကလဲ့စား မရှိဘူး။

● သိပ်ပြီး နှိမ့်ချမနေနဲ့။ ရှင်က အဲဒီလောက်ထိလည်း မကြီးမြတ်သေးပါဘူး။

● ယုံကြည်မှုဆိုတာ ဘယ်ဟာမှန်တယ်ဆိုတာကို မသိချင်တော့တာ။

● အပြာရုပ်ရှင်နဲ့ အညှီအဟောက်ရုပ်ရှင်ရဲ့ကြားက ကွဲပြားချက်ဟာ အလင်းရောင်ပဲ။

● ဘာအကြောင်းကိစ္စမှမရှိဘဲ လင်ယောကျ်ားက သူ့ဇနီးအတွက် ပန်းတွေယူလာတဲ့အခါ အကြောင်းကိစ္စတစ်ခုတော့ ရှိပြီပဲ။

● သုတေသနမြောက်မြားစွာလုပ်ပြီးတဲ့နောက်မှာ ဗီတာမင်အများစုကို ဆေးဆိုင်ထဲမှာ တွေ့ရတယ်လို့ သိပ္ပံပညာရှင်တွေက ကောက်ချက်ချခဲ့ကြတယ်။

___________________________________________________

ဒီစာအုပ်ဟာ ' ဒီကနေ့ညအတွက် မိုးလေဝသခန့်မှန်းချက်ကတော့ . . . မှောင်ပါမယ် ' စာအုပ်ရဲ့အဆက်ပါ။ သရော်စကားပေါင်း ၂၃၅ ခုကို စုစည်းတင်ဆက်ထားတဲ့စာအုပ်လည်း ဖြစ်ပါတယ်။ ဒီစာအုပ်မှာ အင်္ဂလိပ် - မြန်မာ နှစ်ဘာသာ ယှဉ်တွဲဖော်ပြရတဲ့အကြောင်းက မူရင်းသရော်စကားတွေကိုလည်း ထိတွေ့ခံစားစေချင်လို့ပါ။ နောက်တစ်ချက်က ကျွန်တော့်မပြည့်ဝမှုကြောင့် ဘာသာပြန်ဆိုမှုအလွဲအချော်တွေ ရှိနေခဲ့ရင် စာဖတ်သူတွေဘက်က မူရင်းကိုဖတ်ရှုပြီး ထောက်ပြပြောဆိုစေချင်တာပါ။