Book Image
ဖေမြင့်

ဖေမြင့်

Pe Myint
ဖေမြင့်
Pemyint.jpg
ပြန်ကြားရေးဝန်ကြီးဌာန
တာဝန်ထမ်းဆောင်ဆဲ
တာဝန် စတင်
၃၀ မတ် ၂၀၁၆
သမ္မတထင်ကျော်
ယခင်လူရဲထွဋ်
ကိုယ်ရေး အချက်အလက်များ
မွေးဖွား၁၅ ဒီဇင်ဘာ၊ ၁၉၄၉ (အသက် ၆၇)
သံတွဲ၊ မြန်မာ
လူမျိုးမြန်မာ
ကြင်ဖော်ခိုင်နွယ်ဦး
သားသမီး
နေထိုင်ရာနေပြည်တော်
မိခင်ကျောင်းဆေးတက္ကသိုလ် (၁) ရန်ကုန်
အလုပ်အကိုင်နိုင်ငံရေးသမား၊ စာရေးဆရာ၊ ဆရာဝန်။
ကိုးကွယ်သည့်ဘာသာထေရဝါဒ ဗုဒ္ဓဘာသာ

ဖေမြင့် အား ရခိုင်ပြည်နယ်၊ သံတွဲမြို့တွင် အဖ ဦးအောင်ငြိမ်း၊ အမိ ဒေါ်ခင်သိန်း တို့မှ ၁၉၄၉ ခုနှစ်၊ ဒီဇင်ဘာ ၁၅ ရက်တွင် မွေးဖွားသည်။ သံတွဲမြို့ အစိုးရ အထက်တန်းကျောင်း အမှတ် (၁) မှ တက္ကသိုလ်ဝင်တန်း အောင်မြင်သည်။ ၁၉၇၅ ခုနှစ်တွင် ဆေးတက္ကသိုလ် (၁) ရန်ကုန်မှ အမ်ဘီဘီအက်စ်ဘွဲ့ ရသည်။[၁] ဆေးကျောင်းသား ဘ၀မှ စတင်၍ စာပေရေးသားခဲ့သည်။ ၁၉၇၇-ခုနှစ်မှ ၁၉၇၈-ခုနှစ်အတွင်း အထွေထွေကု ဆရာဝန်အဖြစ် ဆောင်ရွက်ခဲ့သည်။ ၁၉၈၈ ခုနှစ် အထိ ပြင်ပ အထွေထွေ ရောဂါကု ဆရာဝန် အဖြစ် ဆောင်ရွက်ခဲ့ပြီး၊ ၎င်းနောက်တွင် စာပေလုပ်ငန်း တစ်ခုတည်းကိုသာ စူးစိုက် လုပ်ကိုင် ခဲ့သည်။

တက္ကသိုလ် ကျောင်းသား ဘဝက စ၍ စာများ စတင် ရေးသားသည်။ အစပိုင်းတွင် ဘာသာပြန် ဝတ္ထုများ၊ ထိုနောက် ၁၉၈၆ ခုနှစ်က စ၍ ပင်ကိုယ်ရေး ဝတ္ထုတိုများ ရေးသားသည်။ ၁၉၈၉ ခုနှစ် စ၍ အတ္ထုပ္ပတ္တိနှင့် အသုံးချ စိတ်ပညာ ဆိုင်ရာ စာပေများ ရေးသား ပြုစုခဲ့သည်။

“စာပေ ဂျာနယ်” ကို စတင် စီစဉ်သူ တစ်ဦး ဖြစ်၍ ဂျာနယ် အမှတ် – ၁၂ အထိ အယ်ဒီတာ အဖြစ် ဆောင်ရွက်ခဲ့သည်။ ၁၉၈၉ ဇန်နဝါရီမှ ၁၉၉၁ အကုန်ပိုင်း အထိ “သင့်ဘဝ မဂ္ဂဇင်း” အယ်ဒီတာ အဖြစ် တာဝန် ယူခဲ့ပြီး၊ ၁၉၉၅ ခုနှစ်၊ စက်တင်ဘာ လက စတင်၍ “ဒီလှိုင်း မဂ္ဂဇင်း” ၏ အယ်ဒီတာချုပ် အဖြစ် ဆောင်ရွက်လျက် ရှိသည်။

ဇနီး ဒေါ်ခိုင်နွယ်ဦး၊ သား မောင်ဖေဇော်ဦး၊ သမီး မချိုစုစုခိုင် တို့နှင့်အတူ အင်းစိန် မြို့နယ် နံ့သာကုန်း ရပ်ကွက် အဝေရာ လမ်းတွင် နေထိုင်လျက် ရှိပါသည်။

ဆေးရုံ၊ အချစ်ဦး၊ လူနာဆောင် အမှတ်ခြောက်၊ ကျွန်းနှင့် အခြား ဝတ္ထုတိုများ၊ အောင်မြင်မှု ချမ်းသာ သုခနှင့် ဓနဥစ္စာ၊ စိန်မြေဧကများစွာ၊ မဟာ ကရုဏာများနှင့် ဘာကြောင့် ခုထိ မချမ်းသာ သေးတာလဲ စသည့် စာအုပ်များသည် ဆရာ ဖေမြင့်၏ အောင်မြင် ကျော်ကြားသော စာအုပ်များ ဖြစ်ကြသည်။ ဆရာ ဖေမြင့်သည် လူသုံးကုန် ပစ္စည်း ရောင်းသူများနှင့် အခြား ဝတ္ထုတိုများ စာအုပ်ဖြင့် ၁၉၉၅ ခုနှစ်တွင် အမျိုးသား စာပေဆု (ဝတ္ထုတိုပေါင်းချုပ်ဆု) ရရှိခဲ့သည်။

ရေးသား ထုတ်ဝေ ခဲ့သော စာအုပ်များ[ပြင်ဆင်ရန်]

  1. ဆေးရုံ (Arthur Hailey ၏ The Final Diagnosis)- (၁၉၇၅ ခုနှစ်)
  2. လူနာဆောင် အမှတ် (၆) (Anton Chekhov ၏ Ward Six) – (၁၉၇၇ ခုနှစ်)
  3. အချစ်ဦး ( Ivan Turgenev ၏ First Love ) – (၁၉၈၈ ခုနှစ်)
  4. ကျွန်းနှင့် အခြား ဝတ္ထုတိုများ – (၁၉၉ဝ ပြည့်နှစ်)
  5. အောင်မြင်မှု ချမ်းသာသုခနှင့် ဓနဥစ္စာ – (၁၉၉၂ ခုနှစ်)
  6. ချုံကြားမှ ဘုံဖျားသို့ – (၁၉၉၃ ခုနှစ်)
  7. မရဏာနုဿတိနှင့် အခြားဝတ္ထုတိုများ – (၁၉၉၃ ခုနှစ်)
  8. မဟာ ကရုဏာရှင်များ – (၁၉၉၃ ခုနှစ်)
  9. စိတ်၏ သတ္တိစွမ်းများ – (၁၉၉၃ ခုနှစ်)
  10. မူမှန်စိန် မူမှန်အတွေး မူမှန် အကျင့်အကြံ (၁)- (၁၉၉၃ ခုနှစ်)
  11. သင့်စိတ် သင့်အတွေးအကြံများ အတိုင်းတာ – (၁၉၉၃ ခုနှစ်)
  12. အပြောင်မြောက်ဆုံး ဘဝတခု တည်ဆောက်ခြင်း – (၁၉၉၄ ခုနှစ်)
  13. စိန်မြေဧကများစွာ – (၁၉၉၅ ခုနှစ်)
  14. ဘဝ ဒဿနာ ရသစာများ – (၁၉၉၅ ခုနှစ်)
  15. မူမှန်စိန် မူမှန်အတွေး မူမှန် အကျင့်အကြံ (၂)- (၁၉၉၅ ခုနှစ်)
  16. လူသုံးကုန်ပစ္စည်း ရောင်းဝယ် သူများနှင့် အခြား ဝတ္ထုတိုများ – (၁၉၉၅ ခုနှစ်) အမျိုးသား စာပေဆုရ
  17. ဒေးကာနက်ဂျီ – (၁၉၉၆-ခုနှစ်)
  18. မဖြစ်နိုင်ဘူး ဆိုတာ သေချာပြီလား – (၁၉၉၆- ခုနှစ်)
  19. ကိုယ်ပိုင် လုပ်ငန်းနဲ့ ကြီးပွားမယ့် ပုဂ္ဂိုလ် – (၁၉၉၇- ခုနှစ်)
  20. ဘေဘီလုံမှာ အချမ်းသာဆုံး ပုဂ္ဂိုလ် – (၁၉၉၇ ခုနှစ်)
  21. နှလုံးသား အာဟာရ ရသစာများ (၁) – (၁၉၉၈ ခုနှစ်)
  22. စနစ်တကျ လေ့ကျင့် တည်ဆောက်ထားသော စိတ်၏ သတ္တိ စွမ်းအားများ – (၁၉၉၈ ခုနှစ်)
  23. ဟောနည်းပြောနည်း ကိုယ့်ဘက်ပါအောင် စည်းရုံးနည်းများ – (၁၉၉၈ ခုနှစ်)
  24. ကိုယ်ထူး ကိုယ်ချွန်သမား အတွက် လက်စွဲ စကားများ – (၁၉၉၈ ခုနှစ်)
  25. ပြောတတ် ဆိုတတ် ပေါင်းသင်းတတ်တဲ့သူ – (၁၉၉၈ ခုနှစ်)
  26. ဦးနှောက်တွင် ရင်းနှီးမြှုပ်နှံပါ – (၁၉၉၉ ခုနှစ်)
  27. ဘာကြောင့် ခုထိ မချမ်းသာ သေးတာလဲ – (၁၉၉၉ ခုနှစ်)
  28. နှလုံးသား အာဟာရ ရသစာများ (၂) – (၂ဝဝဝ ပြည့်နှစ်)
  29. မည်သို့ပင်ဖြစ်စေ – (၂ဝဝဝ ပြည့်နှစ်)
  30. နှလုံးသား အာဟာရ ရသစာများ (၃) – (၂ဝဝ၁ ခုနှစ်)
  31. ဂျီးနီယပ် (စ်) ထူးချွန် ထက်မြက်မှု စာစု – (၂ဝဝ၂ ခုနှစ်)
  32. စာဖတ်သမား၏ မှတ်စုများ (၂၀၀၃)
  33. စိတ်ဓာတ်နှင့်နည်းနာ (၂၀၀၄)
  34. တန်ဖိုးထားအပ်သော အရာများ (၂၀၀၄)
  35. ဆတ်သေချောင်းဒဏ္ဍရီနှင့် အခြားဝတ္ထုတိုများ (၂၀၀၅)
  36. ဦးနှောက်နှင့် နှလုံးသား (၂၀၀၅)
  37. အားပြင်းတဲ့ မြားတစ်စင်း (၂၀၀၅)
  38. စီးပွားရေးတွေးခေါ်ရှင်များ (၂၀၀၇)
  39. နာမည်တစ်လုံး ရမလာခင်တုန်းက (၂၀၀၈)
  40. စာအုပ်ကမ္ဘာ (၂၀၀၉)[၂]

ကိုးကား[ပြင်ဆင်ရန်]

  1. Jump up The Myanmar Times။ Looking back: education in the 1960s
  2. Jump up ပြန်ကြားရေးနှင့် ပြည်သူ့ ဆက်ဆံရေး ဦးစီး ဌာန (ရုံးချုပ်) စာတည်း အဖွဲ့က စုဆောင်း ပြုစုတဲ့ ‘နှစ်ဆယ် ရာစု မြန်မာ စာရေး ဆရာ များနှင့် စာစု စာရင်း’ စာအုပ် (ပညာရွှေတောင် စာအုပ်တိုက်)၂ဝဝ၃ ခုနှစ်၊ ဧပြီလ(ပထမ အကြိမ်)

Reference from:

Written Books

Book Review Image

လူသုံးကုန်ပစ္စည်း ရောင်းသူများနှင့် အခြားဝတ္ထုတိုများ

ဖေမြင့်
Book Review Image

စာအုပ် ကမ္ဘာ

ဖေမြင့်