ကုန်သည်များ ဖြစ်ကြသော ဦးအရွန်းလင် (ခေါ်) ဦးစိန်နှင့် ဒေါ်ဝင်းတို့မှ ၁၉၅၇ ခုနှစ်တွင် ဧရာဝတီ
တိုင်းဒေသကြီး မော်လမြိုင်ကျွန်းမြို့၌ မွေးဖွား၍ မွေးချင်း ညီအစ်ကို မောင်နှမ ခြောက်ယောက်တွင်
စတုတ္ထမြောက် ဖြစ်သည်။ မူလတန်းပညာကို မော်လမြိုင်ကျွန်း မြို့ (၁၄) လမ်း အမကမှ အောင်မြင်ပြီး၁၉၇၄ ခုနှစ်တွင် အခြေခံပညာ အထက်တန်း စာမေးပွဲကို သင်္ချာ၊ ဓာတုဗေ၊ ရူပဗေဒ သုံးဘာသာ
ဂုဏ်ထူး ဖြင့် မော်လမြိုင်ကျွန်းမြို့ အထက (၁) မှ အောင်မြင်သည်။ ၁၉၇၈ ခုနှစ်တွင် ဝိဇ္ဇာ(ဥပဒေ)ဘွဲ့၊
၁၉၇၉ ခုနှစ် တွင် ဥပဒေဘွဲ့၊ ၁၉၈၅ ခုနှစ်တွင် မဟာဥပဒေဘွဲ့တို့ကို ရန်ကုန် တက္ကသိုလ်မှ ရရှိသည်။
၁၉၈၀ ပြည့်နှစ်တွင် ရန်ကုန်တက္ကသိုလ် ဥပဒေပညာဌာန၌ နည်းပြအဖြစ် စတင် အလုပ်ဝင်
ရောက်သည်။ ၁၉၈၂ ခုနှစ်တွင် ပြည်သူ့ဥပဒေ အကျိုးဆောင်အဖွဲ့၊ ဗဟို ဥပဒေရုံး (ယခု ရှေ့နေချုပ်ရုံး) သို့ဥပဒေအရာရှိအဖြစ် ပြောင်းရွေ့ခဲ့ပြီး ဗိုလ်တထောင်၊ နန်းယွန်း၊ ပုသိမ်၊ ပလက်ဝမြို့တို့တွင် တာဝန်ထမ်းဆောင်ခဲ့သည်။ ၁၉၉၇ ခုနှစ်တွင် ရန်ကုန်မြို့ ရှေ့နေချုပ်ရုံးသို့ ပြောင်းရွေ့ တာဝန်ထမ်းဆောင်သည်။
၁၉၉၉ ခုနှစ်တွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာ့လယ်ယာထွက်ကုန်ပစ္စည်းရောင်းဝယ်ရေးသို့ ပြောင်းရွေ့တာဝန်ထမ်းဆောင်သည်။
၁၉၉၈ ခုနှစ် စက်တင်ဘာလထုတ် လုံမလေးမဂ္ဂဇင်းပါ 'တစ်သက်တာ လွဲသမျှ' ရုပ်ရှင်ဝေဖန်ရေးဆောင်းပါးကို ကြည်ရွှန်း ကလောင်အမည်ဖြင့် ရေးသားပြီး .. စာပေနယ်သို့ စတင်ရောက်ရှိသည်။
လုံမလေး၊ ရနံ့သစ်၊ မဟေသီ၊ အနုပညာမြင်ကွင်း၊ အပျိုစင်၊ သရဖူ၊ ဖက်ရှင်၊ ရုပ်ရှင်သစ္စာ၊
အခွင့်အလမ်း၊ တော်ဝင် ပန်း၊ စသည့် မဂ္ဂဇင်း၊ ဂျာနယ်တို့တွင် ရုပ်ရှင်၊ စီမံခန့်ခွဲရေး၊ ကိုယ်ထူးကိုယ်ချွန်ဘဝအောင်မြင်ရေး ဆောင်းပါး များစွာ ရေးသားခဲ့ပြီး ကြည်ရွှန်း ကလောင်အမည်ဖြင့် လုံးချင်းစာအုပ်၃၀၊ စီစဉ်သူအဖြစ် ၅ အုပ်၊ ပေါင်း (၃၅) အုပ်၊ ဦးမောင်မောင် (မော်ကျွန်း) ကလောင်အမည်ဖြင့်
ဥပဒေပညာပေးစာအုပ်များ ရေးသားခဲ့သည်။ Jack Welch ၏ Winning ကို ပြန်ဆိုသော
'စီးပွားအောင်ခြင်း' စာအုပ်ဖြင့် ၂၀၀၉ ခုနှစ် သုတ စွယ်စုံစာပေဆု (ဘာသာပြန်) နှင့် Richard Templar
၏ The Rules of Management ကို ပြန်ဆိုသော 'စီးပွားရေး စီမံခန့်ခွဲမှု စည်းမျဉ်း ၁၀၀' စာအုပ်ဖြင့်
၂၀၁၉ ခုနှစ် ထွန်းဖောင်ဒေရှင်းစာပေ (စီးပွားရေး ဘာသာရပ်) ဆု တို့ ရရှိခဲ့သည်။
စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာ ဦးစီးဌာန၊ ညွှန်ကြားရေးမှူး
(ဥပဒေအကြံပေးအရာရှိ) အဖြစ်မှ ၂၀၁၆ ခုနှစ်တွင် အငြိမ်းစား ယူခဲ့သည်။ ယခုအခါတွင် စာပေ
ရေးသားခြင်း၊ WisdomHouse စာအုပ်တိုက်ကို ကြီးကြပ်စီစဉ် ဆောင်ရွက်ခြင်း၊ ဥပဒေအကြံဉာဏ်
ပေးခြင်း၊ စာပေသင်ကြားပို့ချခြင်း လုပ်ငန်းများ ဆောင်ရွက်လျက်ရှိသည်။
အမည်ရင်၊ ဦးမောင်မောင် ဖြစ်သည်။
စာအုပ်များစာရင်း
၁။ စီးပွားအောင်ခြင်း
၂။ ချစ်ရေးချစ်ရာ စည်းမျဉ်း ၁ဝဝ
၃။ မြင့်မြင့်တွေး မြင့်မြင့်ကြံ
၄။ အာရှ စီးပွား စွမ်းဆောင်ရှင်များ
၅။ နိုင်ငံတကာ စီးပွားစွမ်းဆောင်ရှင်များ(၁)
၆။ နိုင်ငံတကာ စီးပွားစွမ်းဆောင်ရှင်များ(၂)
၇။ စီးပွားရေး ခန့်ခွဲမှုပညာ စည်းမျဉ်း
၈။ ကိုယ့်ကိုယ်ကိုယ် စီမံခန့်ခွဲမှုပညာ
၉။ အချိန် စီမံခန့်ခွဲမှုပညာ
၁၀။ စီးပွားရေးလုပ်ငန်း မဟာဗျူဟာ
၁၁။ ဒေါ်နယ်ထရမ့်ပြောတဲ့ အောင်စေမဲ့လမ်း
၁၂။ အလေ့အကျင့်၏ ပါဝါစွမ်းအား
၁၃။ အောင်မြင်မှု ဥပဒေသ(၁)
၁၄။ အောင်မြင်မှု ဥပဒေသ(၂)
၁၅။ အောင်မြင်မှု ဥပဒေသ(၃)
၁၆။ အောင်မြင်မှု ဥပဒေသ(၄)
၁၇။ အောင်မြင်မှု ဥပဒေသ(၅)
၁၈။ ကိုယ်ထူးကိုယ်ချွန်
၁၉။ စိတ်ကူးတစ်ချက် လင်းလက်သွားစေ
၂၀။ တံတိုင်း တံတားနှင့် နန်းတော်ဆီ ခံစားသက်ဝင် ကမ္ဘာ့ရုပ်ရှင် ရသခံစားမှုများ(၃)
၂၁။ ပျော်ရွှင်ချမ်းသာ နည်းပေါင်း ၁၀၀
၂၂။ အောင်မြင်ချမ်းသာ နည်းပေါင်း ၁ဝဝ
၂၃။ ကျန်းမာချမ်းသာ နည်းပေါင်း ၁၀၀
၂၄။ ခိုင်မြဲတွယ်တာ နည်းပေါင်း ၁ဝဝ
၂၅။ လူငယ်လမ်းညွှန် ဘ၀မီးရှုးတိုင်
၂၆။ အမျိုးသမီးများနှင့် ခေါင်းဆောင်မှု
၂၇။ စီးပွားရေးလုပ်ငန်းသုံးအင်္ဂလိပ်စာ
၂၈။ အသုံးချ လူမှုဆောင်တာ စကားပြော
၂၉။ အသုံးချ ဝါကျ လမ်းညွှန် (စီစဉ်သည်။)
၃၀။ အသုံးချ အင်္ဂလိပ်သဒ္ဒါ (စီစဉ်သည်။)
၃၁။ အသုံးချ အီဒီယမ် စကားပြော (စီစဉ်သည်။)
၃၂။ ပညာရှိရာသို့ ခြေလှမ်းများစွာ (စီစဉ်သည်။)
၃၃။ လူငယ်နှင့် ပရော်ဖက်ရှင်နယ် (စီစဉ်သည်။)
၃၄။ ငွေလရောင် ပုလဲ နားဆွဲ (ခံစားသက်ဝင် ကမ္ဘာ့ရုပ်ရှင် ၁)
၃၅။ ဘေးတိုက် ဇာတ်လမ်း (ခံစားသက်ဝင် ကမ္ဘာ့ရုပ်ရှင် ၂)
Reference from: facebook
SHARE ON FACEBOOK
