ရာဇဝင်နှင့် သူရဲကောင်း

စိတ်ကူးချိုချိုအနုပညာ

ပထမအကြိမ်၊ သြဂုတ် ၂၀၂၀။

မျက်နှာဖုံးပန်းချီ - တော်တီဆွေ။

၁၀.၉ စင်တီမီတာ x ၁၈.၆ စင်တီမီတာ။

စာမျက်နှာ - ၈၆၊ တန်ဖိုး - ကျပ် ၁၀၀၀။

စိတ်ကူးချိုချို စာအုပ်တိုက်၏ ၂၁ ပြည့် အမှတ်တရ ၂၁ အုပ် ထုတ်ဝေခြင်း အစီအစဉ် ဖြစ်သည်။ ဒဿနဝတ္ထု ဟု အမည်တပ်ထားသည်။ ဒဿနအတွေးအမြင်ကဲသော နတ်နွယ်၏ တစ်မူထူးခြားသော '' မဂ္ဂဇင်း ဝတ္ထု ရှည်တစ်ပုဒ် '' ဟုလည်း ဖော်ပြထားသည်။

စုံထောက်မဂ္ဂဇင်းတွင် ဖော်ပြခဲ့သောဝတ္ထုရှည်ဖြစ်သည်။ ကနဦးဖော်ပြခဲ့သည့် မဂ္ဂဇင်းသရုပ်ဖော်ပန်းချီကိုလည်း ထည့်သွင်းဖော်ပြထားသည်။

စုံထောက် ကျော်ဝင်း၊ ရာဇဝတ်အုပ် ကိုတင်ဝင်း၊ အောင်မြင်လျက်ရှိသော စာရေးဆရာမ ရတနာနန်းမယ်၊ သတင်းထောက်အောင်ကျော်၊ မန ္တလေးတက္ကသိုလ်မှ လွတ်မြောက်နယ်မြေသို့ရောက်သွားသည့် ကျောင်း သားခေါင်းဆောင် နီယဉ်ဦး၊ တောသူအိမ်ဖော်မလေး နှောင်းအေး၊ ဘာသာရေး နိုင်ငံရေး အရေခြုံတို့အား ဆက်တိုက်သတ်ဖြတ်သုတ်သင်လျက်ရှိသည့် လက်မရွံ့ စသည့် ဇာတ်ကောင်များဖြင့် ရေးခြယ်ထားသည့် ဖဆပလခေတ်နောက်ခံ ဝတ္ထုရှည်တစ်ပုဒ်ဖြစ်သည်။

'' တကယ်တော့ စနစ်တစ်ခုလုံးက ကောင်းနေတာကို တစ်ယောက်တလေ သတ်ပစ်ရုံနဲ့ ဘယ်နည်းနဲ့မှ အရာ မရောက်ဘူး။ အရင်းရှင်စနစ်ကို ဖြိုခွဲရာမှာ အရင်းရှင်တစ်ယောက်နှစ်ယောက်ဟာ ဘာမှတန်ဖိုးရှိတာမဟုတ်ဘူး။ ပြီးတော့ စနစ်တစ်ခုကို ပြောင်းရာမှာလည်း တစ်ယောက်တည်း သူရဲကောင်းဆန်ဆန် လုပ်နေလို့ မရ ဘူး။ လူထုကြီးတစ်ရပ်လုံးကိုက အုံကြွတော်လှန်ဖို့ရာ လိုတယ်။ အဲဒီတော့ ဒီအကြမ်းဖက်မှုတွေဟာ 

တော်လှန်ရေးကို မှေးမှိန်စေတယ်။ ဒီသူရဲကောင်း ဝါဒ ကြီးဟာ စိတ်ကူးယဉ်နေတာပဲ။ မိုးတိမ်ထဲမှာ လှေစီးပြီး ကျောက်ဆောင်နဲ့ မတိုက်အောင် ပဲ့ကိုင်ပေးနေတာနဲ့ တူနေတယ်။ '' ( စာမျက်နှာ ၇၈ မှ )

မိုးမင်းသိမ်း

၁၈ စက်တင်ဘာ ၂၀၂၀