Book Image

စာအုပ်အမည် - ည

ဘာသာပြန်သူ - တင်မောင်မြင့်
မူရင်းစာအုပ် - Night
မူရင်းရေးသူ - Elie Wiesel
အကြိမ် - ဒုတိယအကြိမ်
ခုနှစ် - ၂၀၁၈ ခုနှစ်၊ ဇွန်​လ
စာမျက်နှာ - ၁၆၄
အုပ်ရေ - ၅၀၀
အရွယ်အစား - ၁၂.၅ × ၁၈.၅ စင်တီမီတာ
တန်ဖိုး - ၂၀၀၀ကျပ်
စာအုပ်တိုက် - လင်းလွန်းခင်
အမှတ် D ၊ ပထမထပ် (လယ်)၊ ပုဇွန်တောင်
ပန်းခြံအနီး၊ လိပ်ကန်လမ်း၊ ပုဇွန်တောင်
မြို့နယ်။
၀၉၂၅၄၅၅၀၈၆၃၊ 
၀၉၂၂၀၁၇၃၀၊ 
၀၉၄၂၁၇၁၉၇၁၂။


ဒီမယ် ​​ချာတိတ်​၊ ​သေ​သေချာချာနား​ထောင်​။

 ဒီစခန်​းမှာ ဘယ်​သူမှ တခြားလူအတွက်​ မစဉ်​းစားကြဘူး။ ကိုယ်​့အတွက်​ပဲ ကိုယ်​ကြည်​့ကြ
 တယ်​။ ဒီ​နေရာမှာ အ​ဖေရယ်​ အကိုရယ်​ ညီရယ်​ ဆိုတာ မရှိဘူး။ သူငယ်​ချင်​းလည်​း မရှိဘူး။ တို့အားလုံး တစ်​​ယောက်​ချင်​း​နေပြီး တစ်​​ယောက်​ချင်​း​ သေသွားကြမှာ။ "
[ စာ_၁၅၂ ]

ဒီစာသားထဲက ချာတိတ်​ဆိုတာက​တော့ 
Elie Wiesel ပါ။ သူဟာ တစ်​ကမ်ဘာလုံးမှ
ရက်စက်ဆိုးယုတ်မှုတွေ၊ အမုန်းတရားတွေ၊ မတရား ဖိနှိပ်မှုတွေကို စိုက်လိုက်မတ်တတ် တိုက်ခဲ့တာကြောင့် ၁၉၈၆ ခုနှစ်မှာ နိုဘယ်လ်ငြိမ်းချမ်းရေးဆု ရရှိခဲ့သူ။ အော့ချ်ဝစ်ဇ်၊ ဘာကင်နူးနဲ့ ဘူခန်းဝါးမှာ နာဇီတွေရဲ့ ဂျူးသတ်ပွဲ
ကြီးအကြောင်းကို ခရေစေ့တွင်းကျ ရေးနိုင်​ခဲ့တဲ့ သူတစ်​​ယောက်ဖြစ်​​တယ်​။ အဲ့လို​ရေးနိုင်​စရာ အ​ကြောင်​းကလည်​း အခိုင်​အမာရှိ​နေခဲ့ပါတယ်​။ သူဟာ အဆိပ်ငွေ့စက်ရုံကြီးတွေကို ကိုယ်တိုင် မြင်တွေ့ခဲ့ရတယ်။ ​ကလေးတွေကို ရက်ရက်စက်စက် ​​​​မီးတွင်းကြီးထဲ ပစ်ချတာကို ​မြင်​ခဲ့ရတယ်​။ ဥပုသ်​​နေ့နဲ့ ​နေ့ကြီးရက်​
ကြီး​တွေပါမကျန်​ အသတ်​​ပေါင်​းများစွာကို သတ်​ဖြတ်​​နေကြတာကို ကိုယ်​တိုင်​​မျက်​မြင် ​​​တွေ့ခဲ့ရတယ်​။

Elie Wieselဟာ သူ့အတွေ့အကြုံ ငရဲခန်းတွေကို အခြေခံပြီး ရေးခဲ့တာ သုံးအုပ် ရှိပါတယ်။ Night, Dawn, Day ဆိုတဲ့ The Night Trilogyပါ။ ခုစာအုပ်ကတော့ ပထမဦးဆုံး စာအုပ်ပါ။ သူရဲ့ Dayစာအုပ်​ကိုဆရာတင်​​မောင်​မြင်​့ ဘာသာပြန်​နဲ့ပဲ ဟိုတ​လောကမှ က့ံ​ကော်​၀တ်​ရည်​စာ​ပေက ပထမအကြိမ်​ ထွက်​ထားပါတယ်​။ 

Elieဟာ ​အော့ချ်​၀ဇ်​ ငရဲခန်​းနှင်​့ နာဇီလူသတ်​ပွဲကြီး ရဲ့ဆိုးညစ်​ ရက်​စက်​ပုံ​တွေကို ရင်​ဖွင်​့ဖို့ တိုက်​တွန်​းလာတိုင်​း အကြိမ်​ကြိမ်​ငြင်း​ဆန်​ခဲ့တယ်​။ ၁၉၅၂ခုနှစ်​တွင်​မှ ပြင်​သစ်​ စာ​ရေးဆရာကြီး ဖရန်​ဆွာ ​မောရီယပ်​ ၏အား​ပေးမှု​ကြောင်​့
ဂျူးလူမျိုးတို့၏ ​ကြေကွဲဖွယ်​ အဖြစ်​ဆိုးကြီးကို မျက်​မြင်​သက်​​သေ တစ်​​ယောက်​အ​နေနှင်​့ ​ရေးခဲ့ကာ ၁၉၆၀တွင်​ အင်္ဂလိပ်​ဘာသာဖြင်​့
Night(ည)ကို ထုတ်​​ေ၀ခဲ့တာပါ။

အသက်​ ၁၅နှစ်​အရွယ်​ အယ်​လီ၀ီဆယ်​ဟာ
အ​ဖေ၊ အ​မေ၊ ညီမ​လေးတို့နဲ့အတူ ဟန်​​ဂေရီနိုင်​ငံ ၊ ထရန်​ဆီလ်​​ေ​ဗးနီးယားနယ်​ ၊ ဆစ်​ဂတ်​မြို့ ​မှာ​နေထိုင်​​နေတဲ့ ဂျူးလူမျိုးတစ်​​ယောက်ဖြစ်​တယ်​။ ဆစ်​ဂတ်​မြို့ထဲမှာ ဂျူးသက်​သက်​ ဟန်​​ဂေရီသက်​သက်​ ခွဲခြား​နေထိုင်​ကြရပါတယ်​။ ဒီလို​နေလာရင်​းနဲ့ပဲ ဂျူးတို့အတွက်​ ဆိုးရွားတဲ့ မျိုးတုံးသတ်​ဖြတ်​မှုကြီးတစ်​ခု ဖြစ်​လာ​ခဲ့​​တော့ပါတယ်​။ 

နာဇီ​တွေဟာ ဂျူး​တွေကို ​လော်​ရီကားကြီးနဲ့တင်​​ခေါ်သွားပြီး သစ်​​တောထဲ​ကို ပို့ခဲ့ကြတယ်​။ ဂျူးတို့ရဲ့အထင်​အရ နာဇီ​တွေဟာ သူတို့မရှိတဲ့အချိန်​ ပစ္စည်​း​တွေကိုသိမ်​းပိုက်​ပြီး 
ကြာလာရင်​ ကိုယ်​့​နေရပ်​ကိုယ်​ပြန်​ကြရလိမ်​့မယ်​လို့ ခပ်​​အေး​အေး​ ​တွေးထားခဲ့တယ်​။

သို့​ပေမယ်​့ တကယ်​တမ်​း ရောက်​သွားတဲ့အခါမှာ သူတို့ကို ဧရာမ တွင်းကြီးတွေ တူးခိုင်းတယ်။ ပြီးတာနဲ့ တူးတဲ့လူတွေကို ကျင်းနှုတ်ခမ်းမှာ ရပ်ခိုင်းပြီး စက်သေနတ်နဲ့ မွှေ့ပစ်တယ်။ ကလေးတွေကို လေထဲ မြှောက်တင်ပြီး သေနတ်နဲ့ လက်တည့်စမ်းကြတယ်။ သည်​လို ဆိုးရွားလှတဲ့ အဖြစ်အပျက်​​တွေ ဖြစ်လာလိမ့်မယ်လို့ ဘယ်သူမှ မ​တွေးမိခဲ့ကြ​ချေ။

​နောက်​​​တော့ အစသာသိပြီး အဆုံးမသိတဲ့ ခရီးကို အလုံပိတ်​ရထားကြီး​ပေါ်မှာ ကြပ်​ကြပ်​သိပ်​သိပ်​နှင်​့ ​ခေါ်သွား ခြင်​းကို ခံကြရတယ်​။ အ​တော်​ကြာခရီးရှည်​ကြီး ထွက်​ပြီးတဲ့အခါမှာ အော့ချ်​ဝဇ်​မြို့ ကို​ရောက်​လာခဲ့ကြပြီး ခရီးအဆုံးသတ်​သွားခဲ့တယ်​။ အော့ချ်​ဝဇ်​မြို့ကို ​ရောက်​လာချိန်​မှာ​တော့ ကြီးမားတဲ့ အကျဉ်​းစခန်​း
ကြီး​တွေကို ​တွေ့ရတယ်​။ ခံစားရဆိုး​လောက်​​အောင်​ ပြင်​းထန်​တဲ့ ​ညှော်​န့ံ​တွေကို ရခဲ့တယ်​။ သူတို့မရင်​းနှီးတဲ့ ​ညှော်​န့ံ​တွေဟာ လူထောင်ပေါင်းများစွာ မီးရှို့သတ်ဖြတ်ခြင်း ခံရတာ​ေ​ကြာင့် ထွက်​လာတဲ့ ​ညှော်​န့ံ​တွေဆိုတာကို သိခဲ့ရတယ်​။ ​အဆိပ်ငွေ့နဲ့ လူသတ်စက်ရုံကြီးနဲ့ မီးခိုးတလူူလူ ထွက်​​နေတဲ့ ခေါင်​းတိုင်​​တွေဟာ သူတို့ကို ဖိတ်​​ခေါ်​နေ​တော့တယ်​။

​အော့ချ်​၀ဇ်​မြို့ကို ​ရောက်​တဲ့အခါမှာ သူတို့မိသားစု​တွေ တကွဲတပြားဖြစ်​သွားခဲ့ရတယ်​။ အ​ဖေနဲ့အယ်​လီက သက်​သက်​ဖြစ်​သွားပြီး​တော့ အ​မေနဲ့ အမ​တွေ၊ ညီမငယ်​တို့နှင်​့ ထာ၀ရ လမ်​းခွဲသွားခဲ့တယ်​။ ​နောက်​​တော့ သူတို့သားအဖနှစ်​ေ​​ယာက်​ဟာ ဘာကင်​နူး၊ ​အော့ချ်​ဝဇ်၊ ဘူနာ စတဲ့ အကျဉ်​းစခန်​း​တွေမှာ အသက်​ဆက်​ရှင်​ဖို့အတွက်​ ခက်​ခက်​ခဲခဲ ကြိုးပမ်​း
ကြရ​​တော့တယ်​.....။

ကမ်ဘာ့အရက်စက်ဆုံး Holocaust ဖြစ်ရပ်မှာ အသက်ရှင်ကျန်ခဲ့တဲ့ သူတစ်ယောက် ဖြစ်​တဲ့ အယ်​လီ၀ီဇယ်​ဟာ Holocaust Literature ​တွေကိုအလွန်​ ​လက်​ရာ​ပြောင်​​မြောက်​စွာ သရုပ်​​ဖော်​နိုင်​ခဲ့ပါတယ်​။ သည်​ ညစာအုပ်​မှာ သူကိုယ်​တိုင်​ ကြုံ​တွေ့ခဲ့ရတဲ့ Holocaust ဖြစ်​ရပ်​ဆိုးကြီးကို ​ကြောက်​ခမန်​းလိလိ သရုပ်​​ဖော်​ထားတာကို စာဖတ်​သူ​တွေဟာ အ​သေအချာ​တွေ့မြင်​ရမှာပါ။ နာဇီငရဲခန်​းကြီးကို အံတုရင်​း အသက်​ရှင်​ရန်​ကြိုးပမ်​း​နေ
ကြတဲ့ လူ​ပေါင်​းများစွာရဲ့ ဘ၀​တွေကို ကွက်
​​ကွက်​ကွင်​းကွင်​း မြင်​​စေမှာပဲဖြစ်ပါတယ်​......။

ထန်


Publisher Name: လင်းလွန်းခင်စာအုပ်တိုက်

Publisher Phone Number: 01 293401, 09 220 1730


Related Books

Book Review Image

ကျွန်တော် သေဒဏ်ကျခဲ့ရသော (၁၇)လ (၁၇)ရက်

ဇော်သက်ထွေး
Book Review Image

နွေတစ်ညမှ အစပြု၍

အောင်ဒင်
Book Review Image

ရာဇဝင်ရှင်းတမ်း

ဝင်းနိုင်ဦး
Book Review Image

ဓားစာခံ

ကျော်စွာ (ဆေး ၂)
Book Review Image

ဂျွိုင်းလန်း

လင်းခန့်
Book Review Image

နှင်းရည်တစက် အိပ်မက်တသက်

အောင်မိုးဝင်း