Book Image

စာအုပ်အမည် _ ဓားစာခံ
စာရေးဆရာ _ ကျော်စွာ (ဆေး-၂)
မူရင်းစာအုပ် _Hostage
မူရင်းကာတွန်းဆရာ _Guy Delisle
ထုတ်သည့်တိုက် _ ငါတို့စာပေ
ထုတ်သည့်နှစ် _ ဇွန်လ ၊ ၂၀၁၈ (ပထမအကြိမ် )
မျက်နှာဖုံးဒီဇိုင်း _ ပိုင်နိုင်အောင်
စာမျက်နှာ _၄၃၃
တန်ဖိုး _ ၆၀၀၀

ဒီစာအုပ် နဲ့ ပက်သက်ပြီး ပြောမယ်ဆို ပြောစရာ နှစ်ခု ရှိပါတယ် ။ ငါတို့စာပေ က ထုတ်တဲ့ Guy Delisle ရဲ့ ရုပ်ပြ တွေကို ဘားမားခရိုနီကယ် (မြေမှုန်လွင် ဘာသာပြန်) ဖတ်မိပြီး ကြိုက်သွားတာက စ ပါတယ် ။ ဘော်ဒါကြီး တစ်ယောက်ရဲ့ စကား ငှါးသုံးရရင် ခေါင်းထဲမှာ ဘတ်သီးတွေ ပွင့်သွားသလိုပဲ ခံစားရတယ် ။ အရင်တုန်းက ကာတွန်း ရုပ်ပြ ဆိုတာ အပျော်ဖတ် လောက်ပဲ ထင်တာကိုး ။ 

အခုတော့ Guy Delisle ရဲ့ ရုပ်ပြတွေ ဆက်တိုက် ဖတ်ပြီး ဂျေရူဆလင် (အစ္စရေး).၊ ပြုံယန်း (မ/ကိုရီးယား) ၊ ရှန်းဇန့် (တရုပ်ပြည်) တွေကိုပါ အလည်ရောက်သွားတယ် ။ အဲဒါနဲ့ပဲ ငါတို့စာပေ ထုတ်သမျှ Guy Delisle ရုပ်ပြတွေ မလွတ်တမ်း ဝယ်ဖတ်မိတယ်.။ သဘောလဲ ကျမိတယ် ။.(မှတ်ချက်။. ။ ကြော်ငြာခ မရပါ ????????)

နောက်တစ်ချက်က ဆရာ ကျော်စွာ (ဆေး-၂) ဘာသာပြန် "ဓားစာခံ " စာအုပ် ၊ မူရင်း James Patrerson ရေးတဲ့ Hostage ကို မနှစ်က ၂၀၁၇ မေလ မှာ ဖတ်ခဲ့ရတယ် ။ အခု ဒီနှစ် ဇွန်လ ကျတော့ Guy Delisle ရဲ့ Hostage ကို "ဓားစာခံ " ဆိုပြီး ထပ်ဖတ်ရပြန်တယ် ။ စာရေးဆရာကို ဓားစာခံ နာမည် နဲ့ စီးရီးလိုက် စာအုပ်တွေ ထုတ်ပါလား ဆိုပြီး စ နောက် ပြောမိကြတယ် ။ နောက်ထပ် "ဓားစာခံ " နာမည်တွေ နဲ့ ကျော်စွာ(ဆေး-၂) စာအုပ်တွေ ထပ်ထွက်လာခဲ့ရင် မိမိ မြှောက်ပေးတာ မဟုတ်ရပါ ???????? ။

အရင်စာအုပ်တွေ တုန်းက သူ့ ကိုယ်တွေ့တွေ ပဲ ရေးဆွဲလေ့ ရှိတဲ့ Guy Delisle ဟာ ဒီစာအုပ် မှာတော့ ထူးထူးခြားခြား သူတစ်ပါး အကြောင်း ကို ခံစား ရေးဖွဲ့ ထားတာပါ ။ 


ချေချင်းညာ အနောက်ဘက်က အင်ဂုရှေးတီးယား လို့ ခေါ်တဲ့ ရုရှားသမ္မတနိုင်ငံငယ်လေး ရဲ့ နာဇရန်မြို့မှာ အခြေစိုက်ထားတဲ့ (MSF ) မှာ စီမံဘဏ္ဍာ နဲ့ အုပ်ချုပ်ရေးပိုင်း မှာ တာဝန်ယူထားတဲ့ ခရစ္စတော့ ရဲ့ ကိုယ်တွေ့ ဖြစ်ရပ်မှန် ဇာတ်လမ်းပါ။

ခရစ္စတော့ အွန်ဒရေ ဟာ နယ်စည်းမခြား ဆရာဝန်များအဖွဲ့ (MSF ) မှာ အလုပ်လုပ်နေတုန်း ပြန်ပေးဆွဲ ခံခဲ့ရပါတယ် ။ ချေချင်း သူပုန်တွေက သူ့ကို ဒေါ်လာ တစ်သန်း နဲ့ ရွေးဖို့ တောင်းဆိုခြင်း ခံရပါတယ် ။ 

ဇာတ်လမ်း အစ က ..... ၁၉၉၇ ၊ ဇူလိုင်လ ၂ ရက်နေ့ မှာ ဝန်ထမ်းလစာ တွေ ထုတ်ပေးရမှာမို့ စောစော အိပ်ရာဝင်ပြီး အိပ်နေတာ ၊၊ မနက် မိုးမလင်းခင် အချိန်လေးမှာ သူ့ အိပ်ခန်းတံခါး ကို ဝုန်းခနဲ ဖွင့်ဝင်ပြီး "ငါတို့ ရဲတွေ ကွ" ဆိုပြီး အော်ဟစ် ဝင်လာတဲ့ လူတစ်စု ရဲ့ ဖမ်းဆီး ခေါ်ဆောင်သွားခြင်း ကို ခံလိုက်ရပါတယ် ။ 

သူ့ကို ဖမ်းထားခါစ တုန်းက သိပ်မကြာခင် ပြန်လွတ်မှာပါ ဆိုတဲ့ အတွေးနဲ့ သူ့ရဲ့ ဒုက္ခတွေကို သည်းခံ နေတဲ့ ခရစ္စတော့ ဟာ တစ်လ နေလဲ မလွတ် နှစ်လ နေလဲ မလွတ်သေးတဲ့ အခါ စိတ်ဓာတ်တွေကျ ၊ မျှော်လင့်ချက်တွေ ပျက်စီးလုနီးပါး ဖြစ်ရတယ် ။ သူ့ ရဲ့ အချိန်တွေ အလဟာသ ကုန်ဆုံးနေတာ ကို မေ့နိုင်ဖို့ သူကြိုက်ခဲ့တဲ့ စစ်ပွဲတွေ အကြောင်း ၊ စစ်ဗိုလ်ချုပ် တွေ အကြောင်း ပြန်လည် စဉ်းစားရင်း သူ့စိတ်ကို အပန်းဖြေရတယ် ။ နေ့စွဲတွေ ကိုလဲ မလွတ်ရအောင် သူ အမြဲ မှတ်သားနေရတယ် ။ 

သူ့ရဲ့ လက်တစ်ဖက် ကို အပူပေးစက် နဲ့ တွဲပြီး လက်ထိပ်ခတ်ထားတယ် ။ အစားအသောက် လာပေးချိန် ကလွဲပြီး သူ့အခန်း မှာ တစ်ယောက်တည်းပဲ ။ ပြတင်းပေါက် က ဝင်လာတဲ့ နေရောင်ခြည် ရွေ့နေတာ ကြည့်ပြီး အချိန်တွေ ကုန်ဆုံးသွားတာကို ကာတွန်းဆရာ ဆွဲထားတာ ခံစားလို့ ရလိုက်တယ် ။ မီးသီး လင်းသွားတာ ၊ မှိတ်သွားတာ ၊ နံရံ ပေါ်မှာ နေရဲ့ အရိပ် ရွေ့လျားသွားတာတွေ နဲ့ ခရစ္စတော့ ရဲ့ အချိန်တွေ ကုန်ဆုံးသွားတာကို သိလိုက်ရတယ် ။ 

ဒီစာအုပ် ဖတ်နေစဉ် အတွင်းမှာ ခရစ္စတော့ နဲ့ အတူ လိုက်ပြီး အထီးကျန်ခြင်းတွေ ၊ မျှော်လင့်ချက်မဲ့ခြင်းတွေ ၊ စိတ်အားတက်ကြွ လာတာတွေ ၊ ပြန်လည် ကျဆင်းသွားတဲ့ စိတ်အခြေအနေ တွေကို လိုက်ခံစားရင်း အဆုံးသတ် အထိ ရောက်သွားတယ် ။ 

၁၉၉၇ ဇူလိုင်လ ၂ ရက်နေ့ ကနေ အောက်တိုဘာ ၂၀ ရက်နေ့ အထိ အဖမ်းခံ နေရတဲ့ ခရစ္စတော့ ပြန်လည် လွတ်မြောက်လာပုံ က စိတ်ဝင်စား စရာပါပဲ ။ 

kyaw kyaw lwin(5:00,pm,18.6.2018)


Publisher Name: ငါတို့စာပေ

Publisher Address: Yangon Book Plaza သံစျေး ၅လွှာ ၁၇လမ်း ရန်ကုန်။ ဖုန်း - 09 73055543

Publisher Phone Number: 09 73055543


Related Books

Book Review Image

ကျွန်တော် သေဒဏ်ကျခဲ့ရသော (၁၇)လ (၁၇)ရက်

ဇော်သက်ထွေး
Book Review Image

နွေတစ်ညမှ အစပြု၍

အောင်ဒင်
Book Review Image

ရာဇဝင်ရှင်းတမ်း

ဝင်းနိုင်ဦး
Book Review Image

တင်မောင်မြင့်
Book Review Image

ဂျွိုင်းလန်း

လင်းခန့်
Book Review Image

နှင်းရည်တစက် အိပ်မက်တသက်

အောင်မိုးဝင်း