Book Image

အချစ်မှတ်တမ်း

တင်မောင်မြင့်

မူရင်းစာအုပ်အမည် - The Notebook
မူရင်းစာရေးဆရာ - Nicholas Sparks
ဘာသာပြန်စာအုပ်အမည် - အချစ်မှတ်တမ်း
ဘာသာပြန်စာရေးဆရာ - တင်မောင်မြင့်
အမျိုးအစား - အချစ်ဝတ္ထု
ထုတ်ဝေသည့်တိုက် - ကံ့ကော်ဝတ်ရည် #kkwybookreview
ထုတ်ဝေသည့်ကာလ - 2017 June
ထုတ်ဝေသည့်အကြိမ် - ပထမအကြိမ်
မျက်နှာဖုံးဒီဇိုင်း - ဘဌေးကြည်
တန်ဖိုး - ၂၂၀၀
စာမျက်နှာ - ၁၆၅


(၁) The Notebook မှ နှစ်သက်ရာ စကားလုံးများ
"ကျွန်တော့်မှာ နှလုံးသားနှင့်ရော ဝိဉာဉ်နှင့်ပါ နှစ်ပြီး ချစ်ခဲ့သည့် အချစ်မျိုးတော့ ရှိခဲ့သည်။ ကျွန်တော့်အတွက်တော့ ဒါနှင့်ပင် လုံလောက်နေပြီ၊ သေပျော်ပြီဟု ခံယူထားပါသည်။"
#Noah #The_Notebook 

"အချစ်ဟာ ကြယ်ကြွေသလို ရင်ထဲရောက်လာတာ။ လှိုင်းလုံးကြီးတွေလို အော်ဟစ်ပြီး ချက်ချင်းရောက်လာတာ။"
#Allie #The_Notebook

(၂) The Notebook ကို ဖတ်ပြီး တွေးမိသည့်အတွေး
ဒီ"အချစ်မှတ်တမ်း"စာအုပ်ဟာ အချစ်ဝတ္ထုရိုးရိုးလေးတစ်ပုဒ်ပါ။ ဖတ်နေရင်း ဘာကိုတွေးမိလဲဆို မြန်မာစာဖတ်သူတွေ ငြင်းနေကြတဲ့ အပျော်ဖတ်ကိစ္စဆိုတာကိုပါပဲ။ ဒီစာအုပ်မှာ လေရူးသုန်သုန်လို အမေရိကန်ပြည်တွင်းစစ်ကြီးမပါဘူး။ စစ်နှင့်ငြိမ်းချမ်းရေးလို ဇာတ်အိမ် မခမ်းနားဘူး။ ဝေးလွင့်ကင်းကွာ နှစ် ၁၀၀ လို မျိုးဆက်တွေ အများကြီးနဲ့ ဇာတ်ကောင်တွေအများကြီး မပါဘူး။ ဆိုရရင် ဒီစာအုပ်ဟာ ပေါ့ပေါ့ပါးပါးစာအုပ်ပါ။ ပေါ့ပျက်ပျက်စာအုပ်တော့ မဟုတ်ပါဘူး။ အပျော်ဖတ်တွေ မဖတ်သင့်ဘူး .. ကြီးကြီးကျယ်ကျယ်လျှောက်အော်နေမယ့်အစား ဒီစာအုပ်လို စာအုပ်မျိုးကို ဖတ်ရှုပြီး ခေတ်ပြိုင် တန်းမြင့်အချစ်ဇာတ်လမ်းတွေကို ကမ္ဘာကြည့် ကြည့်မြင်နိုင်ကြပါစေလို့ စိတ်ထဲက တွေးမိနေလေရဲ့။ 

(၃) The Notebook ဘာသာပြန်ဖတ်နေရင်း ဖျတ်ကနဲတွေးမိသည့် ကဗျာ 
"ငါကဗျာရေးမယ်
နင်ပန်းချီဆွဲပေါ့
ဆေးလိပ်ငွေ့တွေ တလူလူလွင့်လို့ ...."
#မယ်ယွေး ၏ ရှင်နှင့်ကျွန်မ ကဗျာစာအုပ်မှ

(၄) The Notebook ဇာတ်လမ်း
ငယ်ငယ်လေးကတည်းက မိခင်ဆုံးသွားတဲ့ တစ်ဦးတည်းသောသား နိုဝါ၊ ဖခင်နဲ့ပဲနေရင်း ကျောင်းစာထက် ကဗျာကို ပိုမြတ်နိုးသူ၊ သဘာဝကို ချစ်တဲ့ နိုဝါဟာ ချမ်းသာတဲ့ ကုန်သည်ကြီးရဲ့ သမီးချောလေး အယ်လီနဲ့ ဆုံပြီး သူတို့ချစ်ခဲ့ကြတယ်။ မိဘတွေ သဘောမတူတဲ့ သူတို့ဟာ ကွဲကွာခဲ့ပြီး ကိုယ်စီလမ်းဆက်လျှောက်ခဲ့ကြရာ ... နိုဝါက စစ်ထဲဝင်၊ ဝါက စစ်ထဲဝင်၊ စစ်ပြီးတော့ သူဌေးက သူမဆုံးခင် နိုဝါ မထင်မှတ်လောက်တဲ့ ငွေပမာဏကို အမွှေပေးခဲ့တယ်၊ နိုဝါဟာ အဲ့ဒီငွေနဲ့ နယူးဘန်းမြို့ပြင်က အိမ်ြက်ီးတစ်အိမ်ကို ဝယ်ပြီး ပြုပြင်ကာ တစ်ဦးတည်း နေထိုင်တယ်။ အဲ့ဒီအိမ်ကြီးဟာ သူနဲ့ အယ်လီငယ်ငယ်က ချစ်ခဲ့စဉ်က သူတို့ခိုးဝင်ခဲ့တဲ့ အိမ်အိုဟောင်းကြီး။ အိမ်ဟောင်းကြီးကို နိုဝါက သေချာပြုပြင်ကာနေထိုင်တဲ့ အကြောင်း သတင်းစာထဲမှာ ပါခဲ့တယ်။ အဲ့သတင်းစာကို အယ်လီဖတ်လိုက်ရတဲ့အချိန်မှာ အယ်လီဟာ ၂ဖက်မိဘ သဘောတူတဲ့ လင်းနဲ့ မင်္ဂလာဆောင်ဖို့ ၂ပတ်သာ လိုတော့ချိန်။ အယ်လီဟာ ငယ်ချစ်ကိုသတိရတဲ့စိတ်၊ ပြန်ဆုံချင်တဲ့စိတ်တစ်ခုနဲ့ စိတ်အပန်းဖြေပါရစေဆိုပြီး နယ်မြို့လေး နယူးဘန်းကို ပြန်လာခဲ့တယ်။ 
ပုံမှန်ရေးနေကြအညွှန်းတွေဆိုရင် ဒီနေရာမှာ ရပ်လိုက်လို့ရြပ်ီ။ နိုဝါ၊ အယ်လိ၊ လင်း ၃ ယောက် ... ဘယ်သူနဲ့ လက်ထပ်မလဲ။ အယ်လီဟာ ငယ်ချစ်ကို ရူးရူးမိုက်မိုက်လက်ထပ်မလား၊ အရာရာအဆင်ပြေမယ့် လင်းနဲ့ပဲ လက်ထပ်မလား၊ ဒီလောက်ဆို အညွှန်းကိုရပ်လိုက်လို့ရပြီ။ သို့သော်လည်း Nicholas Sparks ရဲ့ The Notebook ဟာ ဒီထက်မြင့်တဲ့ တဆင့်ဆီ ထပ်သွားတယ်။ တိုတိုပြောရင် အယ်လီဟာ အချစ်စစ်ကို နားလည်ခဲ့ပြီး နိုဝါနဲ့ လက်ထပ်လိုက်တယ်။ သားသမီး ၅ဦးမွေးပြီး ဘိုးဘိုးဘွားဘွားအရွယ်အထိ သူတို့အိမ်ထောင်ရေးဟာ ပျော်စရာတွေနဲ့ ဖြတ်သန်းခဲ့ကြတယ်။ သူတို့ရဲ့ သုခရိပ်မြုံလေးထဲ မထင်ပဲ ဝင်လာတဲ့ ကြမ္မာဆိုးကတော့ အယ်လီဟာ အယ်လ်ဇိုင်းမားရောဂါကို ရခဲ့တာပါပဲ။ မှတ်ဉာဏ်တဖြည်းဖြည်း တဖြည်းဖြည်း ဆိုးလာတဲ့ အယ်လီဟာ အကုန်မမေ့သွားခင် နိုဝါ့ကို စာတစ်စောင်ရေးပေးခဲ့တယ်။ သူအရာရာကို မေ့သွားခဲ့ရင် နိုဝါက မနက်မိုးလင်းက စ လို့ သူ့အနားမှာ သူနဲ့နိုဝါ့အကြောင်းရေးထားတဲ့ စာအုပ်လေးကို နေ့စဉ်ဖတ်ပြပါဆိုပြီး ... 
နိုဝါဟာ ဘဝရဲ့နောက်ဆုံးအချိန်တွေကို ခက်ခက်ခဲခဲဖြတ်သန်းရတယ်။ မနက်နိုးလာတဲ့ သူ့ရဲ့ဇနီးကို စာအုပ်ကို ဖတ်ပြတယ်။ ရောဂါခံစားနေရတဲ့ အယ်လီဟာ နိုဝါ့ကိုလည်း မမှတ်မိ၊ နိုဝါဖတ်ပြတာတွေ နားထောင်ပြီး သူသဘောကျရုံကျတဲ့နေ့ရှိသလို တချက်တလေ နိုဝါ့ကို မှတ်မိတဲ့နေ့လည်းရှိ၊ မှတ်မိနေရင်းမှ ချက်ချင်းပြန်မေ့ပြီး "ရှင်ဘယ်သူလဲ ... ကျွန်မ အနားက ခု ထွက်သွား" အော်လို့ နိုဝါ့မှာ မျက်ရည်ကျပြီး ဆုတ်ခွာရတဲ့နေ့တွေလည်းရှိခဲ့ပေါ့ ... 
နိုဝါတစ်ယောက် အယ်လီ့ကို ပြန်မှတ်မိအောင် စွမ်းဆောင်နိုင်မလား ... အယ်လီဟာ နိုဝါ့ကို တစ်သက်လုံး မေ့သွားတော့မလား ... 

(၅) The Notebook နှင့် မိမိအကြောင်း
ခုထိမှတ်မိနေဆဲ ... နောင်လည်း မှတ်မိနေမယ့် ည တစ်ညအကြောင်းကို ပြောချင်ပါသေးတယ်။ တိတိကျကျ ပြောရရင် ၂၀၁၂ ခုနှစ် အောက်တိုဘာလ ၁၅ ရက်နေ့ညသန်းခေါင်ကျော်၊ ၁၆ ရက်နေ့ မနက် ၁:၀၀ လောက်မှာ ကိုယ်တို့ဇနီးမောင်နှံ The Notebook ကို တူတူကြည့်ခဲ့တယ်။ လွန်ခဲ့တဲ့ ၅ နှစ်ကျော်က အဲ့ဒီညကို ဘာလို့ တိတိကျကျ မှတ်မိနေရလည်းဆို DVD ကြည့်ပြီး သိပ်မကြာခင် မနက် ၃ နာရီကျော် ဇနီးသည်က ဗိုက်နာပါတယ်ဆိုပြီး အဲ့မနက်ခင်း ဆေးရုံပြေးတင်၊ အဲ့နေ့ညနေမှာ သမီးလေးဂျူနိုဟာ ကျနော်တို့ဘဝထဲ ဝင်ခဲ့တာမို့ အရမ်းကို မှတ်မိနေတာပါပဲ။ မမွေးခင်ကတည်းက ဂျူနိူလို့ အမည်ပေးထားပြီးသားမဟုတ်ရင် အယ်လီလို့များ nick name ပေးမိမလားပါပဲ။ အဲ့ဒီလောက်အထိကို The Notebook ဟာ ကျနော်တို့ကို စွဲလန်းမြတ်နိုးစေခဲ့ပါတယ်။ 
Rating - 7.5/10
--------------------------------------
ဖတ်ညွှန်းရေးသူ - ဟေမာန်လှဝင်း @ မိုးသားလတ်
12.1.2018 (22:40)


Publisher Name: ကံကော်ဝတ်ရည်စာပေ

Publisher Address: အမှတ်-၂၂၊ မဟာဇေယျလမ်း၊ပုဇွန်ထောင်မြို့နယ်၊ ရန်ကုနမြို့။ ဖုန်း- 09250012348 ၊ 0931561418 ၊ 0973041137 email:kantkawwutyee@gmail.com http://kantkawwutyee.myanmaronlinesales.com

Publisher Phone Number: 09250012348 ၊ 0931561418 ၊ 0973041137


Related Books

Book Review Image

ဆယ့်တစ်မိနစ်

ဒီနိုဗို
Book Review Image

မေတ္တာများန့ဲ စိန်ပန်းနီနီ

တက္ကသိုလ်ဘုန်းနိုင် (၁၉၃၀ - ၂၀၀၂)
Book Review Image

သွေး

ဂျာနယ်ကျော်မမလေး
Book Review Image

ပွင့်

မလေးလုံ
Book Review Image

နေရူဒါ ရဲ့ ​နေရူဒါ

မောင်သာနိုး
Book Review Image

ဆူးပန်းခွေ သွယ်ဘယက်နှင့် ပေရွက်လိပ်နားတောင်းဆင်

ခင်ခင်ထူး
Book Review Image

သူမင်​းကို ဘယ်​​တော့မှ

ဂျူး
Book Review Image

ဂူတဂူထဲ ခြငေ်္သ့ နှစ်ကောင်

မောင်သာရ