မူရင်းစာရေးဆရာ - Paulo Coelho

ဘာသာပြန်စာအုပ်အမည် - ဆယ့်တစ်မိနစ်

ဘာသာပြန် စာ​ရေးဆရာ - ဒီနိုဗို

အမျိုးအစား - ဝတၳုရှည် 

ထုတ်​ဝေသည်​့တိုက်​ - ကံ့ကော်ဝတ်ရည် #kkwy

ထုတ်​ဝေသည်​့အကြိမ် - ပထမ

ထုတ်​ဝေသည်​့ကာလ - ၂၀၁၇ နိုဝင်ဘာ

မျက်​နှာဖုံးဒီဇိုင်​း - ကိုကိုနိုင်

စာမျက်​နှာ - ၃၀၁

တန်​ဖိုး - ၄၂၀၀

"တစ်ရံရောအခါက မာရီယာလို့ ခေါ်တ့ဲ ပြည့်တန်ဆာတစ်ယောက် ရှိခ့ဲတယ်" ဆိုတ့ဲ စာကြောင်းနဲ့ စ ဖွင့်ထားတ့ဲ ၁၁ မိနစ်ဟာ ကျနော်ဖတ်ဖူးတ့ဲ Paulo Coelho ရဲ့ ၃အုပ်မြောက် စာအုပ်ပါ။ ပထမဆုံး The Alchemist ကို မိုးသက်ဟန် ဘာသာပြန်ထားတ့ဲ သိုးကျောင်းသားရဲ့ အနတ္တလွင်ပြင် နဲ့ ဒုတိယမြောက်တစ်အုပ်က The Devil & Miss Prym ကို ဒေါက်တာခင်မောင်ညို ဘာသာပြန်တ့ဲ မိစာၦနှင့် မစ္စပရမ်းပါ။ သိုးကျောင်းသားရော မိစာၦရောက ဒီစာအုပ် ၁၁ မိနစ်နဲ့ ယှဉ်ရင် အတော့်ကို ရိုးရှင်းတ့ဲ စာအုပ်တွေ ဖြစ်ကုန်တယ်လို့ မြင်မိတယ်။ (အ့ဲဒီ ၂ အုပ်လုံးကို ကျနော် review ရေးခ့ဲပြီိးပါပြီ။)

Paulo Coelho ရဲ့ ဒီစာအုပ်နဲ့ ပက်သက်တ့ဲ အရေးအသားတစ်ခုမှာ ၁၁ မိနစ်ဟာ ပြင်ပလောကက အမျိုးသမီးတစ်ဦးရဲ့ အတၳုပ္ပတ္တိစစ်စစ်ကြီး မဟုတ်ပေမယ့် အမျိုးသမီးတစ်ဦးရဲ့ ကိုယ်တိုင်ရေးစာမူကို ဖတ်ပြီး သူစိတ်ဝင်တစားနဲ့ ပြည့်တန်ဆာတစ်ဦးရဲ့ အကြောင်းကို မေးမြန်းပြီးမှ ရေးထားတယ်လို့ ဖတ်ရပါတယ်။ ၁၁ မိနစ်ကို ရေးဖြစ်တ့ဲအကြောင်းကိုလည်း Paulo Coelho က ဒီလိုရေးထားပါတယ်။

"ကျနော့်ဘဝမှာ လိင်ကိစ္စကို ဆန့်ကျင်ကွဲလွဲတ့ဲ နည်းအမျိုးမျိုးနဲ့ တွေ့ကြုံခ့ဲဖူးတယ်။ ကျနော်မွေးလာတ့ဲခေတ်က ရှေးရိုးစွဲခေတ်၊ ဗိုင်းကောင်းကျောက်ဖိ မိန်းကလေးတစ်ယောက်အဖို့ အပျိုစစ်ဖို့ မဖြစ်မနေ လိုအပ်တယ်။ ကျနော်တို့ခေတ်မှာ ကိုယ်ဝန်တားဆေးတွေ၊ ပဋိဇီဝဆေးတွေ ပေါ်ပေါက်လာခ့ဲတယ်။ ဒီနှစ်မျိုးက နောက်ပိုင်း ပေါ်ပေါက်လာတ့ဲ လိင်ပိုင်းဆိုင်ရာ တော်လှန်ရေးနဲ့ ခွဲခြားမရ။ ကျနော်လည်း ဟစ်ပီခေတ်ထဲ ပျော်ပျော်ကြီး ခုန်ချခ့ဲတယ်။ ကျနော်တို့တွေ အခြားအစွန်းတစ်ဖက်အထိ သွားကာ ရော့ခ်ဂီတပွဲတွေမှာ လွတ်လွတ်လပ်လပ် ချစ်ကြသည်အထိ ဖြစ်ခ့ဲကြတယ်။

ကိုယ့်ဘဝကို ထင်ဟပ်ဖို့က စာရေးဆရာတစ်ယောက်ရဲ့ တာဝန် တစ်စိတ်တစ်ပိုင်းပါပဲ။ ကျနော်လည်း လိင်ကိစ္စနဲ့ ပက်သက်ပြီး စာအုပ်တစ်အုပ်လောက် ရေးသားဖို့ အရင်ဆုံး စဉ်းစားတယ်။ ကျနော်အမျိုးမျိုးရေးကြည့်တယ်။ မအောင်မြင်ဘူး။ ဒီပြည့်တန်ဆာနဲ့ တွေ့ပြီးမှပဲ ဒီဝတၳုရဲ့ ဆက်စပ်နေတ့ဲ အရာတွေ အကုန်လုံးကို ရလိုက်တယ်။ ပြီးတော့ ကြီိးမြတ်တ့ဲ လိင်ကိစ္စအကြောင်းရေးသားဖို့ရာ (နားလည်လက်ခံထားတာတွေ) အားလုံး မှားယွင်းနေမလားဆိုတ့ဲ စိုးရွံ့မှုနဲ့ စမှ ဖြစ်မယ်ဆိုတာ သဘောပေါက်ခ့ဲတယ်။"

ဝတၳုဇာတ်ကြောက မာရီယာလို့ အမည်ရတ့ဲ ဘရာဇီးကူန်းတွင်းပိုင်း မြို့လေးတစ်မြို့က မိန်းမလှလေးတစ်ယောက်အကြောင်းပေါ့။ ငယ်စဉ်က အိပ်မက်တွေနဲ့ ရှင်သန်ခ့ဲတ့ဲ သူမဟာ အရွယ်ရောက်လာစဉ်မှာတော့ သူမရဲ့ဘဝကို စ တင်သိရှိခ့ဲပါတယ်။ ကမ္ဘာမှာ ထင်ရှားတ့ဲ ရီယိုဒီ ဂျနေရိုးကို သူမဟာ ရှိစုမ့ဲစုလေးစုကာ ရည်ရွယ်ချက်တစ်ခုနဲ့ ရောက်ခ့ဲရင်း သူမရဲ့ ဘဝဟာ ပြောင်းလဲခ့ဲတယ်။ ရီယိုမှာ သူမဟာ ဆွစ်ကြီးတစ်ယောက်နဲ့ ဆုံပြီး ဆွစ်ကြီးပိုင်တ့ဲ ကလပ်မှာ ဆမ်ဘာအကမယ်အဖြစ် အလုပ်လုပ်ဖို့ ဂျီနီဗာကို ရောက်ခ့ဲတာပေါ့။ အကမယ်လှလှလေးတွေကို စည်းကမ်းမျိုးစုံထုတ်ထားတ့ဲ ကလပ်မှာ မာရီယာဟာ ရည်းစားခိုးထားပြီး လျှောက်ဒိုးတာ အလုပ်က ချက်ချင်းအထုတ်ခံရပါရောလား။ တတ်သလောက် မှတ်သလောက်လေးနဲ့ အလုပ်ထုတ်ခံရတာကို ပြန်ပြီး ဖြေရှင်းတော့ လျော်ကြေးတွေရ၊ ရတ့ဲလျော်ကြေးနဲ့ ဘရာဇီးမပြန်သေးပဲ မော်ဒယ်လောကထဲ တိုးဝင်ဖို့ လုပ်ရာက ငွေပြတ်ခါနီး အာရပ်ကြီးတစ်ယောက်က မော်ဒယ်ဂဲလ်ငှားမလိုနဲ့ သူမရဲ့ ဘဝကို ဖရန့်တစ်ထောင်နဲ့ တစ်ည ဝယ်သွားပါတော့တယ်။ အလွယ်ပြောရရင် ဂျီနီဗာက ဈေးအမြင့်ဆုံး ပြည့်တန်ဆာလောကထဲ မာရီိယာ အလွယ်တကူရောက်သွားခ့ဲတယ်။ မာရီယာမှာ အ့ဲဒ်ီိလောကကို ရောက်ခ့ဲရတာ ရည်ရွယ်ချက်တစ်ခုပဲရှိတယ်။ ဘရာဇီးကိုပြန်ရင် အ့ဲဒီမှာ ခြံတစ်ခြံနဲ့ အိမ်ကောင်းကောင်းဆောက်ပြီး နေနိုင်ဖို့ ငွေလိုတာ အတွက်။ 

ဥရောပတိုက် ဂျီနီဗာက အထက်တန်းစားပြည့်တန်ဆာလောကကို Paulo Coelho က အပီအပြင်ရေးထားနိုင်တယ်။ မာရီယာကို ဦးတည်ပြီး စာရေးဆရာက ရေးထားတ့ဲ သူ့ရဲ့ ဒဿနတွေကိုလည်း အများကြီး ဖတ်ရတယ်။ အမျိုးသမိီးတွေ ဖတ်သင့်တ့ဲ စာအုပ်တစ်အုပ်ပါ။ ပေါင်ကို ကားပေးထားလိုက်ရင် အချိန်တန် ပိုက်ဆံအများကြီးရတယ်ဆိုတ့ဲ မာရီယာလေးဟာ ဂျီနီဗာမှာ လူချောလူလှ သူဌေး၊ အိမ်ထောင်ကွဲ ပန်းချီဆရာတစ်ဦးကို ချစ်ခ့ဲမိတ့ဲ အခါ သူမရဲ့ အိပ်မက်တွေ အပျက်ခံသလား၊ အိပ်မက်တွေ အတိုင်း ဆက်ဖြစ်မှာလား။ 

ဒီစာအုပ်မှာ လိင်ခန်းတွေ ပါပါတယ်။ ဒါပေမယ့် လိင်စိတ်တက်ကြွအောင် ရေးတ့ဲ အရေးအသား မပါပါဘူး။ အပေါ်မှာရေးထားသလို ကြီးမြတ်တ့ဲလိင်ကိစ္စဆိုတာကို စာဖတ်သူ နားလည်အောင် စာရေးဆရာက အားထုတ်ထားပါတယ်။ ကျနော်တို့ ကြားဖူးနေကြ စကားရှိပါတယ်။ "ချစ်ခြင်းရဲ့အနုပညာ"ဆိုတာပါ .... ကျနော်ကတော့ ဒီစာအုပ်မှာ Paulo Coelho က "လိင်ဆက်ဆံခြင်းရဲ့ အနုပညာ"ကို ရေးပြထားတယ်လို့ ဆိုချင်ပါတယ်။ 

မူရင်းစာရေးဆရာရဲ့ စကားလုံးကြယ်ဝစွာရေးထားမှုကို ဘာသာပြန်သူ ဒီနိုဗိုအတော်လိုက်ကြိုးစား ဘာသာပြန်ထားတ့ဲ အားထုတ်မှုကို ဖတ်ရင်းနဲ့ကို မြင်ရပါတယ်။ ဒီစာအုပ်ဟာ အချစ်ဇာတ်လမ်းလေးပါပေမယ့် ပေါ့ပျက်ပျက် အချစ်ဇာတ်လမ်း စာအုပ်မဟုတ်ပါဘူး။ လိင်ခန်းတွေပါပေမယ့် အပြာစာအုပ် မဟုတ်ပါဘူး။ အတွေးအခေါ်တွေပါပေမယ့် တက်ကျမ်းလည်း မဟုတ်ပါဘူး။ လိင်ဆက်ဆံခြင်းရဲ့ အနုပညာကို အလှပဆုံးရေးပြနို်ုင်တ့ဲ စာအုပ်တစ်အုပ်ပဲ ဖြစ်ပါတယ်။ 

Rating -7/10

------------------- 

Review by ကိုဟေမာန်လှဝင်း@ မိုးသားလတ် 

၈.၄.၂၀၁၈ (၁:၃၆)

စာအုပ်အကြောင်း 

တောင်ပြောမြောက်ပြောလေး ပြောချင်လို့ပါ

အညွွန်းမဟုတ်ဘဲ ကိုယ်ထင်တာကိုယ်ပြောတာပါ

Paulo Coelho ရဲ့ Eleven minutes ဆရာဒီနိုဗိုရဲ့ဘာသာပြန်လက်ရာ

ဘရာဇီးသူကောင်မလေး မာရီယာ

ဆွစ်ဘဲကြီးတစ်ယောက်နှင့်တွေ့ပြီး မော်ဒယ်လုပ်ဖို့

စာချုပ်စာတမ်းနှှင့်ကမ်းလှမ်းလာတဲ့အခါ မိသားစုကိုထားခဲ့ပြီး အိပ်မက်တပုံကြီးနှင့်လိုက်သွားခဲ့

တကယ်တမ်း အကမယ်အဖြစ် ရုန်းကန်ရ

ထင်ထားသလိုမဟုတ် … 

ဒါပေမယ့် မာရီယာ စိတ်ဓါတ်မကျ … 

သူ့ဘဝကိုပြင်ဆင်ဖို့ လမ်းရှာ … 

အရင်ဆုံး ပြင်သစ်စကားတတ်အောင်သင်တယ် 

ငွေစုတယ် … ဘရာဇီးက သူငယ်ချင်းတွေ မိသားစုတွေက သူမကိုမျေှာ်လင့်ထားတာနှင့် အကွာကြီးဖြစ်နေတဲ့ ဘဝ … ရွုံးနိမ့်မွုတွေနှင့်တော့ မာရီယာမပြန်ချင် … ဘဝဆိုတာ စွန့်စားနေရမှ

နိုက်ကလပ်မှာ ပြည့်တန်ဆာဘဝကိုရောက်ခဲ့ချိန်

မာရီယာ ဒိုင်ယာရီနေ့တိုင်းရေးတယ်

ကိုယ့်ကိုယ်ကိုယ် ပြန်ပြောခဲ့တယ်

ဒီဘဝကိုရွေးချယ်ခဲ့တဲ့ မိန်းကလေးတွေမှာ 

Yes or No ရွေးချယ်ခွင့်ရှိခဲ့တယ် မိသားစုအတွက် ဘာအတွက် ညာအတွက်ဆိုတဲ့ ဆင်ခြေဟာ အလကားဆင်ခြေပဲဆိုတဲ့ အတွေးမျိူး 

သူမ တွေးတယ် … စတင်ခဲ့တဲ့အချိန်ရှိရင် ရပ်တန့်ရမယ့်အချိန်ဆိုတာရှိမှာပဲ … 

မာရီယာ့ဘဝမှာ ဆက်ရောထွေးလာတာက ချစ်ခြင်းမေတ္တာနှင့် sex

ဖောက်သည်တွေတချို့က sex ကြောင့် လာတာမဟုတ်ဘဲ သူမနှင့် စကားပြောချင်လို့သက်သက် လာခဲ့ကြတာ … 

ဒီဘဝထဲက ရုန်းထွက်ဖို့ လက်ထပ်ခွင့်တောင်းသူတွေကလည်း ရှိတယ်

မာရီယာ သိတယ်

သူ့ဖောက်သည်တွေက ရာထူးကြီးကြီးတွေ ဘော့စ်တွေ သူတို့ရဲ့ စိတ်ဖိစီးမွုက မိသားစုကိုပြောလို့မရ မိန်းမကိုလည်းမပြောနိုင် အလုပ်နှင့်ပတ်သက်ပြီး ယုံကြည်ရမယ့်သူက မရှိ ဒီလိုလူတွေ … 

ဘဝတူတွေထဲမှာ မာရီယာ နာမည်ကြီးလာရခြင်း အကြောင်းရင်းတစ်ခုက သူ့ဖောက်သည်တွေနှင့် စကားပြောနိုင်ဖို့ စာကြည့်တိုက်သွားပြီး စာအုပ်ငှားဖတ်တာပဲ … 

စိတ်ပညာစာအုပ်ဖတ်တယ် စိုက်ပျိူးမွေးမြူရေးစာအုပ်တွေ 

managment စာအုပ်တွေ ဖတ်တယ်

sex ပညာပေးစာအုပ်တွေဖတ်တယ် 

စာအုပ်တွေကနေတဆင့် 

သူ့ဘဝကို သူထိန်းကျောင်းခဲ့တယ် 

ဒါကြောင့်လည်း ဘယ်အချိန်ဟာ ရပ်ဖို့သင့်တော်လဲ သိခဲ့တယ်လို့ ထင်မိတယ်

sadism ဇာတ်ကောင်ကိုလည်း ထည့်သွင်းထားတယ်

sadism ရဲ့ အဓိပ္ပါယ်ကိုတော့ 50 shades of grey ကြည့်ဖူးရင် နားလည်ကြမယ်ထင်တယ်

မာရီယာ့အတွက် sex ကိစ္စက 11mins ထက် ပိုသာယာစရာမရှိ

ယောကျ်ားနှင့်မိန်းမကြားမှာ ဒီ့ထက်ပိုတဲ့ နက်နဲတဲ့ခံစားမွု အချစ် အချစ် ရှိမှ ဖြစ်မှာ … 

မာရီယာက အချစ်ကို မယုံဘူး 

sex ကိုလည်း မယုံဘူး 

sadism နှင့်ကြုံခဲ့ စွဲလမ်းခဲ့ပေမယ့် ဒါကလည်း အဖြေမဟုတ်ဘူး … 

ကော်ဖီဆိုင်ထိုင်ရင်း စာအုပ်ကိုင်ရင်း ဆန်တီယေဂိုလမ်းမကြီးကို ငေးမောနေတဲ့ မာရီယာ

အိပ်မက်တွေကို မြင်ကြည့်နေတဲ့ သူမပုံရိပ်ကို ပန်းချီဆရာ ပုံဆွဲခွင့်တောင်းလိုက်တဲ့အခါ … 

ပန်းချီဆိုတာ ပုံရိပ်တစ်ခုသက်သက်မဟုတ်ဘဲ

အများကြီးပိုခံစားလို့ရကြောင်း

အချစ်အကြောင်း

ချစ်ခြင်းနှင့် ပေးဆပ်ချင်တဲ့ အရွုံးပေးချင်တဲ့ သူမကိုသူမ နားမလည်ခဲ့နိုင်အောင် …… ပျော်ရွွင်ခဲ့ရပါတော့တယ် …… 

ချစ်ခြင်းမေတ္တာနှင့် လိင်မွုကိစ္စကို ယှက်နွယ်ပြီး ရေးသွားတဲ့ ပေါလိုကွေလိုရဲ့အတွေး… 

ဒီစာအုပ်ကိုတော့ under 18 တွေ ဖတ်ဖို့စောတယ်လို့ပဲ ယူဆမိပေမယ့်

လတ်တလော 3 in 1 ကိစ္စကို မြင်တော့ … 

လိင်မွုပညာပေးဖို့ 

ph ပေးသုံးတဲ့မိဘတွေအနေနှင့် စောင့်ကြည့်ဆင်ခြင်ကြဖို့ … တော်တော်လိုနေတယ်ထင်တယ်

မာရီယာ့ကိုကြွေတာက သူ့ဘဝကို ကောင်းကောင်းထိန်းကျောင်းသွားနိုင်တာ

ပြောခဲ့သလိုပါပဲ စာအုပ်ထဲက ကဗျာလေးလို ရပ်တန့်ရမယ့်အချိန်ကို သူမ သိခဲ့တယ် . 

ပန်းချီဆရာလေးက လိုက်လာ 

Paris မှာတွေ့တဲ့အခန်းလေးကို အကြိုက်ဆုံးပါပဲ <3 

ရိုတယ် 

ရုပ်ရှင်ရိုက်ရင်ကြည့်ချင်မိတယ် … 

#maythuhtunmyint