တကွဲတပြား
ဒီနိုဗို
မူရင်း - Things fall apart
Novel by Chinua Achebe
တကွဲတပြား
ဒီနိုဗို
၃၅၀၀ကျပ်
စာ ၂၃၂
ပကြိမ် ၂၀၁၇ စက်တင်ဘာလ
WiT Publication
အဖုံး - ငုအိမ်ထက်မြက်
စောင့်လေမျိုးနွယ်
""""""""""""""""""
နိုင်ဂျီးရီးယန်းစာရေးဆရာ ချင်နူအာ အာချေဘီ၏ Things fall apart ကို ဒီနိုဗိုဘာသာပြန်ထားသည့် တကွဲတပြားကို ဖတ်ဖြစ်ပါသည်။
အထူးအားဖြင့် "အိုခမ်းကို" Okonkwo ကိုလည်း စာနာနားလည်မိပါသည်။
အာချေဘီက အိုခမ်းကိုအား ပမာထားကာ မီးတောက်ပြီးရင် ပြာအဖြစ်ကျန်ရစ်သည်လို့ မီးမောင်းထိုးပြပါသည်။
သားဖြစ်သူ "ဝိုးရေ" Nwoye က အစဉ်အလာတွေကို စွန့်လွှတ်ပြီး ဘာသာပြောင်းသွားရာ အိုခမ်းကိုမှာ ဒေါသအမျက်ချောင်းချောင်းထွက်ခဲ့ရပါသည်။
ဒါမျိုးဖြစ်ရင် ဘယ်ဖအေမဆို ဒေါသမထွက်ဘဲ နေလိမ့်မည်မဟုတ်ပါ။
ဝိုးရေအား သူ့လို စောင့်လေမျိုးနွယ်ဆိုသည့်အတိုင်း အမျိုးဘာသာသာသနာကို စောင့်ရှောက်ထိန်းသိမ်းနိုင်စွမ်းရှိသည့် သားကောင်းတစ်ယောက်ဖြစ်ဖို့ရာ အိုခမ်းကိုတစ်ယောက် အမျှော်လင့်ကြီး မျှော်လင့်ထားခဲ့တာဖြစ်ပါသည်။
ကျွန်တော်တို့က အိုခမ်းကိုရဲ့ ဒေါသကိုသာ ထင်းထင်းပြတ်ပြတ် မြင်ခွင့်ရလိုက်ပါသည်။
ဝိုးရေ၏
စိတ်ဓာတ်ပျော့ညံ့မှု
တံလျှပ်ရေထင်ကာ အပျော်အပါးတပ်မက်မှု
အစဉ်အလာကိုဖီလာဆန့်ကျင်မှု
အမျိုးဘာသာအပေါ် အလေးမထားမှု
ဖခင်ကိုအာခံလိုမှုတို့မှာ
တကယ်အရှိဖြစ်သော်ငြားလည်း သေးမှုန်ဝေဝါးနေပါသည်။
ဘာသာခြားတွေ ထိုးဖောက်ဝင်ရောက်ပြီး နေရာလာယူတာကိုလည်း အိုခမ်းကိုအနေဖြင့် သဘောထားကြီးနိုင်မည် မထင်ပါ။
နှစ်ပေါင်းများစွာတိုင် ခိုင်ခိုင်မာမာ အေးအေးချမ်းချမ်း နေထိုင်နိုင်စွမ်းရှိခဲ့သည့် မိမိတို့၏ "အိုဘီ"obi မျိုးနွယ်စုအတွင်း အေးချမ်းတည်ငြိမ်မှု ပျက်ပြားအောင် လာရောက်လုပ်ဆောင်နေကြသည့် ကိုလိုနီဘာသာခြား လူမျိုးခြားတွေကို အိုခမ်းကိုအနေဖြင့် နှစ်ခြိုက်လိုလားနေစရာ အကြောင်းမရှိပါ။
ဒါတွေအပေါ် တုန့်ပြန်လုပ်ဆောင်ဖို့ ခုခံတိုက်ဖျက်ဖို့ အိုခမ်းကိုမှာ အခွင့်အရေးအပြည့်အဝရှိပါသည်။
အလုံးစုံ ပျက်ပျက်ပြုန်း ပျက်သုဉ်းလောင်မြိုက်ပြီး ပြာကျသွားတဲ့အခါကျမှ အိုခမ်းကိုရဲ့ ဒေါသကြောင့်လို့တော့ အမည်နာမတပ်ပြီး လက်ညှိုးထိုးမိရင် မတရားရာ ရောက်ပါသည်။
ပျက်စီးကြောင်းတရားထဲမှာ ထိပ်တန်းက နေရာယူထားသည့် "ဒေါသ" ဖြစ်အောင် ဆွပေးသည့် အကြောင်းတရားတွေက အများကြီးမဟုတ်ပါလား။
ဖတ်ညွှန်း - Aung Aung Htwe
Publisher Name: WiT Publication
Publisher Address: 09254020387
Publisher Phone Number: 09254020387
