မြင့်သန်း

၂၀၁၅၊ ဇန်နဝါရီ၊ ပထမအကြိမ်

စောင်ရေ - ၅၀၀

၈၀၀ ကျပ်

မုံရွေးစာပေ

01 297072, 01 527656

ဆိုလိုသည်မှာ Purple Nose ကို ခရမ်းရောင်နှုတ်ခေါင်းဟု ပြန်သော် စကားလုံး/စာလုံးကို လုံးချင်း ဘာသာပြန်သည့်အနေဖြင့် (အဘိဓာန်လာ အနက်အရ) မမှားတန်ရာသော်လည်း အဓိပ္ပာယ် တစ်စုံတစ်ရာ ရှိမလာပါ။ အထူးသဖြင့် မြန်မာတို့၏ ဘာသာစကားအဝန်းအတွင်း ခရမ်းရောင်နှာခေါင်းသည် ဘက်ကက်၏ ဆိုလိုရင်းတစ်ခုအဖြစ် အနက်ပေါ်မလာ။ ဆိုလိုရင်းမှာ ဒေါသထွက်ခြင်း၊ စိတ်နောက် ကိုယ်ပါ လုပ်ဆောင်နေရခြင်းသာ ဖြစ်ပါသည်။ 

အလားတူပင် Blackball ဟူသော စကားလုံးကို လုံးချင်းအနက်ဖော်သည့်အနေဖြင့် ဘောလုံးအနက်ဟု ပြန်လိုက ပြန်နိုင်သော်လည်း ဤအရေးအသားတွင် ဘက်ကက်က to vote against ကိုပင် မဆိုလို။ Ostracise သဘောကို ဆိုလိုသည်သာ ဖြစ်သည်။

- စာမျက်နှာ ၂၃၊ ၂၄ မှ

•••••••

တစ်ချိန်တည်းမှာပင် Old PMS ဟူသော အသုံးအနှုန်းကို ကြည့်စေလိုပါသည်။ PMS မှာ Premenstrual Syndrome ဖြစ်ပြီး မြန်မာတို့၏ ဘာသာစကားအရသော် အမျိုးသမီးများ ဓမ္မတာမလာမီ ဖြစ်လေ့ဖြစ်ထရှိသော ဝေဒနာများဟု ခပ်လွယ်လွယ် ဆိုနိုင်ပါသည်။ သို့ရာတွင် ဘက်ကက်ဆိုလိုခဲ့သည်မှာ (ဘီယင်ကာအား ညွှန်းသည့်အနေဖြင့်) အပျိုကြီးဟု ဆိုလိုခြင်းသာ ဖြစ်ပါသည်။

- စာမျက်နှာ ၂၅ မှ

•••••••

ဘက်ကက်အား မော်ဒန်၊ ပို့စ်မော်ဒန် ပရဝုဏ်အတွင်း အတင်း ဆွဲသွင်းနေကြသော်လည်း သူ၏အရေးအသားများသည် အစဉ်အလာမှ လမ်းခွဲကာ ဖောင်းပွနေသည့် စကားလုံးများဖြင့် တည်ဆောက်ခဲ့သည်မဟုတ်။ အထူးသဖြင့် ပြဇာတ်များတွင် နေ့စဉ်သုံး ဘာသာစကားများဖြင့် တည်ဆောက်ခဲ့သည်သာ များခဲ့သည်။ အလားတူပင် စာကြောင်းများ တည်ဆောက်ရာတွင်လည်း နေ့စဉ်သုံး ဝါကျများဖြင့် အနက်ရင်း မထွေပြားစေရန် ရေးသားတည်ဆောက်ခဲ့သည်။ မြန်မာဘာသာသို့ ပြန်ဆိုလိုက်သော အရေးအသားကို ဖတ်ရုံမျှဖြင့် ဘက်ကက်၏ဆိုလိုရင်းအနက် ပေါ်နိုင်၊ မပေါ်နိုင် ကျွန်တော် အာမ မခံနိုင်။ သို့ရာတွင် မြည်းစမ်းကြည့်နိုင်ရန် ဘာသာပြန်ရခြင်းသာ ဖြစ်ပါသည်။

- စာမျက်နှာ ၂၅ မှ

•••••••

ဒီစာအုပ်ထဲမှာ 

- Krapp's Last Tape 

- Ohio Impromptu 

- Catastrophe 

ဆိုတဲ့ ပြဇာတ်တို သုံးပုဒ်ကို ဖတ်ရှုရပါလိမ့်မယ်။

#လူသာမန်

30.4.2018; 6:24 pm