ဘ၀ဟူသည်
နတ်နွယ်
စာအုပ်အမည်-ဘ၀ဟူသည်
ဘာသာပြန်သူ- နတ်နွယ်
မူရင်းစာအုပ်အမည်- My Life
မူရင်းစာရေးဆရာ- Anton Chekhov
စာမျက်နှာ- ၂၀၁ မျက်နှာ
တန်ဖိုး- ၂၅၀၀ ကျပ်
ထုတ်ေ၀သည့်တိုက်- စိတ်ကူးချိုချို စာပေ
၂၀၁၅၊ နို၀င်ဘာလ၊ ပြန်လည်ရိုက်နှိပ်ခြင်း
၁၉၉၁ ဘ၀တက္ကသိုလ်၏ ပထမအကြိမ်မူ၊ အုပ်ရေ ၅၀၀
ဒီစာအုပ်ကို ဖတ်ပြီးတော့ ကျွန်တော် တွေးမိတာက
" လူတွေဟာ လက်လုပ်လက်စားတွေ အလုပ်ကြမ်းသမားတွေကို အထင်သေးတတ်ကြတယ်။နောက်ပြီး
အဲ့ဒီလို အလုပ်မျိုးတွေကိုလည်း နှာခေါင်းရှုံ့ချင်ကြတယ်။
ဥပမာ ဆိုက်က္ကားနင်းရတာတို့ ပန်းရံလုပ်ရတာတို့ လက်သမားတို့
နောက် တောင်ယာအလုပ်တို့ စသဖြင့်ပေါ့။အဲ့ဒီလို ခံစားချက်မျိုးကို ဒီနေ့ခေတ် လူငယ်တွေမှာတောင် တွေ့ရမယ်
ထင်တာပဲ။ ဒီခံစားချက်မျိုးဟာ ကောင်းသလားပေါ့။
လူကြီးမိဘ အုပ်ထိန်းသူ တို့ဟာ သူတို့ရဲ့သားသမီးတွေပင်ပင်ပန်းပန်း ဆင်းဆင်းရဲရဲ လုပ်စားရတာကို မမြင်ချင်
ကြဘူးလေ။ ဟုတ်ပါတယ်။ ဒါဟာ သူတို့ရဲ့ စိတ်ခံစားချက်၊ စိတ်စေတနာပေါ့။ အဲ့ဒီစိတ်ခံစားချက်အလိုအရ သူတို့ရဲ့သားသမီးတွေကို ပညာတတ်တွေ ဖြစ်အောင်(ပညာတတ်ရင် ပင်ပင်ပန်းပန်း မလုပ်ရဘူးလေ-လူကြီးတွေရဲ့ဆန္ဒ)ငယ်ငယ်ကတည်းက အတန်းပညာတွေ ထားပေးခဲ့တယ်။
အတန်းပညာ သင်စေခဲ့တယ်။အတန်းတွေ အဆင့်ဆင့်ဖြတ်သန်းပြီး ဒီဂရီ တက္ကသိုလ်တွေထိ ရောက်သွားကြတယ်။နောက်တော့ ဘွဲ့တွေရကြပြီး ပညာတတ်ကြီးတွေ ဖြစ်သွားကြတာပေါ့။
ဒါပေမယ့် အရမ်း၀မ်းနည်းစရာကောင်းတာက
ကျွန်တော်တို့ရင်ထဲမှာ တဆတဆ ကိန်းအောင်းလာနေတဲ့အရာ။ ငါတို့ဟာ ပညာတတ်တွေ ပညာတတ်တွေ
ပညာတတ်တွေ။ အလုပ်ကြမ်းဟာ ငါတို့နဲ့ မဆိုင်ဘူး။
အလုပ်ကြမ်းဟာ ငါတို့အတွက်မဟုတ်ဘူး။
ငါတို့ဟာ အလုပ်ကြမ်းတွေ လုပ်စရာမလိုဘူး။
နောက်ဆုံးတော့ ကျွန်တော်တို့ဟာ အလုပ်ကြမ်းကို
လုံးလုံးလျားလျား ရှုံ့ချပစ်လိုက်ကြတယ်။
အလုပ်ကြမ်းလုပ်နေရသူတွေကိုလည်း မလေးစားချင်တော့ဘူး။ အလုပ်ကြမ်း လုပ်နေရသူတွေကို လူရာမသွင်းချင်ကြတော့ဘူး " ။
" တကယ်တော့ ကျွန်တော်တို့်ကို ပညာသင်ကြားစေခဲ့တဲ့ လူကြီးတွေရဲ့ရည်ရွယ်ချက်ကတောင် အလုပ်ကြမ်းကို ရှက်ဖို့၊ အလုပ်ကြမ်းကို ရှုံ့ချဖို့၊ အလုပ်ကြမ်းလုပ်နေရသူတွေကို အထင်အမြင်သေးဖို့ ဆိုတဲ့ ရည်ရွယ်ချက်နဲ့မှ
မဟုတ်ဘဲဗျာ။ အခြေအနေ အကြောင်းအမျိုးမျိုးကြောင့်
အတန်းပညာရှိသူပဲ ဖြစ်ဖြစ် အတန်းပညာမရှိတဲ့သူပဲဖြစ်ဖြစ် အလုပ်မျိုးစုံ အလုပ်ကြမ်းရော အလုပ်နုရော လုပ်နေကြရတာပဲလေ "။
" အတန်းပညာ သင်ကြားရခြင်းရဲ့ရလဒ်က
အမှားအမှန် အကောင်းအဆိုးကို
စဉ်းစားဆင်ခြင်နိုင်ဖို့ လမ်းစ ရစေသင့်တယ်မို့လား "။
Nainglinn Htun
Publisher Name: စိတ်ကူးချိုချို စာပေ
Publisher Address: ၉(က)၊ ၁၆၄ လမ်း၊ တာမွေ၊ ရန်ကုန်မြို့။ ဖုန်း - ၀၁၅၄၆၈၄၅
Publisher Phone Number: 01546845
