ရွာစားကြီးစိန်ဗေဒါ မင်းသမီကြီးသြဘာစိန် မြို့ပေါ်မှပွဲစားကြီးဦးဘိုးဇုံ နှင့် ဆိုင်းဆရာကြီးဆရာနွဲ တို့တောင်မျှအဖိတ်နေ့တိုင်းလိုလိုတလေးတစားလာရောက်နားထောင်ကြလေသည့် မဟာမြတ်မုနိအရှေ့တောင်ဘက်ရှိခုနစ်အိမ်တန်းရပ်ကွက်တွင်နေသော မျက်စိမမြင်ကြသော ဂီတထူူးချွန်သူ မျက်မမြင်ဂီတသမားများထဲမှ ဆရာနှောင်းနှင့်မမယ်သူတို့၏သမီးလေး #ဂျမ်းဘုံ

ခုနစ်အိမ်တန်း မျက်မမြင်ဂီတရှင်ကြီးများ အဘ အမေ မဟာမြတ်မုနိတန်ဆောင်း လိပ်ကန် မကြီးမေတို့လိုလိပ်စာငါးစာရောင်းသူ ဦးမူူတူး၏ ကျူလယာဆိုင် မြောက်ဘက် ဆောင်းတန်းက ဦးဝကြီး၏ကာကာဆိုင် ဒါတွေမှအပ ဘာမျှမသိသည့် ဂျမ်းဘုံ၏ ဘဝကျဉ်းထဲသို့ဝင်လာသူ #မောင်ကြီးထိပ်တင်မျိုး

အချစ်ကို မဂျမ်းဘုံမသိတတ်ခဲ့ သိလာရသောအချိန်တွင်က ားအစခပ်သိမ်းနောက်ကျခဲ့ပေပြီ သို့တိုင်အောင် 'မောင်ကြီးသည်လောက် မရက်စက်တန်ကောင်း ဟူသော မျှော်လင့်ချက်ကလေးက နောက်ဆုံးအချိန်ထိရှိနေဆဲ………

စိတ်ကြီးသောမျက်မမြင်ဂီတရှင်ကြီးအဘသည်အရှက်နှင့်အသက်ကိုလဲသွားခဲ့သည် အဘရှိစဉ်ကတည်းကတစ်ဝက်သေခဲ့ပြီးသောအမေသည်အဘမရှိသည့်နောက်လောက၌ဆက်လက်ရှိလိုဟန်မတူတော့………

ကမ္ဘာစစ်ကြီးအပြီး တစ်နှစ်အကြာတွင် သမီးလေးမဂွမ်းဖြူကို မျက်နှာမြင်ပြီးနောက် သမီးကို မချတမ်းပွေ့လျက် လပေါင်းများစွ ာငုံ့ခံခဲ့သောမျက်နှာကိုဖော်လျက် ဟိုတုန်းကလို မျက်လိုမျက်လုံးရွှဲကြီးတွေ တဝင့်ဝင့် ခေါင်းတခါခါ လည်တရမ်းရမ်း မဂျမ်းဘုံမဟုတ်တော့ တည်ငြိမ်သော စူးနက်သော တက်ကြွသော ခုနစ်အိမ်တန်းတွင် သီချင်းဆို အကောင်းဆုံးသော လောကကို ထီမထင်အပြုံးဖြင့် ရဲဝံ့စွာလျှောက်တတ်သော တေးနွဲ့သလောက်လူကြမ်းသော သမီးမဂွမ်းဖြူကို ချစ်သလောက် လူတွေကိုမုန်းသော မဂျမ်းဘုံ အမည်တစ်လုံးထိုက်ထိုက်တန်တန်ရခဲ့လေသည်။

#ခုနစ်အိမ်တန်းကမဂျမ်းဘုံ

ချစ်ဦးညို

သန်းစာပေ

တန်ဖိုး - ၈၀၀ ကျပ်

ဖတ်ညွှန်းရေးသူ - ဆုမွန်အောင်