ကိုယ်တွေ့ဝတ္ထုတိုများ
ဦးဖိုးကျား
စာအုပ်အမည်__ ကိုယ်တွေ့ဝတ္ထုတိုများ
ရေးသားသူ__ အမျိုးသားပညာဝန် ဦးဖိုးကျား
ထုတ်ဝေသည့်စာအုပ်တိုက်__ ပါရမီစာပေ
ထုတ်ဝေသည့်ခုနှစ်နှင့်အကြိမ်ရေ__ ၂၀၁၇ ဩဂုတ်လ၊ အုပ်ရေ ၁၀၀၀ ၊ အဋ္ဌမအကြိမ်
အဖုံးပန်းချီ __စံတိုး
တန်ဖိုး __ ၂၅၀၀ ကျပ်
အားလုံးက မြည်းစမ်းဖူးကြတဲ့ စာအုပ်မို့ အထူးအထွေပြောနေစရာမလိုတော့ဘူးလို့ ယူဆပါတယ် ခင်ဗျာ ။ ရသစာပေဟာ စိတ်နှလုံးကို နူးညံ့သိမ်မွေ့ယဉ်ကျေးစေပြီး ပြုပြင်ပြောင်းလဲဖို့ အားသန်စေနိုင်တယ်ဆိုတဲ့ ကျွန်တော်တို့သိထားတဲ့အတိုင်း ပါပဲ......ကလေးအရွယ်၊လူငယ်အရွယ်တွေအတွက် တက်ကြွနိုးကြားစေပြီး ရဲရင့်ဖြောင့်မတ်စေဖို့ ယခုမှာစာအုပ်မှာ ဆိုရင်ဖြင့် ကျွန်တော်တို့ အထက်တန်းကျောင်းသားဘဝကတည်းက မြည်းစမ်းခဲ့ရတဲ့ ဝတၳုတိုလေးတွေအပါအဝင် စုစုပေါင်း ၁၉ ပုဒ်ကို စုစည်းတင်ပြထားပါတယ်......။
နဝမတန်းကျောင်းသားလောက်က ဖတ်ပြီးသား သိပြီးသားအကြောင်းအရာနဲ့အဖြစ်အပျက်တွေဟာ ယခုအချိန်မှာ ပြန်ဖတ်ဖြစ်ေတာ့လည်း အရွယ်အလိုက် အသိနဲ့သတိတွေပေးနေတာပဲမို့ ဘယ်သောအခါမှ ဒီလိုစာပေတွေဟာ နောက်မကျဘူး ခေတ်မမှီဘူးဆိုတာ မရှိဘူး....လို့ ပြောပါရစေ။
တစ်လောက ကျွန်တော်ဖတ်လိုက်ရတဲ့ စာစုလေးတစ်ခု မှာ သိလိုက်ရတာက .....ခုရေးထားတဲ့ အမျိုးသားပညာဝန်ဦးဖိုးကျားရဲ့ကိုယ်တွေ့ဟာ မှီငြမ်းရေးသားထားခြင်းဖြစ်ပါတယ်တဲ့.....မှတ်တမ်းမှတ်ရာ အကိုးအကားနဲ့ ခိုင်ခိုင်မာမာပါပဲ.......ကျွန်တော်တို့အနေနဲ့ ဗဟုသုတတိုးပါတယ် ခင်ဗျာ မှတ်လည်းမှတ်သားမိပါတယ်.....သို့ပေမင့် ဒါဟာ အေကြာင်းအခြင်းအရာတစ်ခုလို့သာ ထင်မြင်မိပြီး ဆရာကြီးရဲ့ (အထူးသဖြင့်) လူငယ်တွေကို ပြုပြင်စေလိုတဲ့ စေတနာကိုတော့ ဆက်လက်ပြီး ဦးတင်မိပါသည် ခင်ဗျာ ။
ငယ်ငယ်က ဖတ်တော့ ငယ်တဲ့အသိ ......ပိုင်းခြားဝေဖန်နိုင်တဲ့အရွယ်ရောက်လာတော့ အရွယ်ရောက်တဲ့အသိတွေရသလိုပဲ နောင် မိမိရဲ့မျိုးဆက်တွေအထိ အသိတွေ သတိတွေပေးနိုင်မယ့် ဒီလိုစာအုပ်မျိုးဟာဆိုရင်ဖြင့် မိမိတို့ကိုယ်ပိုင် စာအုပ်စင်မှာ ရှိသင့်တဲ့အကြောင်းကို အလေးအနက်ထားပြီး စာချစ်သူမိတ်ဆွေချင်းမို့ မေ့နေကြမှာစိုးတဲ့အတွက် လက်တို့တဲ့အနေနဲ့ ပန်ကြားအပ်ပါသည် ခင်ဗျား ။ လူတိုင်းသိတဲ့ ဒီစာအုပ်ကလေးကိုဆိုပေမယ့်လည်း နီးလွန်းရင် မမြင်ကြမှာစိုးတဲ့အတွက် သိကြပြီးတာလေးကိုပဲ ညွှန်းလိုက်ရကြောင်းပါ ......။
စာဖတ်ရင်း အသိ သတိ တိုးကြပါစေ ခင်ဗျာ ။
#Moe Nyo
Publisher Name: ပါရမီစာပေ
