ရဲရဲနီသောချယ်ရီသီးများ
မောင်ဒေး
ရဲရဲနီသောချယ်ရီသီးများ
===============
မူရင်းရေးသူ=မရမ်အာလ်မာစရီ
ဘာသာပြန်=မောင်ဒေး
တန်ဖိုး = ၁၅၀၀ ကျပ်
စာမျက်နှာ = ၉၀
၂၀၁၄ အောက်တိုဘာ တွင် နှစ်ကာလများစာပေမှ ပထမဆုံးအကြိမ် ထုတ်ဝေသည်။
ဆီးရီးယားကဗျာဆရာမ မရမ်အာလ်မာစရီ ရဲ့ ၁၉၉၇ ခုနှစ်ထွက် A Red Cherry on a white -tiled Floor နဲ့ ၂၀၀၀ ခုနှစ်ထွက် I Look to You ဆိုတဲ့ ကဗျာစာအုပ်တွေထဲက ကဗျာတွေကို ဆရာမောင်ဒေးက ရွေးချယ်ထုတ်နှုတ ်ပြန်ဆိုထားတာပါ။
မာစရီရဲ့ကဗျာတွေက ဖတ်တဲ့သူကို နွေလယ်ချောက်ခြားဖြစ်စေတယ် ကိုယ်ကာယငြိတွယ်မှု၊ သစ္စာဖောက်ဖျက်မှု၊ အိမ်ထောင်ရေးဖောက်ပြန်မှု၊ အထီးကျန်မှု၊ လက်မှိုင်ကျမှု စတာတွေနဲ့ အစ္စလာမ်ဘာသာ နဲ့ အာရပ် လူ့အသိုင်းအဝန်း က တားမြစ်ထားတာတွေကို အိပ်မွေ့ချသူတစ်ယောက်ရဲ့ စွမ်းရည်မျိုးနဲ့ ရေးသားထားတယ် လို့ ဆရာမောင်ဒေး က အမှာစာမှာ ဆိုထားပါတယ်။
ဆရာမောင်ဒေး ပြောထားသလိုပါပဲ။ ကဗျာတွေက ဖတ်သူကို ဆွဲဆောင်ညှို့ယူ သွားနိုင်စွမ်းအပြည့်ပါပဲ။
အထူးသဖြင့် ပထမပိုင်း အဖြူရောင်ကြွေပြားကြမ်းခင်းပေါ်က ချယ်ရီသီးနီနီ က ထုတ်နုတ်ထားတဲ့ကဗျာတွေကို ပိုပြီးသဘောကျမိတယ်။
ရဲတင်းပွင့်လင်းတဲ့ အသုံးအနှုန်းတွေ အရေးအဖွဲ့တွေနဲ့
ထပ်တူပြုခိုင်းနှိုင်းပုံတွေက အတော်သဘောကျစရာကောင်းပါတယ်။
သိပ်ပြီးလဲမညွှန်းတတ် ညွှန်းလဲ ကောင်းမှာမဟုတ် ဆိုတော့ ဒီလောက်ပါပဲ။ ကဗျာကြိုက်သူတွေအနေနဲ့တော့ ဖတ်ကြည့်သင့်တဲ့ စာအုပ်တစ်အုပ်လို့တော့ ထင်မိပါရဲ့။
#MoeMyint Kyaw
Publisher Name: နှစ်ကာလများ
Publisher Address: အမှတ် ၁၀၄၊ အလုံမြို့နယ်၊ ရန်ကုန်မြို့။ ဖုန်း - ၀၉ ၂၅၄၈၄၈၀၄၈
Publisher Phone Number: 09 254848048
