ကျဉ်တုတ်ခံဝံ့ မခံဝံ့

မောင်သာရ

ပထမအကြိမ် ၊၁၉၇၁ခုနှစ် ၊ဒီဇင်ဘာလ(မြရာပင်စာပေ)

ဒုတိယအကြိမ်၊၂၀၁၅ခုနှစ်၊ဇန်နဝါရီလ (လင်းလွန်းခင်စာပေ)

တန်ဖိုး=၂၅၀၀ကျပ်

စာအုပ်ရဲ့အစ အမှာစာမှာတော့ ဒီ ဝတ္ထု က ဆရာရဲ့ ကိုယ်တွေ့အကြောင်းအရာပါလို့ဝန်ခံထားပါတယ် ကျောင်းသားခေါင်းဆောင်တယောက် ကြုံတွေ့ရတဲ့ အဖြစ်အပျက်ကို အမြင်သာဆုံးရေးပြထားတာပါ 

အလုပ်သမားညီညွတ်ရေးပါတီမှ ကျောင်းသားခေါင်းဆောင်ထွန်းနောင်တစ်ယောက် ရန်သူရဲ့ ကွန်ဆိုတာသိရက်နဲ့ ဝင်ခဲ့ရတဲ့အဖြစ် မဖြစ်စလောက်အကြောင်းအရာလေးနဲ့ တိုက်ပွဲဝင်ခဲ့ကြတယ် သူတို့ရဲ့အဖွဲ့ချုပ်ဖြစ်တဲ့ရန်ကုန်ကလပ်စည်းနဲ့ အဆက်အသွယ် ပြတ်နေချိန် ကြားနေရတဲ့ကောလာဟလတွေကို အတည်ပြုချင်လို့ မန္တလေးခရိုင်ပါတီ ကို ညကြီးအချိန်မတော် သွားရောက်ခဲ့တယ် သူရောက်တဲ့အချိန်မှာ ပါတီက တံခါးပိတ်သော့ခတ်ထားလို့ ပြန်လှည့့်ခဲ့ရတယ် လက်ထဲဘိုင်ပြတ်နေလို့ မိဘအိမ်ထမင်းဝင်စားရင်း မုန့်ဖိုးတောင်းဖို့ အိမ်ပြန်လာခဲ့တယ် အိမ်ရောက်လို့ အိပ်ရာထဲဝင်ပြီး အိပ်ပျော်မယ်ကြံရသေး ရဲတွေရောက်လာပြီး ရှာဖွေကြတယ် မိဘအိမ်ကနေပဲ ထောင်ကိုရောက်ခဲ့ရတယ် အစပထမမှာ ထောင်ဟာနေပျော်စရာကောင်းတာပဲလို့ ထင်ခဲ့ကြတယ် တဖြည်းဖြည်းအခြေအနေတွေက ပိုပြီးတင်းကျပ်လာတယ် စိတ်ဓာတ်ကျနေချိန်သူတို့ရဲ့ကြွေးကြော်သံတွေကို စီနီယာအကျဉ်းသားကြီးတွေက စိတ်ဓာတ်မကျဖို့အားပေးခဲ့တယ် ထောင်ထဲကို ကျောင်းသားခေါင်ဆောင်၅ ယောက် အတူတူဝင်ခဲ့ရတယ် အသက်အကြီးဆုံးတယောက်ကစပြီး သစ္စာဖောက်ခြင်းခံရတာကနေ စိတ်ဓာတ်တွေ နိမ့်လိုက်မြင့်လိုက်နဲ့ တယောက်ချင်းဆီကို နေရာတွေခွဲပြစ်ကြတယ် မန္တလေးသားထွန်းနောင်ကို နေရာပြောင်းမယ့်အချိန်မှာ သူ့ရဲ့မျက်လုံးကိုအဝတ်စည်း ညကြီးအချိန်မတော်မှာကားပေါ်တင်ပြီး ခေါ်လာခဲ့တယ် မန္တလေး မြို့ကလမ်းတွေကို ထုံးလိုချေ ရေလိုနှောက်နေအောင်သိတဲ့ ထွန်းနောင် သိပ်လည်လှပါတယ်ဆိုတဲ့ အစ္စရေးပြန်ရဲအုပ်ကြီးတွေ လက်မှိုင်ချခဲ့ရတယ် နှိပ်စက်ဖို့မပြောနဲမင်းကိုလက်နဲ့တောင်မတို့ပါဘူးကွာလိုပြောပြီး ဗို့ဒ်အား ၁၀၀၀ ခန့်ရှိတဲ့မီးမောင်းကြီးနဲ့ထိုးပြီး အနှနည်းနဲ့နှိပ်စက်ခြင်းကိုခံခဲ့ရတယ် အမျိုးမျိုးသော ဒုက္ခ ကို ခါးစည်းခံခဲ့ရတယ် ဆရာရဲ့ရှင်းလင်းပေါ်လွင်တဲ့အရေးအသားကြောင့် ဝတ္ထု ဟာပြီးမှန်းမသိပြီးသွားခဲ့တယ် သိပ်ကိုပေါ်လွင်လှပါတယ် ဒီ ဝတ္ထု ကိုဖတ်ပြီး စက်ရုံ မှာ ဆန္ဒပြခဲ့တဲ့ မြင်ကွင်းလေးတွေ မျက်လုံးထဲ အစီအရီကို ပေါ်လာတာပါပဲ 

နိုင်ငံရေးလုပ်နေတဲ့ ကျောင်းသားတွေဖတ်သင့်တဲ့ စာအုပ်တစ်အုပ်ပါ။