ရာမည၊ ဧရာဝတီ ၁၉၈၈-၈၉
မသီတာ(စမ်းချောင်း)
စာအုပ်အမည်- ရာမည၊ ဧရာဝတီ ၁၉၈၈-၈၉
စာရေးသူ- မသီတာ(စမ်းချောင်း)
တန်ဖိုး - ၄၀၀၀ ကျပ်
အကြိမ်- ပထမအကြိမ်၊ ဒီဇင်ဘာလ၊ ၂၀၁၈
စာမျက်နှာ - ၂၅၄
အရွယ်အစား - ၁၀.၂၅ x ၇.၂၅ လက်မ
ဆရာမျိုးမြင့်ညိမ်း အမှာစာမှ
ခရီးစဉ်အဖြစ် မွန်ပြည်နယ်သို့ ၁၉၈၈ ဒီဇင်ဘာ ၁၄ ရက်တွင် စတင်ခဲ့ပါသည်။ ပဲခူးတိုင်းကိုဖြတ်ပြီး မွန်ပြည်နယ်အဝင်မှာပင် တိုင်းရင်းသူ တိုင်းရင်းသားများ၏ လှိုက်လှဲစွာ ကြိုဆိုမှုကို ကြုံရပြီး မွန်တိုင်းရင်းသားဝတ်စုံ၊ ကရင်တိုင်းရင်းသားဝတ်စုံ၊ ပအို့တိုင်းရင်းသားဝတ်စုံများ ဝတ်ဆင်၍ ကြိုဆိုနေကြသော ပြည်သူလူထုမှာ ဒေါ်အောင်ဆန်းစုကြည် ကျန်းမာစေကြောင်း ဆုတောင်းကြွေးကြော်ကြသည်။ မွန်ပြည်နယ်တစ်ခွင် တွေ့ကြရသည့် တိုင်းရင်းသားတို့က သူတို့ကြုံတွေ့ရသည့် အခက်အခဲများ၊ သူတို့ လိုလားမှုများကို ထုတ်ဖော်ပြောကြားသမျှ ဒေါ်အောင်ဆန်းစုကြည်က နားထောင်ပေးရင်း အကြံပြုဆွေနွေးခဲ့ကြပါသည်။ မွန်ပြည်နယ်ခရီးစဉ်သည်လည်း အနှောင့်အယှက် ကင်းခဲ့ပါသည်။
၁၉၈၈ ဒီဇင်ဘာ ၂၇ ရက်နေ့တွင် မိခင်ကြီး ဒေါ်ခင်ကြည် ကွယ်လွန်ခဲ့ပါသည်။ ဒေါ်ခင်ကြည်ဈာပနအခမ်းအနားအပြီး ၁၉၈၉ ဇန်နဝါရီလ ၁၄ ရက်တွင် ဧရာဝတီတိုင်းခရီးစဉ် စတင်ပါသည်။ ဤခရီးသည် တကယ်ပင် စိတ်ပင်ပန်းစရာ၊ စိတ်မောစရာ၊ စိတ်အနှောင့်ယှက် ဖြစ်စရာများနှင့် ကြုံတွေရသော ခရီးဖြစ်ပါသည်။
ခရီးမထွက်မီညကပင် မြတ်မေတ္တာရေယာဉ်ပေါ်သို့ လျှို့လျှို့ဝှက်ဝှက် တက်ကြရသည်။ နံနက်မိုးမသောက်မီ မြတ်မေတ္တာရေယာဉ်ဖြင့် ရန်ကုန်မြို့မှ ထွက်ခွာခဲ့ကြပြီး ပထမဆုံးဆိုက်ရောက်ရာ ထနီးမြု့ငယ်လေးမှာပင် အာဏာပိုင်တို့၏ကြမ်းတမ်းသော ဆီးကြိုမှုကို တွေ့ရသည်။ ဒေသခံအဖွဲ့ချုပ် အဖွဲ့ဝင်တို့၏ လှုပ်ရှားမှုများကို ဟန့်တားခြင်း၊ ပိတ်ပင်ခြင်း၊ ရိုက်နှက်ခြင်း၊ ကန်ကြောက်ခြင်း၊ နေပူလှန်းခြင်း၊ မိကျောင်းတက်သွားခိုင်းခြင်း အစရှိသဖြင့် တစ်ရွာတစ်ပုဒ်ဆန်း ညှင်းပန်းနည်း စုံလင်စွာကို ကြုံရကြားရတော့သည်။ အမိန့်ကြေညာချက် ၂/၈၈ သည် အသံချဲ့စက်များမှ အခါမလပ် ထုတ်လွှင့်နေသော ကြေညာချက်ဖြစ်သည်။ စုဝေးဟောပြောပွဲများကို ငါးယောက်ထက်ပို၍ စုဝေးခွင့်မပြုသောကြေညာချက်များကို ထပ်တလဲလဲ ဖွင့်လှစ်ကြေညာနေသည့်အတွက် စုဝေးဆွေနွေးပွဲများ အနှောင့်အယှက်ဖြစ်ရပြီး အချို့နေရာများတွင် ဒေါ်အောင်ဆန်းစုကြည်ဟောပြောချက်ကို စကားစုတစ်စုချင်း၊ တစ်ဖြတ်ချင်း လက်ဆင့်ကမ်းဟောပြောရသည်။ ဧရာဝတီတစ်ဖက်ကမ်းမှ လှေ၊ သငေ်္ဘာများ ဧရာဝတီဖြတ်သန်းခွင့်မရသဖြင့် အနောက်ဖက်ကမ်းမှ အဖွဲ့ဝင်များ ရေအိုးထဲဝတ်စုံထည့်၊ အိုးဖက်ရေကူးပြီး အရှေ့ဘက်ကမ်းသို့ လာရသည်။ သည်မျှမက ဒေါ်အောင်ဆန်းစုကြည်ဟောပြောပွဲအပြီးမှာ မီးသတ်ကားဖြင့် ရေဖျန်းပြီး သန့်စင်ရေးလုပ်ကြသေးသည်။ ဤခရီးကား ပြောစရာများလှပါသည်။
Publisher Name: စာနဒီ စာအုပ်တိုက်
Publisher Address: အမှတ်-၉၇၃၊ ပျဉ်းမမြိုင်လမ်း၊ ၃၄ ရပ်ကွက်၊ မြောက်ဒဂုံမြို့နယ်၊ ရန်ကုန်မြို့။
Publisher Phone Number: 095071196, 095071197
