စူထုံ ၏ ဝတ္ထုတိုများ
မြင့်သန်း
မြင့်သန်း
စူထုံ ၏ ဝတ္ထုတိုများ
Short Stories of Su Tong ကို မြန်မာဘာသာဖြင့်
ပြန်လည်ရေးသားသည်။
နှစ်ကာလများ စာပေ၊
ပထမအကြိမ်၊ ဇူလိုင် ၂၀၂၀။
၁၃.၆ စင်တီမီတာ x ၂၀.၈ စင်တီမီတာ။
စာမျက်နှာ - ၂၂၂ ၊ တန်ဖိုး - ကျပ် ၃၀၀၀။
ဆရာမြင့်သန်း၏ အမှာ ပါရှိပြီး မြန်မာဘာသာဖြင့် ပြန်လည်ရေးသားထားသည့် စူထုံ၏ ဝတ္ထုတို ၉ ပုဒ်ကို စုစည်းထုတ်ဝေထားခြင်းဖြစ်သည်။
'' သူ့ဝတ္ထုတွေရဲ့ ဇာတ်ကောင်တွေဟာ ကွန်မြူနစ်စနစ်ကြီးရဲ့ တော်လှန်ရေးကာလအတွင်းက ပြောင်မြောက်တဲ့လူတွေ၊ လူငယ်တွေ မဟုတ်ဘူး။ စံပြလုပ်သားတွေ၊ စံပြလူငယ်တွေ မဟုတ်ကြဘူး။ ဒီ့ပြင် အသင်းအဖွဲ့နဲ့၊ လူစုလူဝေးနဲ့ အောင်မြင်အောင် အားထုတ်ကြိုးပမ်းကြ တာမျိုးတွေ မဟုတ်ဘူး။ သီးခြားလူပုဂ္ဂိုလ်တွေ၊ သာမန်လူငယ်တွေမှ ပညာရေးမှာ သိပ်ပြောင်မြောက်လှတဲ့ လူငယ်တွေလည်း မဟုတ်ဘူး။ ပါတီရဲ့ လမ်းညွှန်ဦးဆောင်မှုအောက်မှာ အောင်မြင်ခဲ့တဲ့၊ ပေါက်ရောက်ခဲ့တဲ့ လူတွေ မဟုတ်ကြဘူး။ '' ( အမှာ၊ စာမျက်နှာ ၁၁ မှ )
ပါရှိသည့် အရေးအသားများမှာ '' စနေနေ့တွေမှာ၊ သြဂုတ်လ အတွက် ဒိုင်ယာရီ၊ လေထုဖိအား၊ ရေသရဲ၊ အခမ်းအနား ပြီး ဆုံးသွားရပုံကတော့ဖြင့်၊ မိုးမခပင်၊ ရင်ကွဲအက၊ မွေးရပ်ဋ္ဌာနီ မေလဆီ၊ တံတားပေါ်က အရူးမ '' တို့ဖြစ်သည်။
'' အဲဒီနောက်တော့ ပါပါကျိတစ်ယောက် မာန်းတို့အိမ်ကို ပြန်မလာတော့ဘူး။ စနေနေ့တင် မကဘူး။ သောကြာ နေ့၊ တနင်္ဂနွေနေ့...။ ဘယ်နေ့မှာမှ ပြန်မလာတော့ဘူး။ သူ့အတွက် မိတ်ဆွေသူငယ်ချင်းတစ်ယောက် ဆုံးရှုံးခဲ့ ရပြီဆိုတာ မာန်း သိလိုက်တယ်။ အဲဒီလိုဖြစ်ပြီးတဲ့ နောက် အတော့်ကို ကြာသွားတဲ့အထိ စနေနေ့တိုင်ဆို ရင် မာန်းရဲ့ နားထဲမှာ စက်ဘီးခေါင်းလောင်းတီးသံကို ကြားနေရသလိုပဲ။ ''
( စနေနေ့တွေမှာ၊ စာမျက်နှာ ၃၅ မှ )
'' တစ်နေ့လုံး ဒီအကြောင်းကတော့ ဇာတ်လမ်းတစ်ခုအနေနဲ့ ပြောမဆုံးဘဲ။ ကောင်မကလေးကသာ ပြန်ပြောနေမယ်ဆိုရင်တော့လည်း ဘယ်သူမှ နားလည်ကြမယ်မထင်ဘူး။ ဒီတော့ ကျွန်တော်ကပဲ လိုရင်းပြောပြမယ်။ ဒါပေတဲ့လည်း သိပ်ပြီး ရိုးရှင်းလှတဲ့ ဇာတ်လမ်းတစ်ခုတော့ မဟုတ်ဘူး။ တိန့်ရဲ့ သမီးကလေးက ရေသရဲနဲ့တွေ့ခဲ့တယ်။ ဒီလောက်တင် မဟုတ်သေးဘူး။ ရေသရဲက ကြာပန်းအနီတစ်ပွင့်လည်း ပေးသေးတယ်။ ကြာပန်းအနီက အကြီးကြီး။ ''
( ရေသရဲ ၊ စာမျက်နှာ ၉၅ မှ )
'' ခုပြောနေတဲ့ စာစုဆရာကြီးကို ကျွန်တော်သိတယ်။ သူ သေသွားရတဲ့ကိစ္စမှာ အံ့သြစရာကောင်းတာတွေ က ဖုံးလွှမ်းထား တယ်။ ဒါပေတဲ့ သေသူရဲ့ အထိမ်းအ မှတ်ပွဲ လုပ်တဲ့နေ့ကတော့ သူ့လိုပဲစာစုဆရာကြီးတခြား တစ်ယောက်က ပြောတာ တစ်ခုကို ကြားလိုက်ရမိ တယ်။' ဒီလိုနဲ့ပဲ အခမ်းအနားက ပြီးဆုံးသွားတာ။ဒါပဲ'။ ''
( အခမ်းအနားပြီးဆုံးသွားရပုံကတော့ဖြင့်၊
စာမျက်နှာ ၁၁၃မှ )
'' ယောက်ျားတွေမှာလည်း မျှော်လင့်ချက်တော့ ရှိတာပဲ။ နူးညံ့ပျော့ပျောင်းတယ်၊ လွယ်လွယ်နဲ့အသွင်ပြောင်း သွားနိုင်တယ်။ ရေထဲမှာပေါက်တဲ့ အပင်တွေလို။ သာမန်ပြောရရင်တော့လည်း ဟိုး..ရေနက်နေရာမှာ ပေါက်နေတတ်တာမျိုး။ ဒါပေတဲ့ ငါးကလေးကသာ
နာလောက်တဲ့နေရာမျိုးကို ကိုက်လိုက်ရင်ဖြင့် သူတို့ရဲ့ ဖုံးကွယ်ထားတဲ့ ဝေဒနာဟာ လွယ်လွယ်ပဲ ပြန်ပြီး ပေါ်လာတော့မှာ။ ဒီခံစားမှုကိုတော့ တစ်ဖန်ပြန်ပေါ် လာမှု၊ မဟုတ်ရင် တစ်ဖန်ပြန်ပေါ်လာစေချင်တဲ့ ဆန္ဒလို့ သိထားတတ်ကြတယ်။ '' ( ရင်ကွဲအက၊ စာမျက်နှာ ၁၃၉ မှ )
'' စူထုံရဲ့ ဝတ္ထုတွေကိုတော့ မြည်းကြည့်ကြစေချင်တယ်။ ကိုလိုနီသမိုင်းအမြင်မှာ အားသန်တဲ့ ဒေါက်တာထင်အောင်ရေးဖူးသလို ' ဝတ္ထုဖတ်တာဟာ အပျင်းပြေဖို့' ရယ်လို့ လက်ခံထားရင်တော့လည်း မဖတ်နဲ့။ နတ်တော်ပြာသိုကျကာမှ ဝါဆိုပြချင်လို့ မဖြစ်တော့ဘူး။'' ( အမှာ၊ စာမျက်နှာ ၁၂ မှ ) ဟု ဆိုသော ဝတ္ထုတိုအရေးအသား တို့အား မြည်းစမ်းရင်း အရသာတွေ့ကြမည်ဟု ယူဆမိ ပါသည်။
မိုးမင်းသိမ်း
၁ သြဂုတ် ၂၀၂၀
Publisher Name: နှစ်ကာလများ
Publisher Address: အမှတ် ၁၀၄၊ အလုံမြို့နယ်၊ ရန်ကုန်မြို့။ ဖုန်း - ၀၉ ၂၅၄၈၄၈၀၄၈
Publisher Phone Number: 09 254848048
