ဂျက်ဆီကာအတွက် အမှန်တရား
ဝင်းဇော်လတ်
ဝင်းဇော်လတ်
ဂျက်ဆီကာအတွက် အမှန်တရား
တိုးမြစ်စာအုပ်တိုက်၊
ပထမအကြိမ်၊ ၁၊ နိုဝင်ဘာ၊ ၂၀၁၈။
မျက်နှာဖုံးပန်းချီနှင့်ဒီဇိုင်း - ဇော်မောင်။
၁၃.၄ စင်တီမီတာ x ၂၀.၆ စင်တီမီတာ။
စာမျက်နှာ - ၁၅၀၊ တန်ဖိုး - ကျပ် ၃၀၀၀။
၁၃၊ အောက်တိုဘာ၊ ၂၀၁၈ ရက်စွဲဖြင့်ရေးသားထားသော စာရေးသူ၏အမှာ ပါရှိသည်။ ၂ စက်တင်ဘာ ၂၀၁၃ မှ ၂၅ ဇန်န ဝါရီ ၂၀၁၄ အထိ 7 DAY Daily သတင်းစာတွင် ဖော်ပြခဲ့သော ဆောင်းပါး ၂၅ ပုဒ်ကို စုစည်းထုတ်ဝေထားခြင်းဖြစ်သည်။
ကြက်ခြံထဲက ကြက်များ လွင်ပြင်ကျယ်ထိ ခရီးဆက်ကြ၊ သဘာဝက ဒဏ်ခတ်ခြင်း၊ ငြိမ်းချမ်းရေးခရီး အဝေး အနီး၊ရွှေဝါရောင်မေးခွန်းများ၊ ဂျက်ဆီကာအတွက်အမှန်တရား၊ ပြည်သူ့ဝန်ထမ်းတွေ ဘယ်မှာလဲ၊ ဆေးရောင်စုံ နိုင်ငံရေး၊ နိုင်ငံရေးသမားများအတွက်စာမေးပွဲ၊ ပညာရေးစနစ်တစ်ခု၏ သားကောင်များ၊ တရားခံ ဘယ်သူလဲ၊ မြို့ပတ်ရထား စီးကြရအောင်၊ ပြည်သူ့ရင်ကို ပစ်ထိုးသောလက်သီးများ၊ ငြိမ်းချမ်းရေးသံစုံတီးဝိုင်းကြီး၊ စကားလုံးလေပူဖောင်းများ ပေါက်ကွဲချိန်၊ မောင်ကျော်ဇောဟုခေါ်သည်၊ နှလုံးသားတော်လှန်ရေး၊ နိုင်ငံသား များအတွက် ကျောတစ်နေရာစာပြဿနာ၊ ငြင်းဆန်ခြင်း ၏အလွန်၊ လာတော့မည့် ခက်ခဲသောနေ့ရက်များ၊ ဒီမို ကရေစီ ချန်ပီယံနိုင်ငံ ဖြစ်နိုင်မည့်အခွင့်အရေး၊ ခါးသီးသော အရှုံးနှင့် ချိုမြိန်သောအရှုံး၊ လမ်းတူသူ တို့၏ ညီ ညွတ်ရေး၊ နှစ်သစ်ကူးချိန်၊ အခန်းဆက် လွတ်လပ်ရေး တိုက်ပွဲ၊ မြေနိမ့်ရာတွင် လှံစိုက်ခြင်း စသည့်ဆောင်းပါး များဖြစ်သည်။
'' ယခု စာအုပ်အဖြစ် စုစည်းထုတ်ဝေမည်ပြုသောအခါ ကိုယ်ရေးခဲ့သော သတင်းစာဆောင်းပါးများကို ပြန်လည် ဖတ်ကြည့်ပါသည်။ ထိုအခါ အကြောင်းအရာ စုံစုံကို ရေးခဲ့ပါလား ဟူသော အသိတစ်ခုရသည်။ ထိုအချိန်က ဒီမိုကရေစီခေါင်းစဉ်အောက်တွင် ဖြစ်လာ ကြုံလာသမျှသော ကိစ္စအတော်များများကို ဝေဖန်ခဲ့ သည်ကိုလည်းတွေ့သည်။ ထိုစဉ်က ဦးသိန်းစိန်အစိုးရ အဖွဲ့ကိုလည်းကောင်း၊ အတိုက်အခံ ဒီမိုကရေစီ အင်အားစုတွေကိုလည်းကောင်း အားမနာစတမ်း ရေးခဲ့မိ သည့်အတွက် စာရေးသူအနေနှင့် ကျေနပ်မိပါသည်။ ဆောင်းပါးအားလုံး၏ တူရူချက်မှာ ပြည်သူလူထုခံစားနေရသော ဝေဒနာအရပ်ရပ်ကို တင်ပြရန်နှင့် နှုန်းမီစံရ ဒီမိုကရေစီစနစ် ထွန်းကားရေးအတွက်သာဖြစ်ပါသည်'' ဟု '' စာရေးသူအမှာ'' ၌ ဖော်ပြထားသည်။
စာနယ်ဇင်းဥပဒေ၊ ဓာတ်မြေသြဇာသုံးစွဲမှု၊ ငြိမ်းချမ်းရေး ဖြစ်စဉ်၊ ရွှေဝါရောင်တော်လှန်ရေး၊ မတရားမှုအတွက်ဖွင့် ချသည့် စာနယ်ဇင်းသမား၊ ပြည်သူ့ဝန်ထမ်းပြဿနာ၊ မြန်မာ့နိုင်ငံရေးပုံရိပ်များ၊ ၂၀၀၈ဖွဲ့စည်းပုံပြင်ဆင်ရေး၊ အဝေးသင်တက္ကသိုလ်၊ ရန်ကုန်ဝန်းကျင်ဗုံးပေါက်ကွဲမှုများ၊ မြို့ပတ်ရထား၊ လျှပ်စစ်မီတာခတိုးမြှင့်သတ်မှတ်ခြင်း၊ လိုင်ဇာဆွေးနွေးပွဲ၊ အစိုးရဝန်ကြီးတို့၏ထင်မြင်ချက်ပြက်လုံးများ၊ ကျေးလက်ပြည်သူနင်းပြားတို့ဘဝ၊ ဖွတ်ကျားစိတ်ဓာတ်၊ ရန်ကုန်၏ကျောတစ်ခင်းစာ ပြဿနာ၊ မြန်မာ့နိုင်ငံရေးလမ်းဆုံလမ်းခွ၊ ခဲခက်လာမည့် နေ့များ၊ ဆီးဂိမ်း၊ မြန်မာ့ဘောလုံးအားကစား၊ အတိုက်အခံတို့ညီ ညွတ်ရေး၊ ၂၀၁၃ခုနှစ်ကုန်ဆုံးချိန်၊ မပြီးဆုံးသေးသည့် လွတ်လပ်ရေးတိုက်ပွဲ၊ ကျူးကျော်တဲများ စသည့် ၂၀၁၃ ခုနှစ် နှစ်ကုန်ပိုင်းနှင့် ၂၀၁၄ ခုနှစ်နှစ်ဆန်းပိုင်းကာလက အခြေအနေ အရပ်ရပ်တို့ကို မီးမောင်းထိုးထောက်ပြဝေ ဖန်သုံးသပ်ရေးသားထားသည့်ဆောင်းပါးများဖြစ်သည်။
''ဂျက်ဆီကာအတွက်အမှန်တရား'' ပါ အရေးအသား တို့မှာ ငါးနှစ်ဝန်းကျင်ကာလတစ်ခုအား ဖြတ်သန်းပြီး ဖြစ်သည့်တိုင် ပြဿနာအရပ်ရပ်တို့မှာ သစ်လွင်လတ်ဆတ်လျက်ရှိနေဆဲ ဖြစ်သည်။ ယခင်အစိုးရလက်ထက်မှ ပြဿနာများဟု ဆိုနိုင်သော်လည်း ယနေ့ထက်တိုင်လည်း ပြဿနာအသစ်များ အဖြစ်တည်ရှိနေဆဲဖြစ်သည်။ တာဝန်ကျေသော စာနယ်ဇင်းသမားတစ်ဦး၏ အရေးအသားတို့အား ကြေကြေကွဲကွဲဖတ်ရှုလိုက်ရ ခြင်းလည်းဖြစ်ပါသည်။ နှုန်းမီ စံရ ဒီမိုကရေစီစနစ် ထွန်း ကားရေး အိပ်မက်ကို ဆက်မက်ချင်မိပါသေးသည်။
မိုးမင်းသိမ်း
၁၅ ဖေဖော်ဝါရီ ၂၀၁၉
Publisher Name: တိုးမြစ်စာအုပ်တိုက်
Publisher Address: အမှတ် ၉၉၅၊သုဇိတာ ဖြတ်လမ်း၊ ၂ရပ်ကွက်၊မြောက်ဥက္ကလာပ၊ရန်ကုန်မြို့။ ဖုန်း-0973045264,09450100742 Email:toemyit@gmail.com www.facebook.com/ToemyitPublishingHouse
Publisher Phone Number: 0973045264,094500100742
