Book Image

ခရီးပန်းတိုင်ရယ်လို့ မရှိ

ကိုတာ

စာအုပ်အမည် - ခရီးပန်းတိုင်ရယ်လို့ မရှိ

စာရေးဆရာ  - ကိုတာ ( ဘာသာပြန် )
မူရင်း - ' No Destination ' by Satish Kumar
ထုတ်ဝေသည့် ကာလ - ၂၀၁၃ ၊ ဒီဇင်ဘာလ ။
စာအုပ်အမျိုးအစား - ကိုယ်တိုင်ရေး အတ္ထုပတ္တိ
စာမျက်နှာ - ၃၄၇ 
စာအုပ်တန်ဖိုး - ၂၅၀၀ ကျပ် ။


ဒီစာအုပ်ကို အရင်တစ်ခေါက် စာအုပ်ဆိုင်ကို ရောက်ဖြစ်ကတည်းက မြင်နေတာ ။ ဆရာကိုတာ ဘာသာပြန်တဲ့ ခရီးပန်းတိုင်ရယ်လို့ မရှိ တဲ့ ။ခေါင်းစဉ်မြင်တော့ စိတ်ဝင်စားသွားမိတယ် ။ ခရီးပန်းတိုင်ရယ်လို့် မရှိ ဆိုတော့ ။


ခရီးပန်းတိုင်မရှိဘူးဆိုတော့ ရောက်တက်ရာရာ သွားနေတာလား ???
 ခရီးပန်းတိုင်ကိုက အဆုံးမရှိတာမျိုးလား ???
 တစ်ခုရပြီးရင် နောက်တစ်ခု ထပ်လိုချင်တဲ့ လူသားတွေရဲ့ အတွင်းစိတ်ကို ဖော်ညွန်းချင်တာလား ??? 
စတဲ့ စတဲ့ အတွေးပေါင်းများစွာနဲ့ ။

စာအုပ်ရဲ့ နောက်ကျောအဖုံးမှာ ဆရာကိုတာ ကလည်း...........
" စာအုပ်အမည်မှာ ခရီးပန်းတိုင်ရယ်လို့ မရှိတဲ့ ။
ရည်မှတ်ကြောင့်ကြ ဗျာပါဒရယ်လို့ မရှိကြပါနဲ့ ဟူ၍ ပြောချင်တာလား ။ 
ပန်းတိုင်ရှိရမယ် ။ ရည်မှန်းချက် ရှိရမယ်လို့ သာမန်အားဖြင့်တော့ လူတွေပြောကြသည် ။ " တဲ့ .......
ဒီလိုပြောပြီး အတွေးလမ်းစလေးတွေ ဖွင့်ပေးထားတယ် ။

ဘာကြောင့် ခရီးပန်းတိုင်ရယ် လို့မရှိရတာလဲ........???
ခေါင်းစဉ်နဲ့တင် စိတ်ဝင်စားသွားတယ် ။ဒီလိုနဲ့ စာအုပ်လေးကို စဖတ်ကြည့်မိတယ် ။

မူရင်းစာရေးသူက ဂေဟဗေဒအကြောင်းနဲ့ စိတ်ကူးကွန့်မြူးခြင်းအကြောင်းတွေ့ ရေးတဲ့ ရီဆားဂျင့် (Resurgence) ဆိုတဲ့ မဂ္ဂဇင်း အယ်ဒီတာ ။
အများနဲ့မတူ တမူထူခြားတဲ့ သင်ရိုးသင်ဟန်တွေနဲ့ သင်တဲ့ ရှူးမေကာ ကောလိပ်ရဲ့ ကျောင်းအုပ်ကြီး ။
နာမည်က စာတစ်ကူးမား ။ အိန္ဒိယ အမျိုးသားကြီး ။
သူကား သင်ရိုးသင်စဉ် ကျောင်းပညာရေးဟူ၍ မသင်ခဲ့ဖူးသူ ။ အသက်(၈)နှစ်အရွယ် ကလေးဘဝ ကတည်းက ဂျိန်းဘာသာတွင် ဘုန်းကြီးဝတ်ခဲ့သူ ။ဆရာဂရုကြိးထံတွင် ၈ နှစ်၊ ၉ နှစ်အကြာ မဟာဝီရ၏ တရားများကို နားယူသင်ကြားခဲ့လေသည် ။တစ်နေ့ မိတ်ဆွေတစ်ဦးက မဟတ္တမဂန္ဓီ ရေးတဲ့ စာအုပ်တစ်အုပ်ကို ပေးဖတ်ရာမှ ဂျိန်းဘာသာဟာ သဘာဝဓမ္မများနဲ့ ဆန့်ကျင်နေသည်ဟူသော သူ၏ သံသယအတွေးများကို ခိုင်မာသွားစေသည် ။ထို့နောက်တော့ မိတ်ဆွေသုုံးဦးနှင့်အတူ ဂျိန်းဘာသာ မှ ထွက်ပြေးလေသည် ။ (ဂျိန်းဘာသာ အယူဝါဒအရ ဘုန်းကြီးဝတ်သူသည် လူပြန်ထွက်၍မရ ၊ ရာသက်ပန် တစ်သက်လုံး ဘုန်းကြီးဝတ်ရမည် ဖြစ်သည် ။ လူပြန်ထွက်သူကို သူတို့ဘာသာအသိုင်းအဝိုင်းက ဖယ်ကျဉ်လေ့ရှိသည် ။)
ထို့နောက်တော့ .................
ဂန္ဓီကြီး၏ အမြော်အမြင်ကို လိုက်ကာ မြေယာလှုပ်ရှားမှုကြီး၌ ပါဝင်ပြန်သည် ။ငြိမ်းချမ်းသော အသစ်ဖြစ်သော ကမ္ဘာကြီးကို တည်ဆောက်ရန် ။
တစ်ဖန် စွယ်စုံပညာရှင်ကြီးဘာထရန်ရပ်ဆဲ၏ နာမူနာ ကိုယူလျက် မိုင်(၈၀၀၀) ငြိမ်းချမ်းရေးခရီးကို ခြေကျင်လျောက်ပြန်သည် ။ အိန္ဒိယမှ အမေရိကသို့ ခရီး ငွေတပြားတချပ်မှ မပါ ။ကန္တာရများ တောင်တန်းများ မုန်တိုင်းများနှင့် နှင်းများကို ဖြတ်လျက် ။
 ဤစွန့်စားခန်းကြီး၌ ပြင်သစ်မှာ အဖမ်းခံထောင်ကျကာ ၊ အမေရိက ၌ သေနတ်နဲ့ ခေါင်းကိုတေ့ခြင်း ခံရသည် ။ သို့ပေမယ့်လည်း ...........
 "ငြိမ်းချမ်းခြင်းလက်ဖက်ခြောက် "တစ်ထုတ်စီ နူးကလီးယားနိူင်ငံကြီး လေးနိူင်ငံ၏ ခေါင်းဆောင်တို့အား လက်ဆောင်ပေးနိူင်ခဲ့သည် တဲ့ ............။

ဘာသာပြန်သူ၏ အမှာစကား ကိုဖတ်ပြီး ကျွန်တော်၏ အတွေးများက တလက်လက် ။
ကျောင်းမနေဖူးတဲ့သူက မဂ္ဂဇင်းအယ်ဒီတာ လုပ်သတဲ့ ။
ဆရာတွေရဲ့ ထိပ်ခေါင် ကောလိပ်ကျောင်းအုပ်ကြီး လုပ်သတဲ့ .............။
ငြိမ်းချမ်းရေး ခရီးစဉ်ကြီးမှာ ငြိမ်းချမ်းရေးလက်ဖက်ခြောက် ကို သယ်ဆောင်သွားသတဲ့ ။
နမိတ်ပုံတစ်ခုကိုပဲ ရည်ညွန်းလေသလား .........?
အတွေးစကားတစ်ခုကိုပဲ ပြောချင်တာလား ....... ?
ကျွန်တော် မသိနိူင်ပြီ ...... ။

ထို့နောက် ...........
စာမျက်နှာ အနည်းငယ်မျှ လှန်လော ဖတ်ကြည့်မိသောအခါ ကျွန်တော်ဖျားချင်လာသည် ။
စာအုပ်က ကျွန်တော်မရောက်ဖူးတဲ့ ကမ္ဘာတစ်ခုကို ခေါ်ဆောင်သွားသည် ။အိန္ဒိယဆိုတဲ့ ထူးဆန်းတဲ့ ဓလေ့စရိုက်တွေ ရှိတဲ့ နေရာတစ်ခုအကြောင်း ။
ဝမ်းနည်းခြင်း အထိမ်းမှတ် အဖြစ် အစိမ်းရောင် ဆာရီဝတ်လေ့ရှိတဲ့ လူမျိုးတွေ အကြောင်း ၊
ရိုးသားကြပြီး ဘာသာရေးကို ဦးထိပ်ပန်ဆင်ကာ လိုက်နာတတ်ကြသူတွေ ၊
အကို အစ်မ ဦးလေး အဒေါ် အစရှိသဖြင့် တစ်စုတစည်းထဲ နေလေ့ရှိတဲ့ မိသားစုတွေ အကြောင်း ။
လှည့်လည်သွားလာနေတတ်တဲ့ ဂျိန်းဘုန်းကြီးတွေ လာလျှင် အုန်းအုန်းကြွက်ကြွက်ကြိုဆိုတတ်ပုံတွေ ၊
ဘုန်းကြီးတွေ တရားဟောတာကို လာနားထောင်တတ်ကြပြီး ညတိုင်ဆို  ရာမဇာတ်အကြောင်းကို ဟောပြောတာကို လူတွေက တမေ့တမော နားထောင်တတ်သည် ။
ညမှာ ဟောရင် မီးမထွန်းကြဘူး ။
"မှောင်ခြင်းက လှလို့ ၊ ကုန်းဆုံးမသွားစေချင်ဘူး " တဲ့ .... ကြည့်စမ်း .....  သူတု့ိရဲ့ လောကအလှကို ရှုမြင်တတ်ပုံက နှစ်သက်စရာ ။
တခြားသော ထူးဆန်းတဲ့ လူနေမှုပုံစံတွေ နဲ့ ........
သူတို့ရဲ့ ကမ္ဘာကြီးက ပျော်ဝင်စရာ ၊ စိတ်ဝင်စားစရာ ကောင်းလှပါတယ် ။

နောက်ပြီး ..........
ဒီစာအုပ် က ဆရာကိုတာရဲ့ ပထမဆုံး ဘာသာပြန်ဝတ္ထုရှည်လေ ။ 
"လူတစ်ယောက်အကြောင်း နဲ့. သူ့စိတ်ကူး စိတ်သန်းတွေအကြောင်းဟာ စိတ်ဝင်စားစရာ ဖြစ်မယ် မဟုတ်ဘူးလား ။ အရေးအသားမှာ ပထမတော့ ခပ်လေးလေး ၊ နောက်တော့ ဆွဲဆောင်သွားသည် ။"ဟု
ဆရာကိုတာ ကညွန်းဆိုထားသည် ။

ကဲဗျာ ...........
အရင်ဆုံး ခုလိုဆန်းကြယ်လှတဲ့ တစ်ခြားကမ္ဘာတစ်ခုကို
အလည်တစ်ခေါက်လောက် သွားကြရအောင် ။
နောက်မှ ......... 
မသိခြင်းတွေအကြောင်း ကျွန်တော်တို့တစ်တွေ အတွေးချင်း ညှိကြတာပေါ့ ။
ဖတ်ညွှန်း - Mg Naing Yan


Publisher Name: မုံရွေးစာအုပ်တိုက်

Publisher Address: အမှတ် ၂၁၃-၂၁၅၊ဗိုလ်တစ်ထောင်ဘုရားလမ်း ပုဇွန်ထောင်မြို့နယ်၊ရန်ကုန်။ဖုန်း-01297072

Publisher Phone Number: 01297072


Related Books

Book Review Image

ပညာသိုက်

တိုက်စိုး
Book Review Image

မလိမ်တတ်မညာတတ်တဲ့လူတစ်ယောက်နှင့်အခြားဝတ္ထုတိုများ

မြင့်သန်း
Book Review Image

ဦးတင့်ဆွေ

ဦးတင့်ဆွေ
Book Review Image

စာကြည့်တိုက် ခရီးသည်

ဟိန်းလတ်
Book Review Image

ကြောက်စိတ်နဲ့ ကလေးတို့မနက်ဖြန် (သင့်ဘဝမျက်နှာဖုံးဆောင်းပါးများ)

မောင်သစ်ဆင်း
Book Review Image

အ​တွေး​နောက်​က အ​ရေး ( ​တောက်​တိုနှင်​့ မမည်​မရများ )

မြင့်သန်း
Book Review Image

စာအုပ်​များနှင်​့နှစ်​​ပေါင်​းများစွာ ၊ မင်​ခြစ်​​ကောက်​​ကြောင်​းများ

ကျော်ဝင်း
Book Review Image

ဗော်လဂါမှ ဂင်္ဂါသို့

ပါရဂူ
Book Review Image

စခန်​း​နော်​ လိုရာကွန်​့နိုင်​တဲ့

​မောင်​ထင်​
Book Review Image

လူကောင်းများ၏ မသိစိတ်မှ ဘက်လိုက်ခြင်း နှင့် စိတ်ပိုင်းဆိုင်ရာ တွေးစရာ ဆောင်းပါးများ

ကျွန်း
Book Review Image

လင်​းယုန်မှတာရာ ( လင်​းယုန်​ဂျာနယ်​ပါ​ ဆောင်​းပါးများစုစည်​းမှု )

ဒဂုန်တာရာ
Book Review Image

​ဇော်​ဂျီ ၊ ကျွန်​​တော်​ နှင်​့ သီရိပစ္စယာအလွမ်​း

မြသန်းတင့်
Book Review Image

​ခေတ်​စမ်​းပုံပြင်​များ ​(ခေါ်) ​ခေတ်​စမ်​းဝတၳုများ

မင်းသုဝဏ်
Book Review Image

အောက်​​မေ့တသအမှတ်​တရစာ

လူထုဒေါ်အမာ
Book Review Image

အနက်ဖော်ရခက်သော နေ့စဉ်သုံးမြန်မာဝေါဟာရများအဘိဓာန်

သန်းဝင်းလှိုင်
Book Review Image

၀င်းဖေ ၏ လွယ်အိတ် ၁+၂+၃

၀င်းဖေ
Book Review Image

လန်ဒန်-ရောမ၊ ဥရောပ

မသီတာ(စမ်းချောင်း)
Book Review Image

စိတ်​ဓာတ်​​တော်​လှန်​​ရေး

​ဒေါက်​တာ​အောင်​ခင်​
Book Review Image

စကားလုံးများကပြောသော ကွန်ပျူတာတစ်လုံးနှင့်အင်တာနက်အကြောင်း

ဟန်ဇော်
Book Review Image

စသည်၊ စသည်ဖြင့်…

မြင့်သန်း