ရေမွှေး
လင်းခန့်
ရေမွှေး -လင်းခန့်
ပထမအကြိမ်
အောက်တိုဘာ၊၂၀၁၈
ဖြန့်ချီရေး-မဟာစာပေ
စျေးနှုန်း - ၃၅၀၀ကျပ်
“ရနံ့များဖြင့်ဆွဲဆောင်ခြင်း ”
ဒီစာအုပ်လေးထွက်စက ဘာသာပြန်စာပေ တွေကို ဖတ်ရတာ စိတ်ညောင်းနေတာရယ် ဒီစာအုပ်ကို ရုပ်ရှင်အဖြစ်ကြည့်ထားတဲ့အတွက် ၀ယ်ဘို့စိတ်ကူးထဲရောက်မလာခဲ့။
ဒါပေမယ့် ဒီတစ်ခေါက် မိတ်ဆွေရဲ့ စာအုပ်ဆိုင်ရောက်တော့ ခါတိုင်းလို့ ၀င် မမွှေဖြစ်ပါ။
ဟိုပြောဒီပြော ရောက်တတ် ရာရာပြောပြီးအပြန်မှာ တော့ ဒီအတိုင်းလဲမပြန်ချင်တာနဲ့
ရေမွှေးကို ၀ယ်ခဲ့လိုက်ပါတယ်။
ဒါပေမယ့် တော်တော်နဲ့မဖတ်ဖြစ်။
သင်္ကြန်ရက်ရောက်တော့အချိန် တွေ ပိုထွက်လာတော့ ကောက်ကိုင်မိပါတယ်။
စာအုပ်ဖတ်နေရင်းက အချို့အခန်းတွေကို ရုပ်ရှင်နဲ့တွဲပြီးမြင်ယောင်လို့လာပါတယ်။
ရုပ်ရှင်ကြည့်စဉ်ကာလက စကားမပေါက်တော့ သရုပ်ဆောင်တာလောက်ကိုဘဲကြည့်ပြီး
ဇာတ်လမ်းကို နားလည်အောင်ကြိုးစားခဲ့ရတာပါ။
အခု စာအုပ်ဖတ်လိုက်တဲ့အခါမှာ မှ အရင်က မသိခဲ့တာတွေကိုသိပြီး ရှင်းရှင်းလင်းလင်း မြင်လာခဲ့ပါတယ်။
အရင်တုံးကတော့ ရေမွှေးဆိုတာ ကိုယ့်ခန္ဓာကိုယ်က ထွက်လာတဲ့ အနံ့ဆိုးတွေကိုဖုံးကွယ်ဘို့ သုံးကြတယ်လို့ မှတ်ထင်ထားခဲ့ပေမယ့် ဒီစာအုပ်ကိုဖတ်ပြီးတဲ့အခါမှာတော့ သူများကို ရနံ့နဲ့ဆွဲဆောင်နိုင်ဘို့ အတွက်သုံးတယ်လို့လဲ သဘောပေါက်လာပါတယ်။ မိမိ ကို အခြားသူတစ်စုံတစ်ယောက် က အာရုံကျလာအောင် မိမိရဲ့အနံ့နဲ့ဆွဲဆောင်ယူလို့ ရတယ်လို့ သိလာမိပါတယ်။
ဒီဇာတ်လမ်းလေးကတော့ ပစ္စည်းတစ်မျိုးချင်းစီမှာရှိနေတဲ့ မတူညီသောအနံ့တွေကို ပေါင်းစပ်ပြီး ဆွဲဆောင်နိုင်အားကောင်းတဲ့ရနံ့အဖြစ်ဖန်တီးယူတဲ့ ထူးကဲတဲ့ပါရမီရှင်လေးတစ်ယောက်အကြောင်းပါဘဲ။
ထူးခြားလှတဲ့ ဇာတ်ကောင်စရိုက်ရှိတဲ့ ဇာတ်လမ်းတစ်ပုဒ်ဘဲဖြစ်ပါတယ်။ ဒီစာအုပ်ဖတ်ပြီးတဲ့အခါမှာတော့ အဲ့ဒီရုပ်ရှင်ကို နောက်တစ်ခေါက်ပြန်ကြည့်ချင်တဲ့စိတ်တွေပေါ်လို့လာပါတယ်။ ခက်တာက အဲ့ဒီအခွေက ကိုယ့် အနားမှာ အလွယ်တကူမရှိတော့ မချင့်မရဲဖြစ်မိတာအမှန်ပါ။
ယခုအချိန်အခါမှာ စာအပေအနုပညာနဲ့ပါတ်သက်ရင် အင်မတန်မှ ဂန္ထ၀င်ဆန်လှတဲ့ ပြင်သစ်ပြည်ရဲ့ အားကျ မက်မောဘွယ်ရာ ကောင်းတယ်လို့ ယူဆရတဲ့ လူနေ့မူ့အဆင်အတန်းများဟာ လွန်လေပြီးသောကာလက အချိန်တွေမှာ အင်မတန်မှ စက်ဆုပ်စရာကောင်းလှတာကို သိလာရတဲ့အခါစိတ်ထဲမှ တစ်မျိုးကြီးဖြစ်သွားတာတော့ အမှန်ပါဘဲ။
ဘာဘဲပြောပြော ဒီစာအုပ်လေးက ဖတ်တဲ့သူရင်ထဲကို စူးရှစွာ ၀င်ရောက်သွားခဲ့နိုင်တာကတော့လက်တွေ့ပါဘဲ။
အခုပြောနေတဲ့ ကတော့ ဆရာ လင်းခန့်ဘာသာပြန်ထားတဲ့ ရေမွှေးဆိုတဲ့ စာအုပ်လေးရဲ့အကြောင်းပါဘဲ။
ကိုပေါက်(မန္တလေး)
15419
Publisher Name: မဟာစာပေ
Publisher Address: အမှတ် (၆၃_B)၊ ၅_လွှာ (A)၊ အင်ကြင်းလမ်း၊ သု၀ဏ္ဏ၊ သင်္ဃန်းကျွန်းမြို့နယ်၊ ရန်ကုန်မြို့။ ၀၉၄၅၀၆၂၃၃၈၃၊ ၀၉၄၅၀၆၂၃၃၈၄။
Publisher Phone Number: ၀၉၄၅၀၆၂၃၃၈၃၊ ၀၉၄၅၀၆၂၃၃၈၄။
