စွဲစွဲနစ်နစ်
ရွှေဝင်း
ရွှေဝင်း
စွဲစွဲနစ်နစ်
Pearl S.Buck ၏ Satan Never Sleeps ကို
ဘာသာပြန်သည်။
ဘဝတက္ကသိုလ် စာပေ၊
ပထမအကြိမ်၊ အောက်တိုဘာ ၂၀၁၉။
မျက်နှာဖုံး - ပန်းချီ တင်ထွဏ်း။
၁၃.၂ စင်တီမီတာ x ၂၀.၂ စင်တီမီတာ။
စာမျက်နှာ - ၂၃၂ ၊ တန်ဖိုး - ကျပ် ၃၀၀၀။
အမေရိကန်စာရေးဆရာမကြီး ပါးလ်အက်စ်ဘတ်ခ်၏ ၁၉၆၂ ခုနှစ်တွင် ထုတ်ဝေခဲ့သော ဝတ္ထုရှည်ကို ဘာသာပြန်ဆိုထားခြင်း ဖြစ်သည်။
ဘုန်းတော်ကြီး အိုဘင်န် နီယွန်သည် အရပ်ဒေသနယ်ပယ် ဗရင်ဂျီ ခရစ်ယာန် အသိုင်းအဝိုင်း တာဝန်ခံအဖြစ် ထမ်းဆောင်ရန်အတွက် ကွမ်တုံပြည်နယ်အတွင်းရှိ စန်လီဝမ်မြို့သို့ ရောက်ရှိလာသည်။
ဇာတိမြေ အိုင်ယာလန်သို့ ပြန်မည့် ကျောင်းထိုင်ဆရာတော် ဖဇ် ဂစ်ဘွန်၏ နေရာ၌ အစားထိုးတာဝန်ယူရန်အတွက် ရောက်ရှိလာခြင်းဖြစ်သည်။
ထိုအချိန်မှာပင် မြောက်ပိုင်းမှ ချီတက်လာသော တပ်နီတပ်စု တစ်စုရောက်ရှိလာပြီး အိုင်းရစ်ဘုန်းတော်ကြီး နှစ်ပါးကို ဖမ်းဆီးကာ ကျောင်းထိုင်အိမ်တော်အတွင်း မှာပင် ထိန်းသိမ်းထားလိုက်သည်။
တပ်နီတပ်စု၏ ခေါင်းဆောင်မှာ ဟိုစန်း ဖြစ်သည်။ အငတ်ဘေးဆိုက်သည့် ကာလက မိဘများနှင့်လူချင်း ကွဲကာ ခိုကိုးရာမဲ့ ဖြစ်ခဲ့ရသူ ဟိုစန်း ကို ဘုန်းတော်ကြီး ဖဇ်ဂစ်ဘွန် က ကျွေးမွေးစောင့်ရှောက်ခဲ့သည့်တိုင် အရွယ်ရောက်လာချိန်တွင် ဘုန်းတော်ကြီးကျောင်းမှ ထွက်ပြေးကာ တပ်နီတော်သို့ ဝင်ရောက်သွားခဲ့သည်။
ဘုန်းတော်ကြီးများထိန်းသိမ်းခံနေရစဉ်အတွင်း ကျောင်း ထိုင်အိမ်တော်သို့ စူးလန် ရောက်ရှိလာသည်။ စူးလန်မှာ ဘုန်းတော်ကြီး အိုဘင်န်နီယွန် တာဝန်ကျခဲ့သည့် သီလရှင်ကျောင်းတွင် ထမင်းချက်အဖြစ်လုပ်ဆောင်ပေးနေသူဖြစ်သည်။ ဘုန်းတော်ကြီး အိုဘင်န်နီယွန် ကို တစ်ဖက်သတ်မေတ္တာရှိနေသူလေးလည်းဖြစ်ရာ ဘုန်းတော်ကြီးပြောင်းရွှေ့တာဝန်ထမ်းဆောင်ရာသို့ လိုက်လာခြင်းဖြစ်သည်။
နယ်စွန်နယ်ဖျားတွင် တာဝန်ချထားခံရသည့် တပ်နီတော်အောက်ခြေတပ်သားများ၏ အခြေအနေတချို့ကို နောက်ခံထားကာ အိုဘင်န်နီယွန်၊ ဟိုစန်းနှင့် စူးလန်တို့၏ သုံးပွင့်ဆိုင် ချစ်မေတ္တာဇာတ်လမ်းကို ရက်ရှယ်ဖော်ကျူးထားသည့် ဆွတ်ပျံ့ညွတ်နူးဖွယ် ဝတ္ထုရှည်တစ်ပုဒ် ဖြစ်ပါသည်။
မိုးမင်းသိမ်း
၂ ဇန်နဝါရီ ၂၀၂၀
Publisher Name: ဘဝတက္ကသိုလ်စာပေ
Publisher Address: အမှတ် ၁၄၉/ ၃၇ လမ်း/ရန်ကုန်
Publisher Phone Number: ၀၁၂၄၉၇၄၁, ၀၉၅၁၁၂၇၁၄
