ကင်မ်ဂျီယောင်း ၊ ၁၉၈၂တွင်ဖွားမြင်သည်
ရဲရင့်ကျော်
မူရင်းစာအုပ်အမည် ။။ ။ KIM JIYOUNG,BORN 1982
မူရင်းစာရေးသူ ။။ ။ Cho Nam_ joo
ဘာသာပြန်အမည် ။။ ။ ကင်မ်ဂျီယောင်း ၊ ၁၉၈၂တွင်ဖွားမြင်သည်
ဘာသာပြန်ဆရာ ။။ ။ ရဲရင့်ကျော်
ထုတ်ဝေသည်တိုက် ။။ ။ အမတနှင်းဆီ
စာမျက်နှာ။ ။။ ။ ၁၆၉
ထုတ်ဝေသည်အကြိမ် ။။ ။အောက်တိုဘာလ ၊ ပအကြိမ်
တန်ဖိုး။ ။။ ။ ၃၀၀၀
မင်္ဂလာပါခင်ဗျ
ဒီနေ့ စာအုပ် လေးတစ်အုပ်ကို ညွန်းဆိုပေးချင်ပါတယ်
ဘာသာပြန် စာအုပ်လေး တစ်အုပ်ပါ
KIM JIYOUNG, BORN 1982 စာအုပ်လေး ကို မူရင်းစာရေးဆရာမ Cho Nam_ joo က ရေးသားထားတာပါ
မြန်မာဘာသာပြန် အနေနဲ့ စာရေးဆရာ #ရဲရင့်ကျော် က ဘာသာပြန်ထားပြီး
ကင်မ်ဂျီယောင်း ၊ ၁၉၈၂ တွင်ဖွားမြင်သည် စာအုပ်လေးပါ
အမျိုးသမီးတစ်ယောက် မွေးဖွားလာတာ နဲ့ ဒီမိန်းကလေးကို ကြိုးပေါင်းများစွာနဲ့ ချည်နှောင်လိုက်ကြတယ်
မိန်းကလေးသည် ယောက်ျား လေး နဲ့ ယှဉ်လို့မရဘူး ၊ ဦးစားပေးမခံရဘူး ၊ အနေအထိုင်အပြောအဆို တွေတင်းကြပ်စွာနေရမယ် ၊ စာသင်ကြားရာမှာ မိန်းမကလေး တစ်ယောက် ရေးတက်ဖတ်တက်ယုံနဲ့ရတယ် ၊ ယောက်ျား အတွက် သားသမီး တွေ အတွက် နဲ့ ပဲ အချိန်ပေး အိမ်မှုကိစ္စတွေလုပ်ရင်း နေထိုင်ရမယ် ဆိုတဲ့ ကြိုးတွေနဲ့ ချည်နှောင်ပလိုက်ကြတယ် ။
အမျိုးသမီးတွေ လိင်ပိုင်းဆိုင်ရာ စကားတွေ နဲ့ ပြောဆိုခံရ ၊ ကိုယ့်ထိလက်ရောက် ကျုးလွန်းခံရရင်းလဲ ၊ နင့် ဘယ်လို အဝတ်အစားဝတ်လဲမသိတာ ၊ နင့်ဘယ်လိုနေထိုင်လဲမသိတာ စသည်ဖြင့် အရင်ဆုံးအပြောခံရတယ် ၊ ကာကွယ်ပေးမယ် ၊ နှစ်သိမ့်ပေးရမယ် ၊ ဘယ်လိုရင်ဆိုင်တုန့်ပြန်ပေးရမလဲဆိုတာ ကို မပြောပြပေးပဲ အရှက်တရား နဲ့ အကြောက်တရား ဆိုတဲ့ အရိပ်ကြီးကို မိုးထားပေးလိုက်ကြတယ်
အစ်ကိုတွေ မောင် တွေ သူမရဲ့ရည်းမှန်းချက်တွေ စွန့်လွတ်လိုက်ရတယ် ၊ သူမတို့ဖြစ်ချင်တဲ့ အိပ်မက်တွေကို မက်ခွင့်မရှိတော့ဘူး ။ အကိုတွေမောင်တွေ ပညာတက်ဖြစ်ဖို့ ထောက်ပံ့ရတယ် ။
အမျိုးသမီးတွေ ရဲ့ ဆုံးရှုံးမှုတွေအများကြီးပဲ ။
ကျွန်တော်တစ်ခုပြောချင်တာတော့ လူတိုင်းလူတိုင်း ကိုယ့်ရှင်သန်နေရတဲ့ဘဝမှာ ကိုယ့်ဖြစ်ချင်တဲ့အိပ်မက်တွေကို ခဏလေးဖြစ်အောင်လုပ်ပါ ။ ကိုယ့်သိသည် မည်သူတစ်ဦးတစ်ယောက်ကိုမျှ ထိခိုက်နာကျင်အောင်မလုပ်ပဲ ကိုယ့်ဘဝကိုပျော်ရွင်အောင်နေပါ ။ ကိုယ့်မလုပ်ရသိအတွက် အသက်အရွယ် တစ်ခုမှ နောင်တရနေရင် စိတ်ပင်ပန်းတာပဲရှိမယ် ။
ကျွန်တော် တို့ နောင်တ ဆိုတဲ့စကားလုံကို အဓိပ္ပာယ် ဖွင့်ဆိုထားတာပဲ ။ ပြုသင့်သည်ကိုမပြုမိ ၊ မပြုသင့်သည်ပြုမိသည်အတွက် အချိန်လွန်ပှုပန်ခြင်း ဆိုတဲ့ အဓိပ္ပာယ်ပဲ ။
ဒါကြောင့်အမျိုးသမီးတွေသည် ကိုယ့်ဖြစ်ချင်သည့်အိပ်မက်တွေကို မက်ပါ ။
အမျိုးသမီးတွေသည် ကိုယ့်ကိုအနိုင်ကျင့် စော်ကားပြောဆိုနေတာ ၊ ပြုလုပ်နေတာ ကို မသိရှိနားမလည်တာတွေရှိတယ် ။
လင်ယောက်ျားက ရိုက်နှက်တာကို သူကိုချစ်လို့ရိုက်တာပဲလို့တွေးထင်တာ တွေ ၊ ဒါသည် အိမ်တွင်းအကြမ်းခံရတယ်ဆိုတာ သူမတို့မသိဘူး ။ မသိအောင်လုပ်ထားတဲ့ လူအဖွဲ့အစည်းမှာ သူမတို့ရှင်သန်နေရတာလေ ။ ရှေးအဆက်ဆက် အရိုးစွဲနေတဲ့စကားလုံး ဆုံးမမှုအောက်မှာ သူမတို့ပြန်လည်ထူမနိုင်ကြတော့ဘူးလေ ။
ဒီစာအုပ်ထဲမှာ ကင်မ်ဂျီယောင်း ၈ တန်း နှစ် မှာ သူမတို့ ကို အဝတ်စလစ် လူတစ်ယောက်က ပြတင်းပေါက်အပြင်ဘက်ကနေ အဝတ်အစားချွတ်ပြနေတဲ့ လူကိုကြတော့ မဖမ်းပဲ
သူမတို့မိန်းကလေးတွေကို အပြစ်ပေးတာ တွေက အင်မတန်မှအံ့ဩရတယ်
ကျား/မ တန်းတူအခွင့်အရေး မရ ၊ တန်းတူညီမျှ မှုဆိုတာ စာအုပ်ထဲမှာပဲရှိနေကြတယ်
အမျိုးသမီးတွေ လုပ်ငန်းခွင်မှာ နှိမ့်ချခံရတာလေ ရိသဲ့သဲ့ အပြောအဆို တွေကို ခံစားနေရတယ်
ယောက်ျားလေး နဲ့ မိန်းမကလေး အလုပ်အကိုင် အခွင့်အလမ်းက ယောက်ျားလေးတွေရန်ုင်မှုပ်ုသာနေကြတယ်
မိန်းကလေး တစ်ယောက် အိမ်မှု ကိစ္စ ဟင်းထမင်းချက်တက်ရမယ် ။
နင့်တို့ချက်တက်မှ ယောက်ျားက မထားသွားမှာ ။ မိန်းကလေး တစ်ယောက်ကို မျိုးဆက်ပွား ကုန်ထုတ်စက်လိုသဘောထားကြတဲ့ လူအဖွဲ့အစည်းပဲ ။
မိန်းကလေးတစ်ယောက် ဟင်းချက်တက်ဖို့သိသည် ၊ ဘယ်သူကိုမှ ချက်ကျွေးဖို့မဟုတ်ဘူး ၊ ကိုယ့်တစ်ယောက်ထဲနေထိုင်ရှင်သန်ရရင် ကိုယ့်စားဖို့ ချက်တက်ဖို့ပဲ ခင်ဗျ
အိမ်ထောင်သည် အမျိုးသမီး တစ်ယောက် ကလေးမရသေးရင် မယူသေးဘူးလား ၊ မရလို့လား ၊ ဘယ်သူချိုယွင်းနေလို့လဲ အပြောအဆိုတွေခံရတယ်
ကလေးတစ်ယောက် ယူတယ် ဆိုတာ မိန်းကလေးအတွက် အင်မတန်မှ စာနာသနားမိရတယ် ။ ကိုယ့်ဝန်ဆောင်စဉ် ကာလအတွင်း ခံစားရတဲ့ဝေဒနာတွေ ၊ မီးဖွားတဲ့ အချိန်ခံစားရတဲ့ဝေဒနာ တွေဟာ ဒီစာအုပ်လေးဖတ်ပြီးမှစာနာမိတယ် ။
တချို့ က ငါတို့ကရိုးရိုးမွေးတာပဲကြိုက်တယ် ၊ ခွဲမွေးတာအားမပေးဘူး ၊ရိုးရိုးေမွးတာက ဖွားခန်းနီးခံရတဲ့ဝေဒနာကို ခံစားရတာသိတာပေါ့လို့ အမျိုးသမီးအချင်းချင်းမစာမနာပြောဆိုတာတွေကို တွေ့ရတယ်
အမျိုးသားတွေ အပြင်ထွက်ပိုက်ဆံရှာပေမယ့် အမျိုးသမီးတွေ အိမ်တွင်းတိုက်ပွဲတွေမှာ တစ်ဦးတစ်ယောက်ထဲ တိုက်ပွဲဝင်နေရတာကို ဒီစာအုပ်လေးထဲမှာ စာဖတ်သူ သိရှိခံစားမိအောင် ဖော်ပြရေးသားထားပါတယ်
ဒီစာအုပ်ဖတ်ပြီး အိမ်တွင်းတိုက်ပွဲဝင်နေတဲ့ အမျိုးသမီးများကို စာနာပါ ဖေးမပါ ကူညီပါ အချိန်ပေးပါ
လူတစ်ယောက်ခံစားရတဲ့ဝေဒနာသည် နောက်လူတစ်ယောက်က ထပ်တူခံစားဖို့ဆိုတာ အင်မတန်မှခဲရင်းပါသည် ။
ဒါပေမယ့်တစိတ်တဒေသ သိရှိခံစား နားလည် ရင် စာနာမိရင် ကူညီကြပါ
အမျိုးသမီးများကို လိင်ပိုင်းဆိုင်ရာ စော်ကားနှောက်ယှက် ပြောဆိုတာတွေကို မလုပ်ဆောင် မပြောဆိုကြပါနဲ့
အမျိုးသမီးတစ်ယောက် အိမ်ထောင်သည် ဘဝ ခံယူလိုက်ပြီး မိခင်ဘဝပါ ဆက်လက်ခံယူလိုက်ရင် သူမတို့ စွန့်လွတ်လိုက်ရတာတွေက အများကြီးပါ ။
သူမတို့ရဲ့ နုပျိုမှု ၊ လွတ်လပ်ခွင့် ၊ အလုပ်တွေ ဒါတွေပါ အများကြီးပါ ဒါတွေ ကိုယောက်ျားသားတွေက သိရှိပြီးဖေးမကြပါ
တချို့ကပြောကြတယ် အိမ်ထောင်သည် ကလေးအမေ ဖြစ်နေပြီး လှချင်ပချင်နေတယ် ဆိုပြီးပြောဆိုကြတဲ့ လူတွေအများကြီးပါ ။ ဒါတွေဂရုမစိုက်နဲ့ ကိုယ့်ကိုကိုယ့် လှပကျန်းမာအောင်နေပါ ။
ဒီစာအုပ်လေးက ပါးပါးလေးပဲ ဒါပေမယ့် အမျိုးသမီးတွေရဲ့ ခံစားရတဲ့ ဝေဒနာ နာကျင်မှုတွေ ကို ခံစားသိရှိရတော့ ခဏခဏ ပြန်ချရင်း သက်ပြင်းချမိပါတယ် ။
ဒီစာအုပ်ထဲမှာ ကင်မ်ဂျီယောင်း ကလေးဘဝ ဖြတ်သန်းရတဲ့ ခံစားမှု ၊ဆယ်ကျော်သက်အရွယ်မှာ ရင်ဆိုင်ရတဲ့ဝေဒနာ ၊
အမျိုးသမီးငယ်ဘဝမှာ ရင်ဆိုင်ကြုံတွေ့ရမှု ၊အိမ်ထောင်သည်ဘဝမှာ အိမ်တွင်းရင်ဆိုင်ရတဲ့အခက်အခဲတွေ ကို တစ်ပိုင်းခြင်းဖော်ပြထားပါတယ် ။
ကျွန်တော် ကြိုက်တဲ့အခန်းတွေအများကြီးရှိတယ် ။ မာန်ပါပြီး လိုက်ပါပြောမိတယ်
ဘာသာပြန်စာရေးဆရာ ရဲရင့်ကျော် ရဲ့ ဘာသာပြန်အရေးအသားသွက်လက်မှုကြောင့်လဲ ကင်မ်ဂျီယောင်အနောက်ကိုပါသွားတယ်
ဒီစာအုပ်က ဆရာရဲ့ ဒုတိယ ဘာသာပြန်စာအုပ်ဖြစ်ပါတယ်
ပထမစာအုပ်ဖြစ် တဲ့ ဝင်သက်ထွက်သက်များရပ်တန့်သွားသောအခါ စာအုပ် နဲ့ တင်ဆရာပရိသတ်တစ်ယောက်ဖြစ်ခဲ့ရတာပါ ။
ဒီစာအုပ်လေးဖတ်ပြီး အမျိုးသမီးတွေရဲ့ ဘဝတွေကိုပိုမိုစာနာမိလာတယ် ။ အထူးသဖြင့်ယောကျါားလေးတွေကိုပိုဖတ်စေချင်တယ်။
ဒီစာအုပ်ကို ဘာသာပြန်ပေးတဲ့ ဆရာ ရဲရင့်ကျော်ကိုလဲကျေးဇူးအထူးတင်ပါတယ် ။ နောက်ထပ်စာပေကောင်းဆက်လက်ဘာသာပြန်န်ုင်ပါစေ
ထုတ်ဝေပေးသည် အမတနှင်းဆီစာအုပ်တိုက်ကိုကျေးဇူးတင်ပါသည် ။ဆက်လက်၍ စာပေကောင်းများထုတ်ဝေန်ုင်ပါစေ
ရှေးရိုး အယူအစ အစွဲ တွေ နဲ့ အမျိုးသမီးတွေရဲ့ ကိုယ့်ပေါ်မှာ တံဆိပ်နှိပ်ကပ်ထားဆွဲထား ချည်နှောင်ထားတဲ့ ကြိုးများတွေကို ဖြေနိုင်ခွာနိုင် ဖြုတ်နိုင်ပါစေ
" သမီး အိမ်ထောင်ပြုရမှာလား၊ ကလေးတွေမွေးမှာလား ဆိုတာလည်း မသေချာဘူး။ ဒါမှမဟုတ် အဲဒါတွေမလုပ်ရသေးခင် သေသွားမှာလားဆိုတာလည်း သမီးမသိဘူး ။ ဖြစ်လာမလား မရေရာတဲ့ အနာဂတ်အတွက် ပြင်ဆင်ပြီး သမီးဖြစ်ချင်တဲ့အရာတွေကို လက်လျှော့ရမှာလားအမေ "
ကင်မ်ဂျီယောင်းကို သူအမက မေးတယ် ဘယ်နိုင်ငံတွေသွားချင်လဲမေးတော့ ၊ ကင်မ်ဂျီယောင်းက ဂျပန်၊ တရုတ် ၊ ယူအက်စ်အေ လို့ဖြေတယ်။
ကင်မ်ဂျီယောင်းအမ က တော့ ဒိန်းမတ် ၊ဆွီဒင် ၊ ဖင်လန်တိုလို ဥရောပမြောက်ပိုင်းကိုရွေးတယ် ။ ဘာလို့လဲဆိုတော့ ကိုရီးယားတွေ သိပ်မရှိတဲ့ နိုင်ငံတွေမလို့တဲ့ ။
ကင်မ်ဂျီယောင်ကို လိုက်နှောက်ယှက်တဲ့ လူဆီကနေ ကယ်လိုက်တဲ့အမျိုးသမီးကြီးကပြောတယ်
" ကမ္ဘာပေါ်မှာ တကယ်ကောင်းမွန်မြင့်မြတ်တဲ့ယောက်ျားတွေလည်းအများကြီးရှိနေသေးတယ် "
ဒီစာအုပ်လေးကို ဖတ်ကြည့်ပါလို့တိုက်တွန်းချင်ပါတယ် ။
#sithu
၆နာရီ ၁၅ မိနစ်
Publisher Name: အမတနှင်းဆီ
