တစ်ပင်းပွိုင့်
ဘိုဘိုဟန်
The Tipping Point စာအုပ်ဟာ Malcolm Gladwell ရဲ့ ပထမဦးဆုံး
ပုံနိုပ်ထုတ်ဝေတဲ့ စာအုပ်ဖြစ်ပါတယ်။ ထုတ်ဝေနှစ်က ၂ဝဝဝ ပြည့်နှစ် ဖြစ်ပါတယ်။
ဒီစာအုပ်မှာ အသေးအဖွဲဆိုပေမဲ့ အရေးပါအရာရောက်လှတဲ့ အချက်လေးတွေကိုစနစ်တကျ သုံးသပ်ထားပါတယ်။ TippingPoint ဆိုတဲ့ စကားလုံးကို အရေးကြီးတဲ့အပြောင်းအလဲအချိုးအကွေ့ကာလ၊ အရေးကြီးတဲ့ အခိုက်အတန်. ကာလ၊အပြောင်းအလဲကို အဆုံးအဖြတ်ပြုနိုင်တဲ့ ကန် သတ်ပမာဏ၊ ရေဆူမှတ် စသဖြင့်အဓိပ္ပါယ်ဖွင့်ထားပါတယ်။
ဒီစာအုပ်ဟာ ကျွန်တော်တို့ရဲ့ နေ့ စဉ်ဘဝမှာကြုံတွေ့နေတဲ့ ဖြစ်ရပ်လေး
တွေအပေါ်မှာ မတူညီတဲ့ ရှုထောင့်တွေကနေ သုံးသပ်တင်ပြထားတဲ့ စာအုပ်ဖြစ်ပါတယ်။
ကျွန်တော်တို့ရဲ့ လူမှုလောကဟာ ရှုပ်ထွေးဆန်းကြယ်လှတယ်ဆိုပေမဲ့ သူ့အစီအစဉ်နဲ့သူသွားနေတဲ့ ဖြစ်စဉ်တွေ ဥပဒေသတွေ ရှိနေပါတယ်။ ဒီစာအုပ်မှာ အဲဒီဥပဒေသတွေကို သိမြင်နားလည်လွယ်အောင် ဥပမာ၊ ဥပမေယျ အစုံအလင်နဲ့ ရှင်းလင်းတင်ပြထား
လူတိုင်းဟာ လူသိများတဲ့သူ၊ ထူးခြားတဲ့အရည်အချင်းရှိသူ မဟုတ်ပါဘူး။
တစ်ချို့တစ်လေ အနည်းငယ်လောက်ပဲ .. အဲဒီအရည်ချင်းမျိုးကို ပိုင်ဆိုင်ကြပါတယ်။ လူမှုလောကရဲ့ မှတ်တိုင်တွေ အချိုးအကွေ့ တွေမှာ အဲဒီလိုလူမျိုးတွေရဲ့စွမ်းဆောင်မှုက ဘယ်လောက်အရေးပါသလဲ။ ဘာပဲလုပ်လုပ် တစ်ဖက်သားနဲ့လူအများရင်ထဲ စွဲသွားအောင် ဘယ်လိုလုပ်မလဲ။ ကိုယ့်ပစ္စည်း ကိုယ့်လုပ်ဆောင်ချက်မှာ အများနဲ့မတူဘဲ ထူးထူးခြားခြား စွဲမက်နှစ်သက်စရာ သဘောကျစရာအချက်တွေကို ဘယ်လိုဖန်တီးထည့်သွင်းမလဲ။ ကာလံဒေသံအဂ္ဂဓနံ ဆိုသလိုကိုယ်လုပ်တဲ့အလုပ်တိုင်းမှာ ကာလဒေသပရောဂအခြေအနေတွေကို သုံးသပ်နားလည်ပြီးမှ လုပ်မယ်ဆိုရင် သက်တောင့်သက်သာနဲ ့ ပိုမိုပြီးခရီးရောက်နိုင်တဲ့
အကြောင်း၊ အမှိုက်ကစ ပြဿဒ်မီးလောင် ဆိုသလို အရေးတယူဂရုစိုက်ရမဲ့အဖွဲလေးတွေအကြောင်း၊ ထန်းသီးကြွေခိုက် ကျီးနင်းခိုက် ဥပမာလို ကြွေလုကြွေခိုက် ဖြစ်နေတဲ့ ထန်းသီးကို တွေ့အောင်ရှာနိုင်ရင် ကျီးတစ်ကောင်ရဲ့ အလေးချိန်ဟာလည်း . ထန်းသီးတစ်လုံး မြေကြီးပေါ်ကို ဘုန်းကနဲကြွေကျသွားအောင်စွမ်းနိုင်တဲ့အကြောင်း၊ မတော်တဆ ဖြစ်ရပ်ဆိုပေမဲ့ ရည်ရွယ်ချက်ရှိရှိနဲ့ အချိန်
အခါကောင်းကို စောင့်ဆိုင်းနိုင်မယ်ဆိုရင် သိပ်ပြီးပင်ပင်ပမ်းပမ်း အားထုတ်စရာမလိုဘဲ အသာအယာကြိုးစားမှုမျိုးနဲ့ အကျိုးကျေးဇူးကြီးမားအောင် စွမ်းဆောင်နိုင်တဲ့အကြောင်း စသဖြင့် စိတ်ဝင်စားဖွယ်ရာ အယူအဆ အတွေးအမြင်တွေကိုဖတ်ရှုရမှာ ဖြစ်ပါတယ်။
Publisher Name: ကမ်းလက်များ(Beacom) 09421137718
Publisher Address: ကမ်းလက်များ(Beacom) 09421137718
Publisher Phone Number: 09421137718
