Book Image

ဦးဆိုးပေ ဒေါ်ဆိုးပေ

ဖိုးနိုင်လင်း

ဖိုးနိုင်လင်း
ဦးဆိုးပေ ဒေါ်ဆိုးပေ
Roald Dahl ၏ The Twits ကို ဘာသာပြန်သည်။
တိုးမြစ်စာအုပ်တိုက်၊
ပထမအကြိမ်၊ ၁၅ ဇူလိုင် ၂၀၁၉။
မျက်နှာဖုံးပန်းချီနှင့်ဒီဇိုင်း - ဇော်မောင်။
၁၁.၇ စင်တီမီတာ x ၁၈.၅ စင်တီမီတာ။
စာမျက်နှာ - က မှ ဌ နှင့် ၉၃ ၊ တန်ဖိုး - ကျပ် ၂၀၀၀။



ဗြိတိန်နိုင်ငံသား ကမ္ဘာ
ကျော် စာရေးဆရာကြီး ရိုးလ်ဒါးလ် ၏ ၁၉၈၀ ပြည့်နှစ်တွင်ထုတ်ဝေခဲ့သည့် အရေး အသားအား ဘာသာပြန်ဆိုထားခြင်းဖြစ်ပြီး ကာတွန်း ဆရာကြီး ကွင်တင်ဘလိပ်၏ ကာတွန်းလက်ရာ တို့ကို လည်း ထည့်သွင်းဖော်ပြထားသည်။

ဘာသာပြန်သူ အမှာ၊ ရိုးလ်ဒါးလ် နှင့် ကွင်တင်ဘလိပ်တို့၏ ကိုယ်ရေးအကျဉ်းတို့ ပါရှိသည်။ ခေါင်းစဉ်ခွဲ ၂၉ ခု ပါရှိသည်။

'' ကလေးတွေအတွက် ရည်ရွယ်ပြီး ရေးထားတဲ့ ဟာသ
အခြေခံ ဇာတ်လမ်းလေးတစ်ခု ဖြစ်ပေမယ့် လူကြီးတွေ လည်း စိတ်ဝင်တစားဖတ်ကြတဲ့ စာအုပ်လေးတစ်အုပ်ပါ။

စာရေးဆရာက သူ တင်ပြချင်တာတွေ၊ သူ ပြောချင်တာတွေ နဲ့ သူလက်ခံထားတဲ့ နီတိတွေကို သူ့စာထဲမှာ ထင်ထင်ရှားရှား ပေါ်လွင်အောင် ရေးပြထားပါတယ် '' ဟု ဘာသာပြန်သူ၏ အမှာ တွင် ဖော်ပြထားသည်။ 

အဓိက ဇာတ်ကောင်တစ်ဦး ဖြစ်သော ဦးဆိုးပေ ကို သရုပ်ဖော်ထားသည့် အရေးအသားများအနက် အချို့မှာ အောက်ပါအတိုင်းဖြစ်သည်။

'' ဦးဆိုးပေဆိုတာဟာလည်း မျက်နှာမှာ အမွေးဗရပျစ်နဲ့ လူတွေထဲက တစ်ယောက်ပဲ။ သူ့နဖူးရယ်၊ မျက်လုံးတွေ ရယ်နဲ့ နှာခေါင်းက လွဲလို့ သူ့မျက်နှာတစ်ပြင်လုံး အမွေးတွေ တောထနေတာပဲ။ နှာခေါင်းပေါက်တွေ၊ နားရွက်ပေါက်တွေ ထဲကတောင် အမွေးတွေဟာ ပဲပင်ပေါက်တွေ အညှောက်ထွက်နေသလိုမျိုး ပြူထွက်နေကြသေး တယ်။

အဲသလို အမွေးအမှင်တွေ မျက်နှာမှာ တောထနေတာ ဟာ သူ့ကို တကယ့်ပညာရှိကြီးတစ်ယောက်နဲ့ တူစေ တယ်လို့ ဦးဆိုးပေက ထင်ထားတယ်။ ဒါပေမဲ့ အမှန်မှာတော့ ဒီလူဟာ ဆိုးပြီးရင်း ဆိုး၊ ပေပြီးရင်း ပေနေတဲ့ ငမိုက်သားကြီးတစ်ယောက်ပဲ။မွေးကတည်းက ဆိုးပေလေးအဖြစ် မွေးလာတယ်။ ခု အသက်ခြောက်ဆယ်လောက် ရှိလာတော့ ပိုပြီး ပိုပြီး ဆိုးလာတဲ့ ဆိုးပေကြီး ဖြစ်လာတော့တာပဲ။ '' ( စာမျက်နှာ ၃ နှင့် ၄ မှ )

အဓိက ဇာတ်ကောင်တစ်ဦးဖြစ်သော ဒေါ်ဆိုးပေကို သရုပ်ဖော်ထားရာတွင် အချက်အချို့မှာ အောက်ပါ အတိုင်းဖြစ်သည်။

'' ဒါပေမဲ့ ဒေါ်ဆိုးပေဟာ ရုပ်ဆိုးဆိုးကြီး မွေးလာတာ မဟုတ်ဘူး ဆိုတာကဖြင့် ထူးဆန်းတယ်။ သူ ငယ်ငယ်တုန်းက အတော်လေး ကြည့်ပျော်ရှုပျော်ပဲ။ အသက်ကြီးလာလေလေ ရုပ်က ဆိုးလာလေလေ ဖြစ်လာတော့တာ။ 

ဘာကြောင့် ဒီလိုဖြစ်ရတာတုံး။ ကျုပ် ပြောပြမယ်။

စိတ်ပုပ်၊ အတွေးပုပ်တဲ့သူဟာ မျက်နှာပါ ပုပ်လာတယ်။ နေ့တိုင်းလိုလို၊ အပတ်တိုင်းလိုလို၊ နှစ်တိုင်းလိုလို စိတ်တွေ ပုပ်၊ အတွေးတွေ ပုပ်တဲ့သူ တစ်ယောက်ဟာ ရုပ်ကလည်း ဆိုးသည်ထက် ဆိုးလာပြီး ခင်ဗျား မကြည့်ရဲလောက်တဲ့အထိ ရုပ်ကြီးဆိုးလာတော့တာပဲ။ 
ဒါပဲ အဖြေက။ '' ( စာမျက်နှာ ၈ နှင့် ၉ မှ )

စိတ်ပုပ် အတွေးပုပ်သော ဦးဆိုးပေနှင့် ဒေါ်ဆိုးပေတို့မှာ တစ်ပါးသူတို့ အပေါ်တွင်သာမက သူတို့အချင်းချင်း လည်း ကလိမ်ကကျစ် လုပ်လေ့ရှိကြသည်။

အကျဉ်းထောင်တစ်ခုနှင့်တူပြီး ပြတင်းပေါက်တစ်ပေါက်မှ မရှိသည့် အိမ်၌ နေထိုင်ကြသည်။ ဆူးပင်နှင့် 
ဖက်ယားပင်တို့ကိုသာ စိုက်ပျိုးထားသည့် ဥယျာဉ်တစ်ခုလည်းရှိသည်။

'' မျောက်ဇောက်ထိုး ဆပ်ကပ်မဟာ'' ဟု ကမ္ဘာလှည့် ပြသရန်ရည်ရွယ်၍ အာဖရိကဇာတိသား မျောက်မိသား တစ်စုကို လည်း ဥယျာဉ်အတွင်း၌ လှောင်အိမ်ဖြင့် မွေးမြူထားသည်။

ဥယျာဉ်အတွင်းရှိ သစ်ခြောက်ပင်ကြီး၏ အကိုင်းများပေါ်တွင် ကော်သုတ်ကာ ဦးဆိုးပေက ငှက်ထောင်လေ့ ရှိသည်။ တစ်ပတ်တစ်ခါ ဗုဒ္ဓဟူးနေ့ ရောက်လေတိုင်း ငှက်အဆာသွတ်မုန့် လုပ်စားကြရန် အတွက်ဖြစ်သည်။

ဦးဆိုးပေတို့လင်မယားအား မျောက်မိသားစုနှင့် ဇာမဏီငှက် အပါအဝင် ငှက်များက မည်သို့မည်ပုံ 
သင်ခန်းစာပေးကြမည်နည်း။

ကမ္ဘာပေါ်တွင် ပုံပြောအကောင်းဆုံး စာရေးဆရာကြီး ရိုးလ်ဒါးလ်၏ ''နာမည်နှင့်လိုက်အောင်ကို ဆိုးဝါးတဲ့ လင်မယား ... သူတစ်ပါး မကောင်းကြံ ကိုယ်သာ ဒဏ်ပြန်ခံရပုံ ဇာတ်လမ်း '' ကို ဖတ်ရှုကြည့်ရန်သာ ဖြစ်ပါ သည်။

မိုးမင်းသိမ်း
၆ နိုဝင်ဘာ ၂၀၁၉


Publisher Name: တိုးမြစ်စာအုပ်တိုက်

Publisher Address: အမှတ် ၉၉၅၊သုဇိတာ ဖြတ်လမ်း၊ ၂ရပ်ကွက်၊မြောက်ဥက္ကလာပ၊ရန်ကုန်မြို့။ ဖုန်း-0973045264,09450100742 Email:toemyit@gmail.com www.facebook.com/ToemyitPublishingHouse

Publisher Phone Number: 0973045264,094500100742


Related Books

Book Review Image

လူရွေးပွဲ

သင့်လူ
Book Review Image

သိမ်​းငှက်​လူသား

ကျော်စွာ (ဆေး ၂)
Book Review Image

ကာရာမာဇော့ညီအကိုများ

နတ်နွယ်
Book Review Image

ခွေးသတို့သား

ဉာဏ်သစ်
Book Review Image

ရေမွှေး

လင်းခန့်
Book Review Image

နားစွင့်ကြားဟန်ရင်ခုန်သံ

သင့်လူ
Book Review Image

နူးညံ့စိတ်ထားနှလုံးသား

သင့်လူ
Book Review Image

မားဆိုးအားစုံစမ်းစစ်ဆေးခြင်း

နေသန်
Book Review Image

သွားပါများ၍ ခရီးရောက်ခဲ့သူ

စည်​သူ​ကျော်​
Book Review Image

မဒမ်ဗိုဗာရီ

ကျော်လှိုင်ဦး
Book Review Image

လပ်ဇပ်ကား နှင့် သံလွင်ပင်

မောင်စူးစမ်း
Book Review Image

ကြေးစား

မောင်မိုးသူ
Book Review Image

အာဃာတ

စိုးသိဏ်း
Book Review Image

အရှေ့တို့ရဲ့အရှေ့

အေးဆောင်
Book Review Image

မိတဆိုး

မိုးမင်းသိမ်း
Book Review Image

မီဆိုဟင်းချို

သင့်လူ
Book Review Image

မျော်​လင်​့ခြင်​းဖတ်​စာ

ချမ်းမြေ့ဝင်း
Book Review Image

ထီပေါက်သူ

ဖိုးနိုင်လင်း
Book Review Image

ရိုးလ်ဒါးလ်၏ ငယ်ဘဝပုံပြင်များ

ဒေါက်တာဇော်သန်း
Book Review Image

ရတနာနတ်မယ် သို့မဟုတ် တခါတုန်းက သမ္မတကတော်

သန်းဝင်းလှိုင်
Book Review Image

တေးဆိုငှက်ဒဏ္ဍာရီ

သင့်လူ
Book Review Image

စွန့်ခဲ့ရကျွန်မဘဝပါရှင်

ခင်​မျိုးချစ်​
Book Review Image

အိမ်မက်ကုန်သည်

မောင်မိုးသူ
Book Review Image

ချစ်သောဂျွန်

တင်မောင်မြင့်
Book Review Image

ကမ္ဘာကျော်စာအုပ် ၁၀၀

နွယ်သစ်
Book Review Image

သေသူ့ထံမှ ပေးစာများ

မြသန်းတင့်
Book Review Image

မြေဖြုခဲပန်းချီဆရာလေး ကောင်းကောင်း

လင်းထိုက်
Book Review Image

သမ္မန်စာ

တင်မောင်မြင့်
Book Review Image

ကျေရာကျေကြောင်း

မောင်ပေါ်ထွန်း