အမြောက်ဆန်လေးရဲ့ ဘဝခရီး
အဲလ်ဗစ်
အမြောက်ဆန်လေးရဲ့ ဘဝခရီး
ဘာသာပြန်သူ - အဲလ်ဗစ်
တန်ဖိုး - 16000 (ပထမအကြိမ်)
စာမျက်နှာ - 476 မျက်နှာ
Trillium Publishing House
စာအုပ်ဝယ်ယူချင်ပါက အောက်ကလင့်ကိုနှိပ်ပြီးဝယ်ယူနိုင်ပါသည်
ရုပ်ရှင်လောကဆိုတာ သိပ်ပြီးမျက်နှာလိုက်တဲ့နေရာ။ ကိုယ်ကတော်နေရင်တောင်မှ မထနိုင်အောင်ဖိထားကြတာမျိုးပါ။ မှတ်မိသေးတယ် တစ်နေ့မှာစတန့်သမားတွေရွေးတဲ့အခါ ကျွန်တော်ကအမြဲနောက်ဆုံးမှာပဲနေရပါတယ်။ မင်းရယ် မင်းရယ် မင်းရယ်က အဲဒီစင်ပေါ်တက်၊ ပြီးရင်ခုန်ချ။ ရော့ အပိုကြေး။ အဲဒီလိုပေးတာ။ ကျွန်တော်ကဘယ်တော့မှအရွေးမခံရဘူး။ အမြဲနောက်ဆုံးမှာပဲ။
တစ်နေ့မှာတော့ သူ့စကားဆုံးတာနဲ့ ကျွန်တော်ခုန်ထပြီး စင်ပေါ်ပြေးတက်တယ်။ စတန့်ဆရာက မင်းဘာလုပ်တာလဲ၊ အခုဆင်းခဲ့တဲ့။ စတန့်တစ်ဖွဲ့လုံးက ဝိုင်းကြည့်နေကြတယ်။ ကျွန်တော်ဆင်းခဲ့လိုက်ရတယ်။ မင်းအဲဒီမှာနေလို့ပြောပြီး တခြားသူတွေကိုပဲခိုင်းတယ်။ ကိုယ်ဘယ်လောက်တော်ပြီး ဘယ်လောက်လေ့ကျင့်ထားလည်း အလကားပဲ။ အခွင့်အရေးမရဘူး။
အဲဒီတုန်းက စတန့်နေ့တွက်ခက ဟောင်ကောင်ဒေါ်လာ ၅ ဒေါ်လာ။ အဖေတစ်ပေါင်လောက်ပို့ပေးပါဦးလို့ ခဏခဏတောင်းရတာ ရှက်စရာကောင်းတယ်။ ကိုယ်ကအလုပ်သိပ်လုပ်ချင်တယ်၊ ရှေ့မှာစတန့်လုပ်ပြနေသူတွေထက် ပိုကောင်းအောင်လုပ်ပြနိုင်တယ်ဆိုပေမယ့် လုပ်ခွင့်မရဘူး။ မနက် ၆ နာရီဆို လူတိုင်းမနက်စာဆိုင်ထိုင်ကြတယ်။ အပေါင်းအသင်းတွေကလည်း ထိုင်ကြတာပေါ့။ ကျွန်တော်ကတော့ စားပြီးသလိုလိုနဲ့ အနားမှာလမ်းလျှောက်ရင်း မြန်မြန်စားဖို့တိုက်တွန်းသလိုနဲ့ ဝေ့လည်ကြောင်ပတ်လုပ်နေရတယ်။ သူတို့တွေငွေချေခါနီးမှ နီးရာခုံမှာဝင်ထိုင်၊ ငွေရှင်းပြီဆိုမှ မင်းတို့မစားတော့ဘူးလား နှမြောစရာကွာဆိုပြီး ကျန်တာတွေကိုယူစား။ မနက်စာကို ဒီနည်းနဲ့ဖြေရှင်းတယ်။ နေ့လယ်ကျတော့ စတူဒီယိုက ထမင်းတစ်ဘူးရတယ်။ ဒီလိုနေရင်းနဲ့ ငါတစ်သက်လုံး ဒီလိုနေရတော့မှာလား၊ ငါမနေဘူးလို့ တွေးမိတယ်။
အော်ပရာသမား၊ စတန့်သမား၊ လက်ထောက်ကင်မရာသမားဘဝမျိုးစုံကိုဖြတ်သန်းခဲ့တဲ့ ဂျက်ကီချန်းဟာ ဆိုးလွန်းတာတွေရော ကောင်းလွန်းတာတွေပါကြုံခဲ့ရတယ်။ Sydney Opra House မှာ လုပ်ခဲ့တဲ့ သူ့ရဲ့ပထမဆုံးဟောပြောပွဲမှာ သူ့ငယ်ဘဝကို ပြန်ပြောပြရင်း ပရိသတ်ကထပ်ပြောပြဖို့ တောင်းဆိုတဲ့အခါ ၅၆ နှစ်အတွင်းအတွေ့အကြုံက အများကြီး ကျွန်တော့်အတ္ထုပ္ပတ္တိသာဝယ်ဖတ်လိုက်ကြလို့ ပြောခဲ့တယ်။ တကယ်လည်း သူ့မှာပြောစရာတွေက စာအုပ်နဲ့မဆံ့အောင် အများကြီးပဲ။
ကျွန်တော့်အတွက်ပထမဆုံးဖြစ်လာမယ့် ဒီစာအုပ်မှာ လူငယ်နှစ်ယောက်ရဲ့ဝိညာဥ်ပါပါတယ်။ မထင်မရှားစတန့်သမားလေးဘဝကနေ ဘဝကိုရုန်းကန်ဖောက်ထွက် အောင်မြင်ချင်ခဲ့တဲ့ လူငယ်တစ်ယောက်ရဲ့ဝိညာဥ်နဲ့ အဲဒီလူငယ်လေးရဲ့ဘဝလမ်းခရီးကို သူ့အမေကိုလှမ်းပြောပြချင်တဲ့ လူငယ်တစ်ယောက်ရဲ့ဝိညာဥ်ပါပဲ။
#အဲလ်ဗစ်
Publisher Name: Trillium Publishing House
