သေသူ့ထံမှ ပေးစာများ
မြသန်းတင့်
မြသန်းတင့် (ကိုယ်ရေးအကျဥ်းနှင့်စာအုပ်များစာရင်း)
မြသန်းတင့်
သေသူ့ထံမှ ပေးစာများ
တိုးမြစ်စာအုပ်တိုက်
ပထမအကြိမ်၊ ၁ အောက်တိုဘာ ၂၀၁၉။
မျက်နှာဖုံးပန်းချီနှင့် ဒီဇိုင်း - ဇော်မောင်။
၁၃.၃ စင်တီမီတာ x ၂၀.၇ စင်တီမီတာ။
စာမျက်နှာ - ၃၃၁ ၊ တန်ဖိုး - ကျပ် ၅၀၀၀။
၂၃ ဇူလိုင် ၂၀၁၉ ရက်စွဲဖြင့် ရေးသားထားသော တိုးမြစ်၏ မှတ်ချက် ပါရှိပြီး အက္ခရာစဉ် အညွှန်းကိုလည်း ထည့် သွင်းဖော်ပြထားသည်။
ရနံ့သစ်နှင့် မိုးဂျာနယ် မဂ္ဂဇင်းတို့တွင် '' နိုင်ငံတကာ
ခရီးသွားစာပေ'' ခေါင်းစဉ်အောက်၌ ၃၃လ တိုင်တိုင် ဘာသာပြန်ဆို၍ အခန်းဆက် ဖော်ပြခဲ့သော ဆောင်းပါး ရှည် ၅ ပုဒ်ကို စုစည်း ထုတ်ဝေထားခြင်း ဖြစ်သည်။
၁။ ကူဝိတ်မြို့ဆီ မျှော်လိုက်ပြန်တော့ ၁ မှ ၈
မိုးဂျာနယ်၊ အတွဲ ၄၊ အမှတ် ၆၊ ဇူလိုင် ၁၉၉၄ မှ အတွဲ ၅၊ အမှတ် ၁၊ ဖေဖော်ဝါရီ ၁၉၉၅ အထိ ဖော်ပြခဲ့သည့် ဆောင်းပါး ဖြစ်သည်။
အမေရိကန်သတင်းစာဆရာ Milton Viorst ၏ Kuwait after the Liberation အရေးအသားကို ဘာသာပြန်ဆိုထားခြင်းဖြစ်သည်။
ပင်လယ်ကွေ့စစ်ပွဲကာလက '' အီရတ် သိမ်းပိုက်မှုမှ ခုနစ်လ နှင့်လွတ်မြောက်ခဲ့ပြီး ငါးလအတွင်း အခြေအနေမည်သို့ရှိမည်ကို သိလိုသောကြောင့်'' ကူဝိတ်နိုင်ငံ သို့သွားရောက်ခဲ့သည့် အမေရိကန်သတင်းစာဆရာ၏ မျက်မြင်တွေ့ရှိခဲ့ရသည့်အခြေအနေများ၊တွေ့ဆုံမေးမြန်း မှုများနှင့် နိုင်ငံရေးအခင်းအကျင်းတို့ကို ရောမွှေရေးသား ထားသည့် ဆောင်းပါးတစ်ပုဒ်ဖြစ်သည်။
၂။ တြိဂံအရိပ်မှ လူ ၁ မှ ၇
ရနံ့သစ်၊ အမှတ် ၂၈၊ ဒီဇင်ဘာ ၁၉၉၄ မှ အမှတ် ၃၆၊ သြဂုတ် ၁၉၉၅ အထိ ဖော်ပြခဲ့သော ဆောင်းပါးဖြစ်သည်။
အမေရိကန် သတင်းစာဆရာ Milton Viorst ၏ Man of Gamaliya အရေးအသားကို ဘာသာပြန်ဆိုထား ခြင်း ဖြစ်သည်။
စာပေနိုဘယ်ဆုရ အီဂျစ်စာရေးဆရာကြီး နားဂွစ်မားဖုဇ် နှင့် ကိုင်ရိုမြို့တွင် သွားရောက်တွေ့ဆုံဆွေးနွေးခဲ့သည်တို့ကို အီဂျစ်နိုင်ငံရေးအခင်းအကျင်းတို့နှင့် ဆက်စပ်ရေးဖွဲ့ထားသော ဆောင်းပါးတစ်ပုဒ်ဖြစ်သည်။
၃။ သေသူ့ထံမှ ပေးစာများ ၁ မှ ၅
မိုးဂျာနယ်၊ အတွဲ ၅၊ အမှတ် ၂၊ မတ် ၁၉၉၅ မှ အမှတ် ၆၊ ဇူလိုင် ၁၉၉၅ အထိ ဖော်ပြခဲ့သည့် ဆောင်းပါးဖြစ်သည်။
အမေရိကန် သတင်းစာဆရာ Timothy W. Ryback ၏ Stalingrad: Letters From The Dead အရေးအသား ကို ဘာသာပြန်ဆိုထားခြင်း ဖြစ်သည်။
၁၉၄၂ ခုနှစ်၊ သြဂုတ်လမှ ၁၉၄၃ ခုနှစ်၊ ဖေဖော်ဝါရီလ အထိ ကြာမြင့်ခဲ့သည့် '' စတာလင်ဂရက် တိုက်ပွဲကြီး '' အား ပြန်ပြောင်းသုံးသပ်ထားသည့် ဆောင်းပါးတစ်ပုဒ်ဖြစ်သည်။
၄။ ဧကရာဇ်ဘုရင် လူဝင်စား ၁ မှ ၉
မိုးဂျာနယ်၊ အတွဲ ၅၊ အမှတ် ၇၊ သြဂုတ် ၁၉၉၅ မှ အတွဲ ၆၊ အမှတ် ၆၊ ဇူလိုင် ၁၉၉၆ အထိ ဖော်ပြခဲ့သောဆောင်း ပါးဖြစ်သည်။
အမေရိကန် သတင်းစာဆရာ Milton Viorst ၏
The Shadow of Saladin အရေးအသားကို ဘာသာပြန်ဆိုထားခြင်းဖြစ်သည်။
ဆီးရီးယားသမ္မတ ဟာဖက်ဇ်အယ် အာဆတ်၏ ရုပ်ပုံလွှာကို ဆီးရီးယားနှင့် အရှေ့အလယ်ပိုင်းဒေသတို့၏ နိုင်ငံရေးအခင်းအကျင်းတို့ဖြင့် နှိုင်းယှဉ်သုံးသပ်ထား သည့် ဆောင်းပါးတစ်ပုဒ်ဖြစ်သည်။
၅။ တောင်ပင်လယ်က ခြင်္သေ့တစ်ကောင် ၁ မှ ၄
မိုးဂျာနယ်၊ အတွဲ ၆၊ အမှတ် ၇၊ သြဂုတ် ၁၉၉၆ မှ အမှတ် ၁၀၊ နိုဝင်ဘာ ၁၉၉၆ အထိ ဖော်ပြခဲ့သော ဆောင်းပါးဖြစ်သည်။
အမေရိကန် သတင်းစာဆရာ Robert Elegant ၏ Singapore: A Lion in the South Seas မှ ထုတ်နုတ်ပြန်ဆိုထားခြင်းဖြစ်သည်။
စင်ကာပူနိုင်ငံ၏ ပထမဆုံးဝန်ကြီးချုပ် လီကွမ်ယူအကြောင်း တစေ့တစောင်းအကဲဖြတ်ချက်နှင့် စင်ကာပူ နိုင်ငံရေးသုံးသပ်ချက်တို့ကိုတင်ပြထားသော ဆောင်း ပါးတစ်စောင်ဖြစ်သည်။
ဆောင်းပါး အမှတ်စဉ် ၁ မှ ၄ တို့မှာ ၁၉၉၀၊ ၁၉၉၁ နှင့် ၁၉၉၃ တို့တွင် ထုတ်ဝေခဲ့သော The New Yorker မှ
A Reporter at Large ကဏ္ဍ တွင် ဖော်ပြခဲ့သည့်
အရေးအသားများဖြစ်သည်။
နိုင်ငံတကာ ခရီးသွားဆောင်းပါးများဟု ဖော်ပြထား သည့်တိုင် ကမ္ဘာ
နိုင်ငံရေးအခင်းအကျင်းတို့ကို
တစ်နည်းတစ်ဖုံ ထင်ဟပ် ဖော်ပြနေသည့်
အရေးအသားများလည်းဖြစ်သည်။
လက်ရှိကမ္ဘာ
အခင်းအကျင်းတို့နှင့် နှိုင်းယှဉ်၍ တွေးဆကြည့်နိုင်မည့် ဆောင်းပါးများဟုလည်း ယူဆမိပါသည်။
မိုးမင်းသိမ်း
၁၆ အောက်တိုဘာ ၂၀၁၉
Publisher Name: တိုးမြစ်စာအုပ်တိုက်
Publisher Address: အမှတ် ၁၇၀ (ဒုတိယထပ်) ဗိုလ်ချုပ်အောင်ဆန်းလမ်း (၄၅လမ်းနဲ့ မျက်နှာချင်းဆိုင်) ပုဇွန်တောင်၊ ရန်ကုန် 09449523317
Publisher Phone Number: 09449523317
