Book Image

မြေဖြုခဲပန်းချီဆရာလေး ကောင်းကောင်း

လင်းထိုက်

အသစ်ထွက်တဲ့ကလေးစာအုပ်လေးပါ

#မြေဖြူခဲပန်းချီဆရာလေး
-အရင်ကလေးစာအုပ်လေးတွေအုပ်သုံးဆယ်ကျော်လောက်ဘာသာပြန်ခဲ့တုန်းက
"လင်းသုအိမ်"ဆိုတဲ့ကလောင်နာမည်ခွဲတစ်ခုကျနော်သုံးခဲ့ပါတယ်။ဒီစာအုပ်လေးထုတ်မယ်ဆိုတော့ဇာတ်လမ်းလေးကိုသဘောကျမိတာကော/စာများများနဲ့ပုံနည်းနည်း(စာမျက်နှာ၇ဝလောက်မှာခဲပန်းချီသရုပ်ဖော်ပုံလေးတွေပါပါတယ်)စာအုပ်ဖြစ်တာတစ်ကြောင်းကြောင့်ပါ"လင်းထိုက်"ကလောင်နဲ့ပဲထုတ်ဝေလိုက်ပါတယ်။
စာနဒီစာပေကထုတ်ဝေပြီးတန်ဖိုးကတော့တစ်ထောင်(1000)ကျပ်ပါ။



-အိမ်အသစ်ကျောင်းအသစ်နဲ့သူငယ်ချင်းအသစ်တွေကြားမှာအသားမကျပဲအထီးကျန်လေးနေနေရတဲ့ပန်းချီဆွဲတော်တဲ့၉နှစ်သားကောင်လေးတစ်ယောက်
-သူအားတဲ့အချိန်တိုင်းသူ့အိမ်အနောက်ဖက်ကမီးလောင်ထားတဲ့မြေဖြူခဲစက်ရုံပျက်ကြီးဆီသူသွားပြီ။မီးလောင်ထားတော့နံရံတွေကမည်းတူးနေတာပေါ့။အဲ့နံရံမည်းမည်းကြီးသုံးဖက်သုံးတန်မှာမီးမလောင်ပဲကျန်ရစ်ခဲ့တဲ့မြေဖြူခဲတွေနဲ့သူပန်းချီဆွဲတော့တာပဲ။ပန်းချီဟာသူ့အတွက်တော့အကောင်းဆုံးအဖော်မွန်အကောင်းဆုံးစိတ်ဖြေရာလေးပဲ။

-ကျောင်းမှာကလဲသူ့ကိုနားလည်သူဆိုလို့နှင်းနှင်းဆိုတဲ့ကောင်မလေးတစ်ယောက်ပဲရှိတယ်။နှင်းနှင်းကကျောင်းမှာပန်းချီပထမဆုအမြဲရတဲ့ကောင်မလေးတစ်ယောက်ပေါ့။(သူရတဲ့ဆုသေတ္တာလေးကို"သူနဲ့မထိုက်တန်ပါဘူး။"ဆိုပြီးကောင်လေးကိုတစ်တန်းလုံးရှေ့မှာသွားပေးတဲ့အခန်းကတော့ကလေးဘဝရိုမန်တစ်လေးလို့ပဲဆိုရမလား။)တကယ်လဲကောင်းကောင်းကနှင်းနှင်းထက်ပန်းချီပိုတော်နေတာကိုနှင်းနှင်းကလွဲရင်ဆရာမတွေကောတစ်တန်းလုံးကပါမသိကြပါဘူး။နှင်းနှင်းတစ်ယောက်သာကောင်းကောင်းရဲ့မြေဖြူခဲစက်ရုံနံရံပေါ်ကမြေဖြူခဲနဲ့ဆွဲထားတဲ့ပန်းချီတွေကိုတွေ့ဖူးခဲ့တာကိုး။

-စက်ရုံပျက်နံရံမည်းမည်းကြီးပေါ်မှာမြေဖြူခဲပန်းချီနဲ့ဥယျာဉ်အကြီးကြီးတစ်ခုကိုကောင်းကောင်းကဖန်တီးရေးဆွဲခဲ့တယ်လေ။ဆွဲဖြစ်ရပုံအကြောင်းကလဲစိတ်ဝင်စားစရာ။ကျောင်းမှာအတန်းသားတိုင်းကိုမျိုးစေ့လေးတွေပေးပြီးအိမ်မှာဥယျာဉ်လေးတွေဖန်တီးကြဖို့ဆရာမကခိုင်းတယ်ပေါ့။ခက်တာကကောင်းကောင်းရဲ့အိမ်အသစ်လေးမှာကမြေနေရာလုံးဝမရှိဘူး။(အခုခေတ်မြို့ပြတိုက်ခန်းကကလေးတွေမြေကြီးမြေနေရာမရှိတဲ့အဖြစ်နဲ့ခပ်ဆင်ဆင်ပါပဲ)

-အပင်စိုက်ဖို့မြေမရှိတဲ့ပန်းချီဆရာလေးဟာသူ့စိတ်တိုင်းကျနံရံပေါ်မှာပန်းချီအတတ်နဲ့အပင်မျိုးစုံနဲ့ရေအိုင်လေးတစ်ခုပါတဲ့ဥယျာဉ်ကြီးတစ်ခုကိုရေးဆွဲဖန်တီးတော့တာပေါ့။ဆရာမကကျောင်းမှာ"ဘာပင်တွေစိုက်လဲကောင်းကောင်း"လို့မေးတဲ့အခါတိုင်းသူ့ဥယျာဉ်မှာဘာပင်တွေစိုက်ပြီးကြောင်းရေအိုင်လေးပါလုပ်ထားကြောင်းအမြဲပြန်ဖြေတယ်။သူ့ပန်းချီဥယျာဉ်လေးကိုတကယ့်ဥယျာဉ်လေးလို့သူစိတ်ထဲစွဲနေမိတဲ့အဖြစ်ကမိုးတွေသည်းတဲ့တစ်ညမှာဇာတ်လမ်းထဲပိုပုံပေါ်လာတယ်။ညမှာလန့်နိုးပြီးသူ့အပင်တွေပျက်စီးမှာသူသိပ်စိတ်ပူနေခဲ့တယ်။မနက်ကျတော့ကပျာကယာသွားကြည့်တယ်။ကျောင်းကိုတောင်နောက်ကျမှရောက်သွားလို့ဆရာမကမေးတော့"ဥယျာဉ်အလုပ်တွေလုပ်နေရလို့ပါဆရာမ"လို့ပြန်ဖြေပြီးသူ့ရဲ့မြေဖြူပန်းချီဥယျာဉ်လေးကိုသူ့မသိစိတ်ကတကယ့်ဥယျာဉ်လိုစွဲလမ်းနေခဲ့တာပါ။သူ့နံရံမြေဖြူပန်းချီဥယျာဉ်ကြီးကလဲတော်တော်ကြီးပါတယ်။ကြီးမားလှတဲ့နံရံသုံးဖက်အပြည့်ရေးဆွဲထားတဲ့ဧရာမမြေဖြူပန်းချီကားကြီးလို့ဆိုရပါမယ်။လှေကားထောင်ပြီးတောင်နောက်ပိုင်းသူဆွဲခဲ့ရတယ်။
*စာအုပ်တစ်အုပ်လုံးရဲ့နောက်ဆုံးခန်းတွေမှာတော့စာရေးသူဟာကလေးတွေအတွက်ပေးချင်တဲ့မက်ဆေ့ခ်ျ(အာဘော်)တစ်ခုကိုအမိအရပေးသွားနိုင်ခဲ့ပါတယ်။

-ကလေးတွေလူငယ်တွေအတွက်ရသပါပါနဲ့အသိတစ်ခုကိုအတုံးလိုက်အတစ်လိုက်မဟုတ်ပဲငြိမ့်ငြိမ့်ညောင်းညောင်းလေးပေးသွားနိုင်တဲ့စာတစ်အုပ်လို့ပဲဆိုပါရစေ။

#လင်းထိုက်


Publisher Name: စာနဒီ စာအုပ်တိုက်

Publisher Address: အမှတ်-၉၇၃၊ ပျဉ်းမမြိုင်လမ်း၊ ၃၄ ရပ်ကွက်၊ မြောက်ဒဂုံမြို့နယ်၊ ရန်ကုန်မြို့။

Publisher Phone Number: 095071196, 095071197


Related Books

Book Review Image

လူရွေးပွဲ

သင့်လူ
Book Review Image

သိမ်​းငှက်​လူသား

ကျော်စွာ (ဆေး ၂)
Book Review Image

ကာရာမာဇော့ညီအကိုများ

နတ်နွယ်
Book Review Image

ခွေးသတို့သား

ဉာဏ်သစ်
Book Review Image

ရေမွှေး

လင်းခန့်
Book Review Image

နားစွင့်ကြားဟန်ရင်ခုန်သံ

သင့်လူ
Book Review Image

နူးညံ့စိတ်ထားနှလုံးသား

သင့်လူ
Book Review Image

မားဆိုးအားစုံစမ်းစစ်ဆေးခြင်း

နေသန်
Book Review Image

သွားပါများ၍ ခရီးရောက်ခဲ့သူ

စည်​သူ​ကျော်​
Book Review Image

မဒမ်ဗိုဗာရီ

ကျော်လှိုင်ဦး
Book Review Image

လပ်ဇပ်ကား နှင့် သံလွင်ပင်

မောင်စူးစမ်း
Book Review Image

ကြေးစား

မောင်မိုးသူ
Book Review Image

အာဃာတ

စိုးသိဏ်း
Book Review Image

အရှေ့တို့ရဲ့အရှေ့

အေးဆောင်
Book Review Image

မိတဆိုး

မိုးမင်းသိမ်း
Book Review Image

မီဆိုဟင်းချို

သင့်လူ
Book Review Image

မျော်​လင်​့ခြင်​းဖတ်​စာ

ချမ်းမြေ့ဝင်း
Book Review Image

ထီပေါက်သူ

ဖိုးနိုင်လင်း
Book Review Image

ရိုးလ်ဒါးလ်၏ ငယ်ဘဝပုံပြင်များ

ဒေါက်တာဇော်သန်း
Book Review Image

ရတနာနတ်မယ် သို့မဟုတ် တခါတုန်းက သမ္မတကတော်

သန်းဝင်းလှိုင်
Book Review Image

တေးဆိုငှက်ဒဏ္ဍာရီ

သင့်လူ
Book Review Image

စွန့်ခဲ့ရကျွန်မဘဝပါရှင်

ခင်​မျိုးချစ်​
Book Review Image

အိမ်မက်ကုန်သည်

မောင်မိုးသူ
Book Review Image

ချစ်သောဂျွန်

တင်မောင်မြင့်
Book Review Image

ကမ္ဘာကျော်စာအုပ် ၁၀၀

နွယ်သစ်
Book Review Image

ဦးဆိုးပေ ဒေါ်ဆိုးပေ

ဖိုးနိုင်လင်း
Book Review Image

သေသူ့ထံမှ ပေးစာများ

မြသန်းတင့်
Book Review Image

သမ္မန်စာ

တင်မောင်မြင့်
Book Review Image

ကျေရာကျေကြောင်း

မောင်ပေါ်ထွန်း