တိမ်တိုက်ကားချပ် ...အဝါ
စံပယ်ဖြူနု
တိမ်တိုက်ကားချပ် ...အဝါ
စာရေးဆရာမ - စံပယ်ဖြူနု
ပထမ အကြိမ်၊ ဇန်နဝါရီလ၊ ၂၀၂၀ခုနှစ်။
ကံ့ကော်၀တ်ရည်စာပေ မှ ထုတ်ဝေသည်။
မျက်နှာဖုံးသရုပ်ဖော် - မြင့်မောင်ကျော်
အုပ်ရေ ၁၀၀၀
တန်ဖိုး - ၄၅၀၀ ကျပ်
စာမျက်နှာ အရေအတွက် ၃၁၄
၀မ်းနည်းနေတဲ့ အချိန်မှာပဲ ဖြစ်ဖြစ်၊
ပျော်နေတဲ့ အချိန်မှာပဲ ဖြစ်ဖြစ် ကောင်းကင် က တိမ် တွေ သိပ်လှတာပဲ။
အထူးသဖြင့် အနာတရ စိတ်နဲ့ မော့ကြည့်လိုက်တဲ့ အချိန်ဆို အဲ့ဒီ ခံစားမှုကို မေ့သွားလောက်အောင် တိမ်တွေ က လှပလွန်းတယ်။
(စာအုပ်ထဲမှာ ကူးယူ ဖော်ညွှန်းသည်)
ဒီစာအုပ်လေး ဖတ်ရတော့ စိတ်ထဲမှာ တော်တော်လေး ၀မ်းနည်းရတယ် ရင်ထဲ တော်တော်မကောင်းဖြစ်ရတယ် ။
အိမ်ထောင်ရေး ပြိုကွဲ မှု ဒဏ်ကို အလူးအလဲခံရရှာတဲ့ နုနုနယ်နယ် ကလေးမလေး လီလီ တစ်ယောက်ရဲ့ ဖြတ်သန်းရတဲ့ ခံစားချက်၊ အဘွားဖြစ်သူရဲ့ အိမ်မှာ ထားခဲ့ရက်တဲ့ အမေ တစ်ယောက် ရဲ့ နောက်အိမ်ထောင်ပြု ထိမ်းမြားမင်္ဂလာပွဲ အပြီး လီလီကို စွန့်ခွာသွားခဲ့တဲ့ မမေ့နိုင်တဲ့ ရက်လေးတစ်ရက် က စပြီး ကလေး ဘ၀ မှာ အဘွား က မကြည်ဖြူ၊ ဦးလေးဖြစ်သူ ရဲ့ ငြိုငြင် ရက်စက်တဲ့ စကားလုံး တွေ အောက်မှာ နုနယ်တဲ့ ကလေး တစ်ယောက်ရဲ့ ကြီးပြင်းလာရမှု။ ခိုကိုးရာမဲ့တဲ့ ကလေးတစ်ယောက်ရဲ့ ဘ၀မှာ ဘယ်သူ့မှ ကြင်နာမှု အပြည့် မပေးခဲ့တဲ့အပြင် မိခင်ဖြစ်သူ ကိုယ်တိုင်ကပါ ချစ်တတ်မှု ပုံစံမပြခြင်းခံရတဲ့ လီလီ တစ်ယောက်အဖို့ ဘ၀မှာ အားငယ်မှု၊ သိမ်ငယ်မှု အပြည့်နဲ့ တရွေ့ ရွေ့ ရုန်းကန်လာရတဲ့ အချိန်တွေမှာ မိခင်ဖြစ်သူဆီ ကတော့ မမျှော်လင့်တဲ့ ထိုးနက်ချက်စကားလုံးတွေဖြစ်တဲ့
"ငါ နင့်ကို မွေးဖို့ မကောင်းခဲ့ဘူး"
"မေမေ လီလီ ကို တကယ်မလိုချင်ခဲ့ဘူးပေါ့ "
"အေး ...မလိုချင်ဘူး"
ငယ်စဉ်ကတည်းကကြီးမားလှတဲ့ ဒဏ်ရာ ဒဏ်ချက်တွေ နဲ့ ထမ်းပိုးခြင်းခံထားရတဲ့ လီလီ တစ်ယောက် ဟာ အရာအရာ အားလုံးရဲ့ ပြစ်မှု တရားခံဟာ မိမိ ကိုယ်တိုင်ကြောင့်ဖြစ်တည်လာရသလို ကလေးတစ်ယောက်ရဲ့ အသိစိတ်ထဲမှာ မိမ်ိသည် တရားခံ အဖြစ် ရှု့မြင်ခြင်းခံရတဲ့ ပတ်၀န်းကျင်မှာ အမေသူငယ်ချင်း ဦးညီ တစ်ယောက်သာ မိမိရဲ့ အားကိုးအားထားရာ နွေးထွေးရာ ဖြစ်ခဲ့တယ်။ ၁၅ နှစ်ကြာမှ ပြန်လည်တွေ့ချင်လာတဲ့ အဖေရင်း တစ်ယောက်ကိုလည်း လီလီ နားမလည်နိုင်သလို အမေ ထပ်မွေးမယ့် နောက်အိမ်ထောင်က မောင်လေး တစ်ယောက် ကိုလည်း လီလီ ဘယ်လိုမှ ဖြည့်မတွေးပေးနိုင်ရှာဘူး လီလီ ဘ၀မှ အရာ ရာအားလုံး အကျဉ်းအတည်း ကြားမှာ ရုန်းကန်နေရပြီး လီလီ ကို ကျ ဘယ်သူမှ မလိုချင်ပဲ မွေးလာတဲ့ အခု အမေလွယ်ထားတဲ့ ကိုယ်၀န်ကျတော့ လူတိုင်းလိုလို ချစ်ပေးကြတဲ့ အပြင် မိဘ အစုံအလင်နဲ့ မွေးလာမယ့် အစုတ်ပလုတ်လေးကို လီလီ ဘယ်လိုချစ်ရမလဲ မစဉ်းစားတတ်တဲ့ ခံစားချက်တွေ ။
စိတ်ကျဝေဒနာနဲ့အတူ သိမ်ငယ်စိတ်တွေ နဲ့ ကြင်နာမှု အပြည့်မရခဲ့တဲ့ ကလေးမလေး လီလီ ဟာ မိန်းမသားစဖြစ်တဲ့ရက်မှာတင် သွေးပျက်လောက်အောင် ခြောက်ခြားခဲ့ပေမယ့် အနားမှာ အမေ မရှိခဲ့ဘူး ရှိနေတဲ့ အဘွားဖြစ်သူက ဒီအဖြစ်အပျက်ကို ပျက်ရယ်ပြုပြီး လာသမျှ ဧည့်သည်ကို ဖောက်သည်ချ ရီစရာအဖြစ်ပြောခြင်းခံရတဲ့ ခံစားချက်တွေ အထီးကျန်ဆိုးဝါးလှတဲ့ မိန်းမသားကလေးတစ်ယောက်ရဲ့ ပျိုဖော်၀င်ချိန် တွေ ဖြတ်သန်းရ အခိုက်အတန့်တွေ။
ဒီစာအုပ်ဖတ်စဉ် တစ်လျှောက်လုံး ဇာတ်ကောင်သက်၀င်မှုမှာ ကိုယ့်မှာ မွန်းကြပ်မှု တွေနဲ့ ပြည့်နေပြီး တော်တော်လေးစိတ်မကောင်းခြင်းများစွာနဲ့ ဖတ်ရင်း လီလီလေးတစ်ယောက် ငြိမ်းချမ်းအေးမြပါစေ ဆိုတဲ့ စိတ်လေးနဲ့ ဆုတောင်းရင်း အဆုံးသတ်လိုက်ပါတယ်။
စာဖတ်ခြင်းမှာ အချိန်ပေးမွေ့လျော်နိုင်ပါစေ
N????
Publisher Name: ကံကော်ဝတ်ရည်စာပေ
Publisher Address: အမှတ်-၂၂၊ မဟာဇေယျလမ်း၊ပုဇွန်ထောင်မြို့နယ်၊ ရန်ကုနမြို့။ ဖုန်း- 09250012348 ၊ 0931561418 ၊ 0973041137 email:kantkawwutyee@gmail.com http://kantkawwutyee.myanmaronlinesales.com
Publisher Phone Number: 09250012348 ၊ 0931561418 ၊ 0973041137
