ထောင်ဂျပိုး
မာန်(တောင်လုံးပြန်)
#ထောင်ဂျပိုး၊ #မာန်(တောင်လုံးပြန်)၊ #ခိုင်မျိုး၊ #ကံ့ကော်ဝတ်ရည်၊ ၂၀၁၃၊ အောက်တိုဘာ၊ ပထမအကြိမ်၊ စာ ၁၅၂၊ ၁၄၀၀ ကျပ်၊ #မျက်နှာဖုံးဒီဇိုင်း #ဝင်းမြင့်ဦး။
အမှောင်ဘက်ခြမ်းက ဘဝတွေအကြောင်း ရေးထားတဲ့စာအုပ်တွေလို့ ပြောရမယ်ထင်တယ်။ မိန်းမလှလေးတွေ မပါဘူး။ တီတီတာတာ စကားလုံးတွေ မပါဘူး။ အရှိကိုအရှိအတိုင်း တုတ်ထိုးအိုးပေါက် ရေးထားတဲ့ အရေးအသားတွေနဲ့ စာအုပ်နှစ်အုပ်။
တစ်အုပ်က လောင်းကစားမှုနဲ့ ထောင်ထဲရောက်လာတဲ့ ထောင်ကျတစ်ယောက်အကြောင်း သူကိုယ်တိုင် ပြန်ပြောပြတဲ့အတိုင်းကို စာရေးဆရာက ဖတ်ကောင်းအောင် ပြန်ရေးပြထားတာ။ ထောင်ဆိုတာ ပျော်စရာမကောင်းတဲ့ အရပ်ဒေသဖြစ်မှန်းတော့ သိကြပြီးသားပဲ။ ဒါပေမဲ့ အဲဒီထောင်ဆိုတဲ့ အရပ်ဒေသမှာပဲ ပျော်စရာကို ရှာကြံပြီး နေကြတဲ့ လူတွေအကြောင်း။ ထောင်ကိုမှီပြီး စားသောက်နေထိုင်ရတဲ့ ဘဝတွေအကြောင်း။ ထောင်ထဲက အထက်လွှာ၊ အလယ်လွှာ၊ အောက်လွှာ၊ အလွှာအသီးသီးက လူတွေရဲ့ ခြားနားတဲ့ လူနေမှုပုံစံအကြောင်း။ ဒါတွေကို ဇာတ်ကြောင်းပြောသူက မီးမောင်းထိုးပြသွားတယ်။ ထောင်သရုပ်အကြောင်းကို သူက ဟောဒီလို အဆုံးသတ်တယ်။
"ထောင်ထဲ ရောက်သွားတဲ့အခါ ဘာလုပ်ချင်လဲ။ ဘောင်ချာသာ ဖွင့်လိုက်။ တရားရုံးက ခင်ဗျားကို ချမှတ်လိုက်တဲ့ ပြစ်မှုကြွေးဆိုတာ ဗူးဝမှာတင် ကျန်ခဲ့လိမ့်မယ်။ ခင်ဗျား ဘာမှမတတ်နိုင်ဘူးဆိုရင်တော့ တရားရုံးက မချမှတ်လိုက်တဲ့ ပြစ်ဒဏ်တွေ စုပြုံပြီး ရောက်လာမယ်။ အဲဒါဟာ အာဏာရှင် နိုင်ငံတစ်နိုင်ငံ၊ ခေတ်ဟောင်းစနစ်ဟောင်းဆီမှာ ပြစ်ဒဏ်ကျခံခဲ့ရတဲ့ ထောင်ကျတစ်ယောက်ရဲ့ အတွေ့အကြုံအစစ်တွေပါပဲ" တဲ့။
#ကျော်စွာ
၁၀:၅၅ နာရီ
၂.၂.၂၀၂၀
Publisher Name: ကံကော်ဝတ်ရည်စာပေ
Publisher Address: အမှတ်-၂၂၊ မဟာဇေယျလမ်း၊ပုဇွန်ထောင်မြို့နယ်၊ ရန်ကုနမြို့။ ဖုန်း- 09250012348 ၊ 0931561418 ၊ 0973041137 email:kantkawwutyee@gmail.com http://kantkawwutyee.myanmaronlinesales.com
Publisher Phone Number: 09250012348 ၊ 0931561418 ၊ 0973041137
