ခေါင်းမော့လိုက်တော့ မင်း ခေါင်းငုံ့လိုက်တော့ သူ
နုနုရည်အင်းဝ
ခေါင်းမော့လိုက်တော့ မင်း ခေါင်းငုံ့လိုက်တော့ သူ
နုနုကည် (အင်းဝ)
စိတ်ကူးချိုချို
တန်ဖိုး - ၃၀၀၀ ကျပ်
ဒီကာလကြီးမှာ
အသက်ရှူတွေကြပ်လာပြီး မောလာတယ် ဆိုပါတော့
covid 19 လို့ တန်းပြီး သံသယ မဝင်လိုက်ပါနဲ့ဦး
ဆရာမ နုနုရည်အင်းဝရဲ့ စာအုပ်တစ်အုပ်အုပ်ကိုဖတ်နေခဲ့ရင်လဲ ဒီလက္ခဏာတွေဖြစ်နိုင်ပါတယ်
ခေါင်းမော့လိုက်တော့ မင်း ခေါင်းငုံ့လိုက်တော့ သူ တဲ့
ဆရာမရဲ့ တက္ကသိုလ်နောက်ခံ လုံးချင်းက ဒီတစ်အုပ်ပဲ
ရှိတယ်လို့ဆိုပါတယ်
တစ်ကယ်တော့ တက္ကသိုလ်နောက်ခံလို့ ပြောရရုံပါ
ဖတ်ဖူးနေကျ မောစရာတွေချည်းမဟုတ်ပေမယ့်လို့
မောတော့ မောရတာပါပဲ
ဒါပေမယ့် ရယ်စရာလေးတွေ တစ်ချို့တလေလဲပါတော့
တွေ့ရခဲတဲ့ ရယ် ပြီး မောစရာ
ဆရာမလက်ရာတစ်မျိုးပေါ့
အမှန်တိုင်း ဝန်ခံရရင် အရင်ဖတ်ဖူးတဲ့ စာအုပ်တွေလောက် မစွဲပေမယ့်
ပထဝီ နဲ့ ဘွဲ့ရပြီး မြန်မာနိုင်ငံမြေပုံမဆွဲတတ်တဲ့
ကျွန်တော့်လိုကောင် အတွက်ကတော့
တော်တော်တန်တန် heart ထိတဲ့ စာအုပ်ပါ
ဘာကြောင့်ဆိုတာတော့ မဖော်တော့ပါဘူး
ဖတ်ကြည့်တဲ့အချိန်ရောက်မှ
သြော် ဒါကြောင့်ပါလားလို့
အရသာရှိရှိခံစားလို့ရအောင်လို့ပါ
တက္ကသိုလ်နောက်ခံတွေကို ဆရာဇဝနရဲ့
ဟာသ စာအုပ်တွေလောက် မက်မက်စက်စက်ဖတ်ခဲ့၊ ကြိုက်ခဲ့တာဆိုတော့ ဒီစာအုပ်ကို ဖတ်ရတဲ့အခါ
တစ်ခြားတစ်ဖတ်အမြင်ကနေ မြင်တတ်သွားတာ အမြတ်ထွက်ပါတယ်
လောကကြီးထဲမှာ
အထူးသဖြင့် ခုလိုခေတ်ကြီးထဲမှာတောင်
မျက်နှာငယ် တက္ကသိုလ် ကျောင်းတော်သူ ၊
ကျောင်းတော်သား ဘဝတွေရှိနေသေးတာ
မျက်မြင်ကိုယ်တွေ့လေ
စာအုပ်ကို ဖတ်နေရင်း ဖတ်နေရင်း ကိုယ့်ကိုယ်ကိုယ်ပဲ မြင်ယောင် မြင်ယောင်နေမိတယ်
လူတိုင်း ကိုယ့်လိုမဟုတ်ပေမယ့်
ကိုယ့်လိုလူတိုင်းအတွက် စာနာမိတာပေါ့
ဘွဲ့လက်မှတ်တွေ အသီးသီးကိုင်ပြီး
ရထားတဲ့ဘွဲ့နဲ့ မသက်ဆိုင်ရာ နယ်ပယ်တွေမှာ ကျင်လည်နေရတဲ့ ဘဝတူတွေအများကြီးရှိတယ်
တစ်ချို့ကတော့ ကိုယ်ဝါသနာပါရာကို
ရွေးခဲ့ကြပေမယ့်
တစ်ချို့ကတော့ ရွေးချယ်ခွင့်မရှိလို့ကို
ရရာအလုပ် လုပ်နေကြရတယ်
ဘွဲ့လက်မှတ်တစ်ခုဟာ ဘွဲ့နှင်းသဘင်ခန်းမထဲက
မထွက်ရသေးခင် ယပ်တောင်အဖြစ် ပထမဦးဆုံးအသုံးဝင်တယ်ဆိုတဲ့ စကားများ သိပ်မှန်တယ်
အဲဒီနောက်တော့...
ဇင်ဦးမောင် နဲ့ ထွေး ရဲ့အဖြစ်မျိုး
ထွန်းဇော်ထိုက် နဲ့ ညို့ လိုအဖြစ်မျိုးတွေဟာ
ကြုံဖူးသူအဖို့ ရူးလောက်စရာတွေပါ
သူ့ခေတ် ကိုယ့်ခေတ် ကွာပေမယ့်လို့ ခုလဲ
ဒီသဘောအတိုင်းပါပဲ
ရန်ကုန် တက္ကသိုလ် နှစ် ၁၀၀ ပြည့်အတွက်
ဂုဏ်ပြုထုတ်ဝေတဲ့ ဒီစာအုပ်မှာ
ရန်ကုန် တက္ကသိုလ် အပါအဝင်
တက္ကသိုလ် အသီးသီးက ဘွဲ့ရတဲ့သူတွေရဲ့
ဘွဲ့ရအလုပ်လက်မဲ့ အခြေအနေ နဲ့
ကျွန်တော့်လို ရထားတဲ့ ပထဝီဘွဲ့လေးအလဟာသ
မဖြစ်ရလေအောင် ဝပ်ရှော့လုပ်စားနေတဲ့ သူတွေဘယ်လောက်တောင်များနေပြီလဲ ဆိုတာ မြင်နိုင်ပါတယ်
nca
Publisher Name: စိတ်ကူးချိုချို စာပေ
Publisher Address: ၉(က)၊ ၁၆၄ လမ်း၊ တာမွေ၊ ရန်ကုန်မြို့။ ဖုန်း - ၀၁၅၄၆၈၄၅
Publisher Phone Number: 01546845
